India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kallakurichi
News November 13, 2024
எஸ்.பி தலைமையில் மக்கள் குறைதீர்வு கூட்டம்
கள்ளக்குறிச்சி மாவட்ட காவல் அலுவலகத்தில் மாவட்ட காவல் கண்காணிப்பாளர் ரஜத் சதுர்வேதி தலைமையில் இன்று மக்கள் குறைதீர்வு கூட்டம் நடைபெற்றது. பொதுமக்கள் காவல்நிலையங்களில் அளித்த புகார் மனுக்களின் மீதான நடவடிக்கைகளில் திருப்தி பெறாத 25 மனுதாரர்களின் குறைகளை கேட்டறிந்து உரிய விசாரணை மேற்கொள்ள உத்தரவிட்டார்.
News November 13, 2024
அம்பேத்கர் விருது பெற விண்ணப்பம் வரவேற்பு
கள்ளக்குறிச்சி மாவட்டத்தில் 2024ஆம் ஆண்டிற்கான டாக்டர் அம்பேத்கர் தமிழ்நாடு அரசு விருதை பெற தகுதியான பட்டியல் இன மக்களின் முன்னேற்றத்திற்கு அரியதொண்டு செய்து தமிழ் வளர்ச்சிக்குப் பாடுபட்ட தமிழறிஞர்கள், கவிஞர்கள் மற்றும் சான்றோர்கள் ஆகியோர்களிடமிருந்து விண்ணப்பங்கள் வரவேற்கப்படுகிறது என மாவட்ட ஆட்சியர் பிரசாந்த் அறிவித்துள்ளார்.
News November 13, 2024
விவசாயிகளுக்கு வேளாண் உபகரணங்கள் வழங்கிய ஆட்சியர்
கள்ளக்குறிச்சி மாவட்டம் உளுந்தூர்பேட்டை வட்டத்திற்குட்பட்ட ம.குன்னத்தூர் கிராமத்தில் நடைபெற்ற மக்கள் தொடர்பு திட்ட முகாமில் வேளாண்மை துறையின் சார்பில் வேளாண் உபகரணங்களை கள்ளக்குறிச்சி மாவட்ட ஆட்சியர் எம்.எஸ்.பிரசாந்த் மற்றும் உளுந்தூர்பேட்டை எம்.எல்.ஏ மணிகண்ணன் ஆகியோர் இணைந்து விவசாயிகளுக்கு வழங்கினார்.
News November 13, 2024
கள்ளக்குறிச்சியில் காலை 10 மணி வரை மழைக்கு வாய்ப்பு
கள்ளக்குறிச்சி மாவட்டத்தில் காலை 10 மணி வரை லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதேபோல், சாலைகளில் மழைநீர் தேங்க வாய்ப்புள்ளதால் வாகன ஓட்டிகள் கவனமாக இருக்குமாறு தெரிவிக்கப்பட்டுள்ளது. உங்க பகுதியில் மழை பெய்கிறதா என்பதை கமெண்டில் சொல்லுங்க
News November 12, 2024
கல்வி உதவித்தொகை பெற விண்ணப்பிக்கலாம்
தமிழ்நாடு மற்றும் பிற மாநிலங்களில் உள்ள பட்டியலிடப்பட்ட மத்திய அரசு கல்வி நிறுவனங்களான ஐஐடி, ஐஐஎம், ஐஐஐடி, என்ஐடி மற்றும் மத்திய பல்கலைக்கழகங்களில் பயிலும் தமிழகத்தைச் சேர்ந்த பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் வகுப்பைச் சேர்ந்த மாணவ, மாணவிகள் கல்வி உதவித்தொகை பெற விண்ணப்பிக்கலாம் என மாவட்ட ஆட்சியர் எம்.எஸ்.பிரசாந்த் அறிவித்துள்ளார்.
