India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanchipuram
News November 5, 2024
நடிகர் சிவகார்த்திகேயனுக்கு ஸ்ரீபெரும்புதூர் எம்எல்ஏ வாழ்த்து
கோடம்பாக்கம் பிரிவியூ திரையரங்கில் நேற்று (04.11.2024) தமிழ்நாடு காங்கிரஸ் கமிட்டி தலைவரும், ஶ்ரீபெரும்புதூர் எம்.எல்.ஏ.வுமான செல்வப் பெருந்தகை, காங்கிரஸ் கட்சி நிர்வாகிகள் ஆகியோர் அமரன் திரைப்படம் பார்த்தனர். இராணுவ வீரர் மேஜர் முகுந்த் வரதராஜனின் வாழ்கையை இந்த படத்தின் மூலம் மீட்டெடுத்ததற்கு அமரன் படக்குழுவினருக்கு நன்றி தெரிவித்தார்.
News November 5, 2024
14 நாட்கள் பிரியாணி கடை திறக்கத் தடை
குன்றத்தூரைச் சேர்ந்தவர் ராஜேஷ் (25). இவர் நேற்று முன்தினம் குன்றத்தூரில் உள்ள ஆற்காடு பிரியாணி கடையில் 2 பிரியாணி பார்சல் வாங்கியுள்ளார். அதில் பல்லி இறந்து கிடந்தது தெரியாமல், குழந்தைகள் உட்பட ஐவர் சாப்பிட்டு வாந்தி எடுத்தனர். இதையடுத்து, ராஜேஷ் கொடுத்த புகாரின் பேரில் குன்றத்துார் போலீசார் உணவு பாதுகாப்பு துறையினருடன் சென்று கடையை சோதனை செய்து 14 நாட்கள் கடையை திறக்கக் கூடாது என உத்தரவிட்டனர்.
News November 5, 2024
ஆதிதிராவிடர் மாணவர்களுக்கு கணக்காளர் பயிற்சி வாய்ப்பு
தாட்கோ மூலம் ஆதிதிராவிடர் மற்றும் பழங்குடியின மாணவர்களுக்கு, சென்னையில் முன்னணி பயிற்சி நிறுவனத்தில் பட்டய கணக்காளர், நிறுவன செயலாளர், செலவு மற்றும் மேலாண்மை கணக்காளர் இடைநிலைப் போட்டித் தேர்வுகளுக்குப் பயிற்சி அளிக்கப்படுகிறது. இளநிலை வணிகவியல் பட்டதாரிகளுக்கான இப்பயிற்சிக்குத் தகுதி, குடும்ப வருமானம் ரூ.3 லட்சத்திற்குள் இருக்க வேண்டும் என கலெக்டர் கலைச்செல்வி மோகன் தெரிவித்தார். ஷேர் பண்ணுங்க
News November 5, 2024
ஃப்ரிட்ஜ் வெடித்து விபத்து: பொருள்கள் நாசம்
பெரும்பாக்கம், எழில் நகரில் உள்ள நகர்ப்புற வாழ்விட மேம்பாட்டு குடியிருப்பில் உள்ள 5ஆவது தளத்தில் வசிப்பவர் குணசேகரன் (31). இவரது மனைவி சங்கரி (30). தம்பதிக்கு இரு பெண் குழந்தைகள் உள்ளனர். நேற்று முன்தினம் மாலை வீட்டில் இருந்த ஃப்ரிட்ஜ், பயங்கர சத்தத்துடன் வெடித்து சிதறியது. இதில் ரூ.20,000 மதிப்புள்ள பொருள்கள் நாசமாயின. அதிர்ஷ்டவசமாக உயிர்சேதம் இல்லை. மேடவாக்கம் போலீசார் விசாரிக்கின்றனர்.
News November 5, 2024
போனஸ் இல்லை: பேச்சுவார்த்தை ஒத்திவைப்பு
அறிஞர் அண்ணா உயிரியல் பூங்காவில், கடந்த 15 ஆண்டுகளுக்கும் மேலாக 192 பேர் பணிபுரிந்து வருகின்றனர். இவர்களுக்கு தீபாவளி போனஸ் வழங்கப்படவில்லை. எனவே, நேற்று ஸ்ரீபெரும்புதூர், இருங்காட்டுக்கோட்டையில் உள்ள தொழிலாளர் துணை ஆணையரிடம் போனஸ் சமரசப் பேச்சுவார்த்தை நடந்தது. வண்டலூர் பூங்கா நிர்வாகம் சார்பில் இந்த பேச்சுவார்த்தைக்கு வரவில்லை. இதனால் கூட்டம் வரும் 18ஆம் தேதிக்கு ஒத்திவைக்கப்பட்டது.
