• Download our app

Kallakurichi

News November 15, 2024

கள்ளக்குறிச்சியில் இன்று வேலைவாய்ப்பு முகாம்

image

கள்ளக்குறிச்சி மாவட்டத்தில் இன்று வேலை வாய்ப்பு முகாம் நடைபெற உள்ளது. பிஇ, பி.டெக் பொறியியல் படிப்பு படித்த மாணவர்கள் இந்த வேலை வாய்ப்பு முகாமில் கலந்துகொள்ளலாம் என ஆட்சியர் கூறியுள்ளார். இன்று (நவ.15) காலை 10 மணி முதல் மதியம் 1 மணி வரை துருகம் சாலையில் உள்ள அரிசி ஆலை உரிமையாளர் சங்க மண்டபத்தில் இந்த வேலை வாய்ப்பு முகாம் நடக்கும் எனத் தெரிவிக்கப்பட்டுள்ளது.

News November 14, 2024

கள்ளக்குறிச்சியில் இயக்குனர் முருகதாஸ் சாமி தரிசனம்

image

கள்ளக்குறிச்சி ஸ்ரீ தில்லை கோவிந்தராஜ பெருமாள் திருக்கோயிலில் நடைபெற்று வரும் பவித்திர உற்சவம் நிகழ்வில் இன்று தமிழ் திரை உலகின் முக்கிய இயக்குனராக வலம் வந்து கொண்டிருக்கும் இயக்குனர் ஏ.ஆர்.முருகதாஸ் தனது குடும்பத்தினருடன் சாமி தரிசனம் செய்தார். அவருக்கு கோயில் நிர்வாகம் சார்பில் உரிய மரியாதை வழங்கப்பட்டது.

News November 14, 2024

இளைஞர்கள் கலந்து கொண்டு பயனடைய ஆட்சியர் அழைப்பு

image

தமிழ்நாடு மாநில ஊரக வாழ்வாதார இயக்கத்தின் மூலம் செயல்படுத்தப்படும் தீனதயாள் உபாத்யாய திருவிழா கிராமின் கௌசல்ய யோஜனா திட்டத்தின் கீழ் இளைஞர் திறன் 17.11.2024 அன்று கள்ளக்குறிச்சி அரசு பெண்கள் மேல்நிலைப்பள்ளியில் காலை 09.00 மணிக்கு தொடங்கி நடைபெறவுள்ளது. இந்த இளைஞர் திறன் திருவிழாவில் இளைஞர்கள் கலந்துகொண்டு பயன்பட வேண்டும் என மாவட்ட ஆட்சியர் அழைப்பு விடுத்துள்ளார்.

News November 14, 2024

கள்ளக்குறிச்சி பள்ளிக்கு விருது

image

தமிழ்நாடு அரசு பள்ளி கல்வித்துறை சார்பில் சென்னையில் இன்று நடைபெற்ற குழந்தைகள் தின விழாவில் கள்ளக்குறிச்சி மாவட்டம் தியாகதுருகம் அருகே உள்ள சித்தலூர் பள்ளிக்கு சிறந்த பள்ளிக்கான விருதினை தமிழ்நாடு பள்ளிக்கல்விதுறை அமைச்சர் அன்பில் மகேஷ் பொய்யாமொழி வழங்கினார். அதனை பள்ளியின் தலைமை ஆசிரியர் ரமேஷ் அவர்கள் பெற்றுக் கொண்டார்.

News November 14, 2024

கள்ளக்குறிச்சி வடக்கு மாவட்ட திமுக செயலாளர் அறிவிப்பு 

image

கள்ளக்குறிச்சி வடக்கு மாவட்ட திமுக செயலாளர் சங்கராபுரம் சட்டமன்ற உறுப்பினருமான த.உதயசூரியன் வெளியிட்டுள்ள செய்தி குறிப்பில், வரும் 16 17ஆம் தேதிகளில், மேலும் 23 24 தேதிகளிலும் வாக்காளர் சிறப்பு முகாம் மாவட்டம் தோறும் நடைபெறுகிறது. இதில் பெயர் சேர்த்தல், நீக்குதல், திருத்தம் செய்தல் உள்ளிட்ட பணிகள் நடைபெற உள்ளது. இதில் அதிக அளவில் இளைஞர்களை சேர்க்க திமுகவினர் உதவி செய்ய வேண்டும் எனக் கூறியுள்ளார்.

