India's largestHyperlocal short
news App
Get daily news updates that are tailored for you based on your preferred language & location.
download Way2News app now
Erode
News November 9, 2024
அசத்தும் ஈரோடு அரசு தலைமை மருத்துவமனை
ஈரோட்டில் உள்ள அரசு தலைமை மருத்துவமனையில் மாதம் சராசரியாக 18 ஆயிரம் உள்நோயாளிகள் சிகிச்சை பெற்று வருவதாக தலைமை ஆஸ்பத்திரியின் கண்காணிப்பாளர் சு.வெங்கடேஷ் தெரிவித்துள்ளார். மேலும் அவர் சராசரியாக இறப்பு விகிதமும் குறைந்துள்ளதாகவும், மக்களுக்கு தரமான சிகிச்சை அளிப்பதாகவும், சிறந்த மல்டி ஸ்பெஷாலிட்டி ஆஸ்பிடலாகவும் செயல்படுகிறது என தெரிவித்தார். பல மாவட்டங்களில் இருந்து வந்தும் சிகிச்சை பெறுகின்றனர்.
News November 8, 2024
ஈரோடு கலெக்டர் முக்கிய அறிவிப்பு
ஈரோடு மாவட்டத்தில் முதல்வர் மருந்தகம் துவங்க விருப்பம் உள்ளவர்கள் www.mudhalvarmarundhagam.tn.gov.in என்ற இணையதளம் மூலம் 20.11.2024 வரை விண்ணப்பிக்கலாம். முதல்வர் மருந்தகம் அமைக்கும் தொழில்முனைவோருக்கு அரசு மானியம் ரூ.3 லட்சம் இரண்டு தவணைகளாக ரொக்கமாகவும் மருந்துகளாகவும் வழங்கப்படும். மேலும் விபரங்களை இணையதளம் மூலம் அறிந்து கொள்ளலாம் என ஈரோடு மாவட்ட ஆட்சியர் ராஜ கோபால் சுன்கரா தெரிவித்துள்ளார்.
News November 8, 2024
சென்னிமலை அருகே விபத்து
சென்னிமலை டூ பெருந்துறை செல்லும் மெயின் ரோட்டில் உள்ள கொளத்துப்பாளையம் பிரிவு அருகே லாரியும், தனியார் நிறுவனத்துக்கு சொந்தமான வேனும் இன்று மாலை நேருக்கு நேர் மோதிய விபத்தில் தனியார் நிறுவனத்தின் வேன் டிரைவர் கால் முறிந்தது. மேலும் ,வேனில் பயணம் செய்த தனியார் நிறுவன ஊழியர்கள் ஐந்து பேர் காயமடைந்தனர். மீட்கப்பட்டு பெருந்துறை உள்ள தனியார் மருத்துவமனையில் சிகிச்சை பெற்று வருகின்றனர்.
News November 8, 2024
அனைத்துத்துறை அலுவலர்களுடனான ஆய்வு கூட்டம்
ஈரோடு ஆட்சியர் அலுவலகத்தில், ஈரோடு மாவட்டத்தில் மேற்கொள்ளப்பட்டு வரும் பல்வேறு வளர்ச்சி திட்ட பணிகள் குறித்த அனைத்துத்துறை அலுவலர்களுடனான ஆய்வு கூட்டம் இன்று (8/11/24) நடைபெற்றது. இதற்கு மாவட்ட கண்காணிப்பு அலுவலர் டி.என்.வெங்கடேஷ் தலைமை வகித்தார். மாவட்ட ஆட்சியர் ராஜ கோபால் சுன்கரா முன்னிலை வகித்தார். உடன் எஸ்.பி., ஜவகர், ஆணையாளர் மனீஷ் உட்பட பல்வேறு துறை அதிகாரிகள் பங்கேற்றனர்.
News November 8, 2024
பொது வினியோக திட்ட குறைதீர் நாள் முகாம்
ஈரோடு மாவட்டத்தில் பொது வினியோக திட்ட குறைதீர் முகாம், அனைத்து தாலுகாவிலும் தலா ஒரு ரேஷன் கடையில் நாளை (9/11/24) நடைபெற உள்ளது. இதில் புதிய ரேஷன் கார்டு பெறவும், நகல் ரேஷன் கார்டு, ரேஷன் கார்டில் பெயர் சேர்த்தல், நீக்குதல், கைபேசி எண் இணைத்தல் போன்ற கோரிக்கை மனுக்களை மக்கள் வழங்கி தீர்வு பெறலாம் என ஈரோடு ஆட்சியர் ராஜ கோபால் சுன்கரா தெரிவித்துள்ளார்.