News November 5, 2024
விடுதிகள், இல்லங்களை பதிவு செய்ய வேண்டும்
காஞ்சிபுரம் மாவட்டம் முழுவதும் உள்ள குழந்தைகள் இல்லங்கள், முதியோர் இல்லங்கள், மனவளர்ச்சி குன்றியவர்களுக்கான இல்லங்கள், மாற்றுத்திறனாளிகளுக்கான இல்லங்கள் பெண்கள் மற்றும் குழந்தைகளுக்கான விடுதிகள் மற்றும் மனநலம் பாதிக்கப்பட்டோருக்கான இல்லங்கள் ஆகியவை செயல்பட்டு வருகின்றன. இத்தகைய இவை அனைத்தும் பதிவு மற்றும் உரிமம் பெறுவதற்கான சட்டங்களின்படி பதிவு செய்ய வேண்டும் என மாவட்ட ஆட்சியர் தெரிவித்துள்ளார்.
News November 5, 2024
மதுக்கு அடிமையான மகனை பீர் பாட்டிலால் தாக்கி கொலை
மாங்காடு, அம்பாள் நகரைச் சேர்ந்தவர் தட்சிணாமூர்த்தி (75). இவரது மகன் குமரன் (38), மதுபோதைக்கு அடிமையானவர். தந்தை, மகன் இருவரும் ஒரே வீட்டில் வசித்து வந்த நிலையில், நேற்று காலை மதுபோதையில் வந்த குமரன், தந்தையிடம் தகராறில் ஈடுபட்டுள்ளார். இதனால் ஆத்திரமடைந்த தட்சிணாமூர்த்தி வீட்டில் இருந்த பீர் பாட்டில் மற்றும் இரும்பு கம்பியால் குமரனை தாக்கி கொலை செய்தார். போலீசார் தட்சிணாமூர்த்தியை கைது செய்தனர்.
News November 5, 2024
292 மனுக்கள் மீது உடனடியாக நடவடிக்கை மேற்கொள்ள உத்தரவு
காஞ்சிபுரம் மாவட்ட ஆட்சியர் அலுவலக வளாக மக்கள் நல்லுறவு மைய கூட்டரங்கில் நடைபெற்ற வாராந்திர மக்கள் குறைதீர்க்கும் நாள் கூட்டம் நேற்று மாவட்ட ஆட்சியர் கலைச்செல்வி தலைமையில் நடைபெற்றது. மாவட்ட ஆட்சியரகத்தில் உள்ள மக்கள் நல்லுறவு மையத்தில் பொதுமக்களிடம் இருந்து 292 மனுக்களை பெற்று அவற்றின் மீது உடனடியாக நடவடிக்கை மேற்கொள்ள அனைத்து துறை அலுவலர்களுக்கு ஆட்சியர் உத்தரவிட்டார்.
News November 4, 2024
பல்லி விழுந்த பிரியாணியை சாப்பிட்ட 5 பேருக்கு மயக்கம்
குன்றத்துரைச் சேர்ந்த ராஜேஷ், அதே பகுதியில் உள்ள பிரியாணி கடையில் நேற்று பிரியாணி வாங்கிச் சென்றுள்ளார். பிரியாணியை, ராஜேஷின் மனைவி, உறவினர்கள் என 5 பேர் சாப்பிட்டுள்ளனர். அப்போது, பிரியாணியில், இறந்த நிலையில் பல்லி இருந்துள்ளது. பின்னர், 5 பேருக்கும் மயக்கம் ஏற்பட்டு, தற்போது அவர்கள், தனியார் மருத்துவமனையில் சிகிச்சை பெற்று வருகின்றனர். இதுகுறித்து குன்றத்துார் போலீசார் விசாரித்து வருகின்றனர்.
News November 4, 2024
குன்றத்தூர் முருகன் கந்த சஷ்டி 3ஆம் நாள் அலங்காரம்
குன்றத்தூர் அருள்மிகு சுப்பிரமணிய சுவாமி கோயிலில், கந்த சஷ்டி பெருவிழாவின் 3ஆம் நாள் திங்கட்கிழமையான இன்று (நவ.,4) முருகப்பெருமானுக்கு சிறப்பு அபிஷேகம் நடைபெற்றது. முருகப்பெருமான் காலையில் நீலம் மற்றும் ஊதா நிற பட்டு வஸ்த்திரத்தில் வாடாமல்லி பலவித மலர்களால் அலங்கரித்து பக்தர்களுக்கு காட்சி அளித்தார். பின், மஹா தீபாராதனை சிறப்பாக நடைபெற்றது.
Featured News
Sorry, no posts matched your criteria.