India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kallakurichi
News April 7, 2024
அரிசி உரிமையாளர்கள் சங்கத்துடன் திமுக எம்எல்ஏக்கள் ஆலோசனை
கள்ளக்குறிச்சியில் உள்ள தனியார் மண்டபத்தில் திராவிட முன்னேற்றக் கழகத்தின் வேட்பாளர் மலையரசனுக்கு ஆதரவாக கள்ளக்குறிச்சி சங்கராபுரம் எம்எல்ஏ உதயசூரியன் மற்றும் ரிஷிவந்தியம் எம்எல்ஏ வசந்தம் கார்த்திகேயன் ஆகியோர் இன்று கள்ளக்குறிச்சி மாவட்ட நெல் அரிசி உரிமையாளர்கள் சங்கத்தினரிடம் ஆதரவு கேட்டு ஆலோசனை கூட்டம் நடத்தினர். இதில் சங்க நிர்வாகிகள் மற்றும் உறுப்பினர்கள் கலந்து கொண்டனர்.
News April 7, 2024
கள்ளக்குறிச்சி: வயிற்று வலியால் பெண் தற்கொலை
திருக்கோவிலுார் அடுத்த அத்தண்டமருதுார் கிராமத்தைச் சேர்ந்தவர் வெங்கடாசலம், மனைவி சுமதி(45). இவருக்கு, கர்ப்பப்பை அகற்றப்பட்ட நிலையில் தொடர்ந்து வயிற்று வலியால் அவதிப்பட்டு வந்தார். நேற்று முன்தினம் மதியம் வலி அதிகமானதால் மனமுடைந்த அவர் பூச்சி மருந்தை குடித்து மயங்கினார். இதையடுத்து அரசு மருத்துவமனைக்கு கொண்டு செல்லும் வழியில் உயிரிழந்தார். இதுகுறித்து திருக்கோவிலுார் போலீசார் விசாரிக்கின்றனர்
News April 7, 2024
கள்ளக்குறிச்சி: உங்கள் தொகுதி வேட்பாளர் பற்றி தெரியுமா?
உங்கள் தொகுதியில் போட்டியிடும் நட்சத்திர வேட்பாளர் முதல் சுயேட்சை வேட்பாளர்கள் வரை அவர்களுடைய தனிப்பட்ட தகவல்கள், குற்றவழக்குகள், சொத்துமதிப்பு, கல்வித்தகுதி,வழங்கப்பட்ட குற்றத்தண்டனை போன்ற முழுதகவல்களையும் தெரிந்து கொள்ள <
News April 6, 2024
கள்ளக்குறிச்சி: பதற்றமான சாவடி எண்ணிக்கை வெளியீடு
கள்ளக்குறிச்சி மக்களவைத் தொகுதியில் பதற்றமான வாக்குச்சாவடிகள், மிகவும் பதற்றமான வாக்குச்சாவடிகள் எண்ணிக்கை விவரம் வெளியாகியுள்ளது. அதன்படி, 101 வாக்குச்சாவடிகள் பதற்றமானவை என்றும், 4 வாக்குச்சாவடிகள் மிகவும் பதற்றமானவை என்றும் தலைமைத் தேர்தல் அதிகாரி சத்யபிரத சாகு தெரிவித்துள்ளார்.
News April 6, 2024
மக்களவைத் தேர்தலை முன்னிட்டு துப்பாக்கிகள் ஒப்படைப்பு
மக்களவைத் தொகுதி தேர்தலை முன்னிட்டு, கள்ளக்குறிச்சியில் உரிமம் பெற்றவர்களின் 152 துப்பாக்கிகளை போலீஸாரிடம் ஒப்படைக்கப்பட்டன. உரிமம் பெற்றவர்களின் துப்பாக்கிகளை கள்ளக்குறிச்சி உட்கோட்டத்துக்கு உள்பட்ட காவல் நிலையங்களில் 82 துப்பாக்கிகள், திருக்கோவிலூரில் 41, உளுந்தூர்பேட்டையில் 29 ஆக மொத்தம் 152 துப்பாக்கிகளை போலீஸார் பாதுகாப்பாக வைத்துள்ளனர்.
