India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanchipuram
News October 15, 2024
காஞ்சியில் மழைக்கால அவசர எண் அறிவிப்பு
கனமழை காரணமாக நீர்பெருக்கு அதிகரிக்கும்போது பாம்பு மற்றும் இதர வன உயிரினங்கள் வீடு மற்றும் குடியிருப்பு பகுதிகளில் நுழைய வாய்ப்புள்ளது. எனவே இதுகுறித்து புகார்களை தெரிவிக்க காஞ்சிபுரம் மாவட்டத்தில் உள்ள மக்கள் 24 மணி நேரமும் 1077 என்ற எண்ணில் தொடர்பு கொள்ளலாம் என அறிவிக்கப்பட்டுள்ளது.
News October 15, 2024
பாஸ்போர்ட் அலுவலகம் நாளை இயங்காது
கனமழை எச்சரிக்கையால் சென்னை மண்டல பாஸ்போர்ட் அலுவலகம் மற்றும் பாஸ்போர்ட் சேவா கேந்திரா அலுவலகங்கள் நாளை (அக். 16) இயங்காது என அறிவிக்கப்ட்டுள்ளது. இதில் அமைந்தகரை, சாலிகிராமம், தாம்பரம், காஞ்சிபுரம், திருவள்ளூர் ஆகிய இடங்களில் உள்ள பாஸ்போர்ட் சேவா கேந்திரா அலுவலகங்களில் நாளை முன்பதிவு செய்தவர்கள் வேறு நாட்களை தேர்வு செய்ய அறிவுறுத்தப்பட்டுள்ளனர்.
News October 15, 2024
சாம்சங்: பேச்சுவார்த்தையில் எடுக்கப்பட்ட முடிவுகள்
தொழில் அமைதி, பொது அமைதி காக்கும் பொருட்டு தொழிலாளர்கள் வேலை நிறுத்தத்தை உடனடியாக கைவிட்டு பணிக்கு செல்ல வேண்டும்;
போராட்டத்தில் ஈடுபட்ட தொழிலாளர்கள் மீது பழிவாங்கும் நடவடிக்கை கூடாது; தொழிலாளர்கள் நிர்வாகத்தினருக்கு முழு ஒத்துழைப்பு அளிக்க வேண்டும்; ஊதிய உயர்வு மற்றும் பொது கோரிக்கை மீது நிர்வாகம் எழுத்துப் பூர்வமாகப் பதிலுரையை சமரச அலுவலர் முன் தாக்கல் செய்ய வேண்டும் என முடிவு செய்யப்பட்டது.
News October 15, 2024
காஞ்சிபுரத்தில் அதிமுக பொதுக்கூட்டம் ஒத்திவைப்பு
அதிமுகவின் 53ஆவது ஆண்டு விழா முன்னிட்டு காஞ்சிபுரத்தில் 17ஆம் தேதி பொது கூட்டம் நடைபெறும் என்று அறிவிக்கப்பட்டிருந்தது. இந்நிலையில் வானிலை ஆய்வு மையம் பலத்த மழை இருக்கக்கூடும் என எச்சரித்துள்ளதால் 17ஆம் தேதி நடைபெற இருந்த கூட்டம் ஒத்திவைக்கப்பட்டுள்ளதாக அதிமுக தலைமை அறிவித்துள்ளது.
News October 15, 2024
காஞ்சியில் நாளை அரசு அலுவலகங்கள் விடுமுறை
வடகிழக்கு பருவமழை துவங்கிய நிலையில் இன்று முதல் அதிக கனமழை பெய்யக்கூடும் என வானிலை ஆராய்ச்சி மையம் தெரிவித்த நிலையில் கன மழை முன்னெச்சரிக்கை நடவடிக்கையாக காஞ்சிபுரம் மாவட்டங்களில் அனைத்து பகுதியிலும் அத்தியாவசிய சேவை துறைகள் தவிர பிற அரசு அலுவலகங்களுக்கு நாளை (16.10.2024) விடுமுறை என தமிழக அரசு அறிவித்துள்ளது
News October 15, 2024
காஞ்சிபுரத்தில் நாளை பள்ளிகளுக்கு விடுமுறை
அதிகனமழை காரணமாக நாளை புதன் கிழமை (16.10.2024) அன்று சென்னை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களில் பள்ளி, கல்லூரிகளுக்கு விடுமுறை தமிழக அரசு சார்பில் அறிவிக்கப்பட்டுள்ளது. சென்னை, திருவள்ளூர், காஞ்சிபுரம் மற்றும் செங்கல்பட்டு ஆகிய நான்கு மாவட்டங்களிலுள்ள அரசு மற்றும் பொதுத் துறை நிறுவனங்களுக்கும் நாளை விடுமுறை அறிவிக்கப்பட்டுள்ளது.
