• Download our app

Kallakurichi

News June 17, 2024

இருளில் மூழ்கும் அரசு மருத்துவமனை

image

கள்ளக்குறிச்சி அரசு மருத்துவமனையில் உள்ள மகப்பேறு சிகிச்சை பிரிவு கட்டிடத்தில் மின் விசிறி மற்றும் மின் விளக்குகள் எரியாததால் கர்ப்பிணி தாய்மார்கள் அவதி அடைந்து வருகின்றனர். இது குறித்து மருத்துவமனை நிர்வாகமும் மாவட்ட நிர்வாகமும் உடனடியாக நடவடிக்கை எடுக்க வேண்டும் என்று கர்ப்பிணி தாய்மார்கள் கோரிக்கை விடுத்துள்ளனர்.

News June 16, 2024

கள்ளக்குறிச்சி: மழைக்கு வாய்ப்பு

image

தென்மேற்கு மற்றும் அதனை ஒட்டிய மத்தியமேற்கு பகுதிகளின் மேல் ஒரு வளிமண்டல மேலடுக்கு சுழற்சி நிலவுகிறது. இதனால் அடுத்த 7 நாட்களுக்கு தமிழகத்தில் ஓரிரு இடங்களில் லேசானது முதல் மிதமான மழை பெய்யக்கூடும் என வானிலை ஆய்வு மையம் தெரிவித்திருந்தது. அதன்படி இன்று இரவு 7 மணி வரை கள்ளக்குறிச்சி மாவட்டத்தில் லேசான முதல் மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது.

News June 16, 2024

சாராயம் விற்பனை செய்த இரண்டு பேர் கைது

image

கள்ளக்குறிச்சி மாவட்டம், சங்கராபுரம் அடுத்த மேலேரி கிராமத்தில், சங்கராபுரம் காவல் நிலைய சப் இன்ஸ்பெக்டர் வீரன் தலைமையிலான போலீசார் நேற்று (ஜூன் 15) சோதனை மேற்கொண்டனர். அப்போது அப்பகுதியில் சாராயம் விற்ற சேஷசமுத்திரம் மணிகண்டன்,( 36) சக்கரவர்த்தி, (44)ஆகிய 2 பேரையும் கைது செய்து அவர்களிடமிருந்து 25 லிட்டர் சாரா யத்தை கைபற்றினார் .

News June 16, 2024

கள்ளக்குறிச்சி மாவட்ட காங்கிரஸ் தலைவர் அறிக்கை

image

ஜூன்.19ஆம் தேதி அன்று காங்கிரஸ் முன்னாள் தலைவர் ராகுல் காந்தியின் பிறந்த நாளை சிறப்பாக கொண்டாட தமிழ்நாடு காங்கிரஸ் கமிட்டி தலைவர் செல்வப்பெருந்தகை அறிவுறுத்தியுள்ள நிலையில், கள்ளக்குறிச்சி மாவட்டத்தில் ராகுல் காந்தியின் பிறந்த நாளை நலத்திட்டங்கள் வழங்கி சிறப்பான முறையில் கொண்டாட வேண்டும் என கள்ளக்குறிச்சி மாவட்ட காங்கிரஸ் கமிட்டி தலைவர் ஜெய்கணேஷ் நிர்வாகிகளுக்கு நேற்று அறிவுறுத்தி உள்ளார்.

News June 15, 2024

உண்டு உறைவிட பள்ளிகளை நிர்வகிக்க விண்ணப்பங்கள் வரவேற்பு

image

கள்ளக்குறிச்சி மாவட்டத்தில் கல்வியில் பின் தங்கியுள்ளவர்களுக்காக செயல்பட்டு வரும் 6 கஸ்தூரிபா காந்தி பாலிகா வித்யாலயா உண்டு உறைவிட பள்ளிகளை நிர்வகிக்க அனுபவம் மற்றும் பெண் கல்வியில் ஆர்வம் உள்ள பதிவு செய்யப்பட்ட அரசு சாரா தொண்டு நிறுவனங்களிடமிருந்து விண்ணப்பங்கள் மற்றும் கருத்துக்கள் வரவேற்கப்படுவதாக மாவட்ட ஆட்சியர் நேற்று மாலை வெளியிட்டுள்ள அறிக்கையில் தெரிவித்துள்ளார்.