News November 12, 2024
கள்ளக்குறிச்சி ஆட்சியர் தகவல்
தாட்கோவின் முன்னெடுப்பாக சென்னையில் உள்ள முன்னணி பயிற்சி நிறுவனத்துடன் இணைந்து 100 ஆதிதிராவிடர் மற்றும் பழங்குடியினர் மாணாக்கர்களுக்கு பட்டய கணக்காளர் தேர்விற்கு பயிற்சி அளிக்கப்பட உள்ளது. பயிற்சி பெற ஆதிதிராவிடர் மற்றும் பழங்குடியின இனத்தை சேர்ந்தவர்களாக இருக்க வேண்டும். மேலும் விவரங்களுக்கு தாட்கோ அலுவலகத்தை தொடர்பு கொள்ளலாம் என கள்ளக்குறிச்சி மாவட்ட ஆட்சியர் அறிவித்துள்ளார்.
News November 12, 2024
இரவு 7 மணி வரை மழைக்கு வாய்ப்பு
தமிழகத்தில் இன்று 18 மாவட்டங்களில் மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. அதன்படி, கள்ளக்குறிச்சி மாவட்டத்தில் இரவு 7 மணி வரை இடி, மின்னலுடன் மிதமான மழை பெய்யக்கூடும் என தெரிவித்துள்ளது. மக்கள் இரவு நேரங்களில் வெளியே செல்லும் போது கவனமாக செல்லவும். உங்களுடைய பகுதிகளில் மழை பெய்தால் உடனே தெரிவிக்கவும்.
News November 12, 2024
கள்ளக்குறிச்சி மக்கள் கவனத்திற்கு
கள்ளக்குறிச்சி மாவட்டம் மின்வாரிய செயற்பொறியாளர் கணேசன் வெளியிட்டுள்ள செய்தி குறிப்பில் பொதுமக்கள் தங்கள் வீடு, கடை, ஹோட்டல்களில் வயரிங் செய்யும்போது தரமான பொருட்களைப் பயன்படுத்தி, முறையான மின் இணைப்பு கொடுத்து வயரிங் செய்ய வேண்டும். ஈரமான பகுதிகளில் சுவிட்சுகளை பொருத்தக் கூடாது. இடிமின்னல் போது டிவி, மிக்சி, கிரைண்டர், கணினி, தொலைபேசி போன்ற பொருட்களைப் பயன்படுத்தக் கூடாது என தெரிவித்துள்ளார்.
News November 12, 2024
கள்ளக்குறிச்சியில் 489 கோரிக்கை மனுக்கள் பெறப்பட்டது
கள்ளக்குறிச்சி மாவட்ட ஆட்சியர் அலுவலக கூட்டரங்கத்தில் நேற்று நடைபெற்ற மக்கள் குறைதீர்க்கும் நாள் கூட்டத்தில் மாவட்ட ஆட்சியர் பிரசாந்த்வ பொதுமக்களிடமிருந்து 489 கோரிக்கை மனுக்களை பெற்றுக்கொண்டார். மேலும் மனுக்களின் மீது உரிய நடவடிக்கைகளை மேற்கொள்ள சம்பந்தப்பட்ட துறை அலுவலர்களுக்கு அறிவுறுத்தினார். இதில் அதிகாரிகள் பலர் கலந்து கொண்டனர்.
News November 12, 2024
கள்ளக்குறிச்சி ஆட்சியர் அறிவிப்பு
கள்ளக்குறிச்சி மாவட்டத்தில் குழந்தைகள் இல்லங்களில் உள்ள 6-18 வயது குட்பட்ட குழந்தைகளை வளர்ப்பதற்கு வளர்ப்பு பெற்றோர்கள் தேவை என்றும், ஆதரவற்ற குழந்தைகளை தற்காலிக குடும்ப சூழல்களில் வாழ வழிவகை செய்ய விருப்பம் தெரிவிக்கும் பெற்றோர் விண்ணப்பம் செய்தலுக்கான வழிமுறைகள், நடைமுறை நிபந்தனைகளை மாவட்ட குழந்தைகள் பாதுகாப்பு அலகில் நேரில் தொடர்பு கொண்டு தெரிந்து கொள்ளலாம் என மாவட்ட ஆட்சியர் அறிவித்துள்ளார்
Featured News
Sorry, no posts matched your criteria.