News October 15, 2024
இன்று இரவு 7 மணி வரை கனமழைக்கு வாய்ப்பு
இன்று இரவு 7 மணி வரை காஞ்சிபுரம் மாவட்டத்தில் கனமழை மற்றும் அதிகனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. மேலும், 2 நாட்கள் கழித்து 18ஆம் தேதி முதல் மழை படிப்படியாக குறையத் தொடங்கிவிடும் என்று தென்மண்டல் வானிலை ஆய்வு மைய இயக்குநர் தெரிவித்துள்ளார். தெரிவித்தார்.
News October 15, 2024
அதிமுகவின் 53ஆம் ஆண்டு தொடக்க விழா ஒத்திவைப்பு
வரும் அக்.17ஆம் தேதி அன்று அதிமுகவின் 53ஆம் ஆண்டு தொடக்க விழாவில், காஞ்சிபுரம் மாநகருக்கு அதிமுக பொதுச் செயலாளர் இபிஎஸ் வருவதாக இருந்தது. இந்த நிலையில், சென்னை மற்றும் காஞ்சிபுரம் ஆகியவை மாவட்டங்களில் கனமழை பெய்து வருவதால், தேதி குறிப்பிடாமல் நிகழ்ச்சி ஒத்தி வைக்கப்பட்டுள்ளது என அதிமுக தலைமை கழகம் அறிவித்துள்ளது. மேலும், காஞ்சிபுரம் மாவட்டத்தில் முன்னெச்சரிக்கை நடவடிக்கைகள் எடுத்து வரப்படுகின்றன.
News October 15, 2024
பயிர் இழப்பைத் தவிர்க்க முன்னெச்சரிக்கை
காஞ்சிபுரம் மாவட்டத்தில், வடகிழக்கு பருவமழை அக்டோபரில் தொடங்கி டிசம்பர் வரை நீடிக்கும். இதன் விளைவாக, வடகிழக்கு பருவமழையின்போது வெள்ளம் மற்றும் புயல் போன்ற மோசமான வானிலை நிகழ்வுகளை சமாளிக்க, கடந்தாண்டு அனுபவத்தின் அடிப்படையில் பாதிக்கப்படக்கூடிய கிராமங்களில் அதிக கவனம் செலுத்தி தேவையான முன்னெச்சரிக்கை ஏற்பாடுகளை செய்ய அனைத்து வட்டார வேளாண்மை உதவி இயக்குனர்களுக்கு அறிவுறுத்தப்பட்டுள்ளது.
News October 15, 2024
காஞ்சிபுரத்தில் உள்ள ஏரிகளின் நீர் நிலவரம்
காஞ்சிபுரம் மற்றும் செங்கல்பட்டு ஒருங்கிணைந்த மாவட்டங்களில், நீர்வளத்துறை கட்டுப்பாட்டில் 909 ஏரிகள் உள்ளன. அதில், 25 ஏரிகள் முழு கொள்ளளவை எட்டியுள்ளது. அதிலுள்ள , 105 ஏரிகள் 75% – 100% , 188 ஏரிகள் 50% – 75%, 275 ஏரிகள் 25% – 50%, 315 ஏரிகள் 25% கீழ் நிறைந்திருப்பதாக நீர்வளத்துறை அதிகாரிகள் தெரிவித்துள்ளனர். தொடர்ந்து கனமழை பெய்து வருவதால், நீர் வரத்து அதிகரிக்க வாய்ப்புள்ள்ளது.
Featured News
Sorry, no posts matched your criteria.