News April 5, 2024
அடிப்படை வசதி இல்லை என்று கேட்டதற்கு அடி உதை
கள்ளக்குறிச்சி மாவட்டம் ரிஷிவந்தியம் அருகே உள்ள ஏந்தல் கிராமத்தில் திமுக வேட்பாளர் வாக்கு சேகரிக்க சென்ற போது அடிப்படை வசதி ஏதும் செய்து தரவில்லை என கேள்வி கேட்ட இளைஞரை திமுக ஊராட்சி மன்ற தலைவியின் கணவர் முருகேசன் மற்றும் மகன் ஆகியோர் தாக்கியதால் பாதிக்கப்பட்ட இளைஞர் உயிருக்கு ஆபத்தான நிலையில் கள்ளக்குறிச்சி அரசு மருத்துவக் கல்லூரி மருத்துவமனையில் சிகிச்சையில் அனுமதிக்கப்பட்டுள்ளார்.
News April 5, 2024
கள்ளக்குறிச்சி: ஆன்லைன் சூதாட்டத்தால் வாலிபர் தற்கொலை
கள்ளக்குறிச்சி மாவட்டம் ஏரி வண்டி பாளையம் கிராமத்தைச் சேர்ந்தவர் சுப்பிரமணியன். இவரது மகன் ஜெயராமன் (வயது29). இவர் ஐதராபாத்தில் உள்ள ஒரு தனியார் நிறுவனத்தில் வேலை பார்த்து வந்துள்ளார். இந்நிலையில், அங்கு ஆன்லைன் சூதாட்டம் விளையாடி ரூ.18 லட்சம் இழந்துள்ளார். இதனால் மனம் உடைந்த அவர் நேற்று இரவு சென்னை நோக்கி வந்த வந்தே பாரத் ரயில் முன்பு பாய்ந்து தற்கொலை செய்து கொண்டார்.
News April 5, 2024
கள்ளக்குறிச்சி: லாரி மோதி விவசாயி உயிரிழப்பு
கள்ளக்குறிச்சி மாவட்டம், சங்கராபுரம் அடுத்த வடசேமைபாளையம் பகுதியை சேர்ந்தவர் பார்த்திபன்(40),விவசாயி. இவர் நேற்று (ஏப்.,4) தனது இரு சக்கர வாகனத்தில் சேம பாளையம் அருகே சென்றபோது எதிரே வந்த லாரி மோதியதில் சம்பவ இடத்திலேயே உயிரிழந்தார். இது குறித்து சங்கராபுரம் போலீசார் வழக்கு பதிந்து விசாரணை நடத்தி வருகின்றனர்.
News April 5, 2024
மாவட்ட கிரிக்கெட் அணி வீரர்கள் தேர்வு
கள்ளக்குறிச்சி, இந்திலி, டாக்டர். ஆர். கே. எஸ்.கல்லூரி மைதானத்தில் வரும் 7 ஆம் தேதி காலை 8.30 மணிக்கு 19 வயதுக்குட்பட்டவருக்கான மாவட்ட கிரிக்கெட் அணி வீரர்கள் தேர்வு நடைபெற உள்ளது. விருப்பமுள்ளவர்கள் ஆதார் கார்டு மற்றும் பிறப்புச் சான்றிதழ் நகலை சமர்ப்பிக்க வேண்டும் என சங்க செயலாளர் லட்சுமி நாராயணன் தெரிவித்துள்ளார். மேலும் விவரங்களுக்கு 8300051907 என்ற எண்ணை தொடர்பு கொள்ள அறிவுறுத்தப்பட்டுள்ளது.
News April 5, 2024
டாஸ்மாக் கடைகளுக்கு 4 நாட்கள் விடுமுறை
தமிழகத்தில் ஏப்.19 அன்று நாடளுமன்ற தேர்தல் நடைபெற உள்ளது. இந்நிலையில், கள்ளக்குறிச்சி மாவட்டத்தில் வாக்குபதிவை முன்னிட்டு ஏப்.17 முதல் ஏப்.19 ஆம் தேதி வரை டாஸ்மாக் கடைகள் மூடப்படுகிறது. மேலும், வாக்கு எண்ணிக்கை நாளான ஜீன்.4 ஆம் தேதியும் டாஸ்மாக் கடைகளை மூட உத்தரவு பிறப்பிக்கப்பட்டுள்ளது.
Featured News
Sorry, no posts matched your criteria.