News June 15, 2024

மீண்டும் திமுக கொடி – எம்எல்ஏ அறிக்கை

image

கள்ளக்குறிச்சி திமுக தெற்கு மாவட்ட கழக செயலாளரும், ரிஷிவந்தியம் எம்.எல்.ஏவுமான வசந்தம் கார்த்திகேயன் வெளியிட்டுள்ள அறிக்கையில், தேர்தல் நடத்தை விதிமுறைகள் காரணமாக கழட்டி வைக்கப்பட்ட திமுக கொடி கம்பங்களை மீண்டும் நட்டு அதில் திமுகவின் இரு வண்ணக் கொடியினை பறக்க விட வேண்டும் என்று திமுக நிர்வாகிகளுக்கு சட்டமன்ற உறுப்பினர் வசந்தம் கார்த்திகேயன் இன்று வெளியிட்டுள்ள அறிக்கையில் அறிவுறுத்தியுள்ளார்.

News June 14, 2024

கள்ளக்குறிச்சி பகுதியில் நாளை மின்தடை அறிவிப்பு

image

கள்ளக்குறிச்சி பகுதியில் நாளை (ஜூன்.15) பராமரிப்பு பணியில் நடைபெற உள்ளதால் 9 மணி முதல் 2 மணி வரை கள்ளக்குறிச்சி, ஏமப்போ், நீலமங்கலம், கருணாபுரம், எம்.ஆா்.என். நகா், சடையம்பட்டு, மட்டிகைக்குறிச்சி, நத்தமேடு, பொன்பரப்பட்டு , அ.அலம்பலம், புதுமோகூா், கச்சிராயபாளையம், நல்லூத்தூா், வன்னஞ்சூா், சிறுவங்கூா், ரோடு, மாமாந்தூா் உள்ளிட்ட பகுதிகளில் மின்விநியோகம் இருக்காது என அதிகாரிகள் தெரிவித்துள்ளனர்.

News June 13, 2024

கறவை மாடு வளர்ப்பு பயிற்சி

image

கள்ளக்குறிச்சி மாவட்டம், சின்னசேலம் வட்டம், காளசமுத்திரம் கிராமத்தில் இயங்கி வரும் வேளாண்மை அறிவியல் நிலையத்தில் நாளை(ஜூன்.14) கறவை மாடு வளர்ப்பு பயிற்சி நடைபெறுகிறது. பயிற்சியில் கறவை மாடு தேர்வு செய்தல், கொட்டகை அமைப்பு, இனபெருக்க மேலாண்மை, நோய் தடுப்பு முறைகள் மற்றும் கால்நடைக்களுக்காண அரசு திட்டங்கள் குறித்து பயிற்சி அளிக்கப்படும்.பயிற்சிக்கு வரும் போது ஆதார் அட்டை நகல் கொண்டு வரவும்.

News June 13, 2024

வாழ்த்து பெற்ற சிறப்பு உதவி ஆய்வாளர்

image

கள்ளக்குறிச்சி மாவட்டத்தில் 15 தலைமை காவலர்களை சிறப்பு உதவி ஆய்வாளர்களாக பதவி உயர்வு வழங்கி மாவட்ட காவல் கண்காணிப்பாளர் சமய் சிங் மீனா உத்தரவிட்டார். இந்நிலையில் இன்று சிறப்பு உதவி ஆய்வாளர்களாக பதவியேற்றுக் கொண்ட 15 பேரும் கள்ளக்குறிச்சி மாவட்ட காவல் கண்காணிப்பாளர் அலுவலகத்தில் மாவட்ட காவல் கண்காணிப்பாளர் சமய் சிங் மீனாவை நேரில் சந்தித்து வாழ்த்து பெற்றனர்.

News June 13, 2024

கள்ளக்குறிச்சி: மனுக்களை பெற்றார் ஆட்சியர்

image

சின்னசேலம் வட்டாட்சியர் அலுவலகத்தில் இன்று நடைபெற்ற 1433 பசலிக்கான வருவாய் தீர்வாயத்தில் (ஜமாபந்தி) வருவாய் தீர்வாய அலுவலர் மற்றும் மாவட்ட ஆட்சியர் ஷ்ரவன்குமார் பொதுமக்களிடம் இருந்து பல்வேறு கோரிக்கை மனுக்களை பெற்றுக் கொண்டு, ஜமாபந்தியில் பெறப்படும் மனுக்கள் மீது உடனடியாக தீர்வு காண தொடர்புடைய அலுவலர்களுக்கு அறிவுறுத்தினார்.

Featured News

Sorry, no posts matched your criteria.

↑