News November 8, 2024
ஈரோடு: மரம் அறுக்கும் மில்லில் தீ விபத்து
ஈரோடு கனிராவுத்தர்குளம், பாரதி நகரில் முத்துசாமி மரம் அறுவை மில் உள்ளது. இந்த மரம் அறுக்கும் மில்லில் இருந்து அதிகாலை 3 மணி அளவில் கரும்புகை வெளிவந்தது மேலும் தீயில் பற்றி எரிந்துகொண்டு இருந்தது. இதனால் அதிர்ச்சி அடைந்த அக்கம்பக்கத்தில் இருந்த மக்கள் இதுகுறித்து ஈரோடு தீயணைப்பு நிலையத்திற்கு தகவல் தெரிவித்தனர். தீயணைப்பு வீரர்கள் சுமார் ஒரு மணி நேரம் போராடி தீயை முற்றிலுமாக அணைத்தனர்.
News November 8, 2024
ஐடிஐ பயிற்சி முடித்தோருக்கு தொழிற்பழகுநர் பயிற்சி
ஈரோடு, சென்னிமலை சாலையில் உள்ள அரசு தொழிற்பயிற்சி நிலைய வளாகத்தில், ஈரோடு மாவட்டத்தில் உள்ள அனைத்து அரசு மற்றும் தனியார் தொழிற்பயிற்சி நிலையங்களில் (ஐடிஐ) பயிற்சி முடித்த பயிற்சியாளர்களுக்கு பிரதமரின் தேசிய தொழிற்பழகுநர் சேர்க்கை முகாம் நவம்பர் 11ஆம் தேதி நடைபெற உள்ளது. இதில் பயிற்சியாளர்கள் தங்கள் ஆவணங்களுடன் பயிற்சியில் சேர்ந்து பயன்பெறலாம் என ஈரோடு கலெக்டர் ராஜகோபால் சுன்கரா தெரிவித்துள்ளார்.
News November 8, 2024
ஈரோடு: சமூக நலத்துறையில் வேலை
ஈரோடு மாவட்ட சமூகநல அலுவலகத்தில் காலியாக உள்ள பாதுகாப்பு அலுவலர் பணியிடத்திற்கு விண்ணப்பங்கள் வரவேற்கப்படுகின்றன. இதற்கான விண்ணப்பங்களை erode.nic.in என்ற இணையதளத்தில் பதிவிறக்கம் செய்து, மாவட்ட ஆட்சியரகத்தில் உள்ள மாவட்ட சமூகநல அலுவலகத்தில் நாளை (9.11.2024) மாலை 5 மணிக்குள் சமர்ப்பிக்க வேண்டும் என ஈரோடு மாவட்ட ஆட்சியர் ராஜகோபால் சுன்கரா தெரிவித்துள்ளார்.
News November 7, 2024
இன்றைய தலைப்பு செய்திகள்
➤சென்னிமலையில் இரவு சூரசம்ஹார நிகழ்வு ➤ஆசிரியர் உயிரிழப்பு: அமைச்சர் இரங்கல் ➤ஈரோட்டில் மாநில அளவிலான தடகளப் போட்டி ➤பாதுகாப்பை பலப்படுத்த 428 கண்காணிப்பு கேமராக்கள் ➤ரூ.16,000 ஊதியத்துடன் இலவச பயிற்சி ➤பச்சை மலையில் மண்சரிவு: வாகனங்கள் செல்ல தடை
News November 7, 2024
ஆசிரியர் உயிரிழப்பு – அமைச்சர் இரங்கல்
அந்தியூர், சுண்டப்பூர் மலைக் கிராமத்தில் அமைந்துள்ள ஊராட்சி ஒன்றிய நடுநிலைப் பள்ளியில் பணிபுரிந்த ஆசிரியர் அந்தோணி ஜெரால்ட் மாரடைப்பால் உயிரிழந்த சம்பவம் பெரும் சோகத்தை ஏற்படுத்தியுள்ளது. ஆசிரியர் உயிரிழந்ததற்கு பள்ளி கல்வித்துறை அமைச்சர் அன்பில் மகேஷ் பொய்யாமொழி இரங்கல் தெரிவித்துள்ளார். அவரை இழந்து தவிக்கும் மாணவர்களுக்கும், ஆசிரியர்களுக்கும் குடும்பத்தினருக்கும் ஆழ்ந்த இரங்கலைத் தெரிவித்தார்.
Featured News
Sorry, no posts matched your criteria.