News November 14, 2024

கள்ளக்குறிச்சி அருகே நாளை மின்தடை

image

மணலூர்பேட்டை அடுத்துள்ள, தேவரடியார்குப்பம்,அரியலூரில் இயங்கி வரும் துணை மின் நிலையத்தில் நாளை காலை 9 மணி முதல் மதியம் 2 மணி வரை பராமரிப்பு பணிகள் நடைபெற உள்ளதால், மணலூர்பேட்டை, சித்த பட்டினம், செல்லங்குப்பம்,சாங்கியம், தேவடியார்குப்பம்,  காங்கேயனூர்,எடுத்தனூர்,ஜம்படை,ஓடியந்தல்வாணாபுரம்,பகண்டை கூட்ரோடு,தொழு வந்தாங்கள், சின்னகொள்ளியூர்,கடுவனூர் புஷ்பகிரி,ஏந்தல் எகால் உள்ளிட்ட பகுதிகளில் மின்தடை.

News November 14, 2024

கள்ளக்குறிச்சி அருகே விடிய விடிய கனமழை

image

கள்ளக்குறிச்சி மாவட்டம், சங்கராபுரம் அருகே உள்ள அரசம்பட்டு மற்றும் அதன் சுற்றுவட்டார பகுதி கிராமங்களில், பலத்த காற்றுடன் கூடிய கனமழை பெய்தது. மழை பெய்ததால் விவசாயிகள் மற்றும் அப்பகுதி பொதுமக்கள் மகிழ்ச்சி அடைந்துள்ளனர். விடிய விடிய மழை பெய்ததால் சாலையில் ஆங்காங்கே தண்ணீர் தேங்கி நிற்கின்றன.

News November 13, 2024

2000 பேருக்கு நலத்திட்ட உதவிகள் வழங்குகிறார் அமைச்சர்

image

ஆண்டுதோறும் பழங்குடியினர் நல தினம் பழங்குடியினர் நலத்துறை சார்பில் கொண்டாடப்பட்டு வருகிறது. அந்த வகையில் இந்த ஆண்டு கள்ளக்குறிச்சி மாவட்டம் கல்வராயன்மலையில் வரும் 15ஆம் தேதி கரியலூர் கோடை விழா அரங்கில் பழங்குடியினர் நல தினம் கொண்டாடப்படுகிறது. இதில் பழங்குடியினர் ஆதிதிராவிடர் மற்றும் பழங்குடியினர் நலத்துறை அமைச்சர் மதிவாணன் கலந்து கொண்டு 2000 பயனாளிகளுக்கு நலத்திட்ட உதவிகள் வழங்குகிறார்.

News November 13, 2024

எஸ்.பி தலைமையில் மக்கள் குறைதீர்வு கூட்டம்

image

கள்ளக்குறிச்சி மாவட்ட காவல் அலுவலகத்தில் மாவட்ட காவல் கண்காணிப்பாளர் ரஜத் சதுர்வேதி தலைமையில் இன்று மக்கள் குறைதீர்வு கூட்டம் நடைபெற்றது. பொதுமக்கள் காவல்நிலையங்களில் அளித்த புகார் மனுக்களின் மீதான நடவடிக்கைகளில் திருப்தி பெறாத 25 மனுதாரர்களின் குறைகளை கேட்டறிந்து உரிய விசாரணை மேற்கொள்ள உத்தரவிட்டார்.

News November 13, 2024

அம்பேத்கர் விருது பெற விண்ணப்பம் வரவேற்பு

image

கள்ளக்குறிச்சி மாவட்டத்தில் 2024ஆம் ஆண்டிற்கான டாக்டர் அம்பேத்கர் தமிழ்நாடு அரசு விருதை பெற தகுதியான பட்டியல் இன மக்களின் முன்னேற்றத்திற்கு அரியதொண்டு செய்து தமிழ் வளர்ச்சிக்குப் பாடுபட்ட தமிழறிஞர்கள், கவிஞர்கள் மற்றும் சான்றோர்கள் ஆகியோர்களிடமிருந்து விண்ணப்பங்கள் வரவேற்கப்படுகிறது என மாவட்ட ஆட்சியர் பிரசாந்த் அறிவித்துள்ளார்.

Featured News

Sorry, no posts matched your criteria.

↑