India's largestHyperlocal short
news App
Get daily news updates that are tailored for you based on your preferred language & location.
download Way2News app now
Erode
News November 12, 2024
இலவச தடுப்பூசி: ஈரோடு கலெக்டர் அறிவிப்பு
ஈரோடு மாவட்டத்தில், கால்நடை பராமரிப்புத்துறை மூலம் ஆடுகளை தாக்கும் ஆட்டுக்கொல்லி நோயில் இருந்து ஆடுகளை பாதுகாக்க முன்னெச்சரிக்கை நடவடிக்கைகள் மேற்கொள்ளப்பட்டு வருகிறது. அதன்படி, ஈரோடு மாவட்டத்தில், ஆடுகள் வளர்ப்போர் (சினை ஆடு மற்றும் 4 மாதத்திற்கு கீழ் உள்ளவை தவிர) கால்நடை மருத்துவ நிலையங்களில் இத்தடுப்பூசியை இலவசமாக ஆடுகளுக்கு செலுத்தி கொள்ளலாம் கலெக்டர் என ராஜ கோபால் சுன்கரா தெரிவித்துள்ளார்.
News November 12, 2024
ஈரோட்டில் நவ.20ம் தேதி விவசாயிகள் குறைதீர் கூட்டம்
ஈரோடு மீனாட்சி சுந்தரனார் சாலையில் உள்ள வருவாய் கோட்டாட்சியர் அலுவலகத்தில் வரும் 20ம் தேதி காலை 11 மணிக்கு கோட்ட அளவிலான விவசாயிகள் குறைதீர் கூட்டம் வருவாய் கோட்டாட்சியர் ரவி தலைமையில் நடைபெற உள்ளது. இந்த முகாமில், ஈரோடு, பெருந்துறை, மொடக்குறிச்சி, கொடுமுடி பகுதியை சேர்ந்த விவசாயிகள் பங்கேற்று தங்களது விவசாய நிலங்களை நில அளவைத்துறை மூலம் அளவீடு செய்தல் என பல்வேறு கோரிக்கைகளை தெரிவிக்க உள்ளனர்.
News November 12, 2024
இரட்டை குழந்தைக்களுக்கு சிறப்பு சிகிச்சை
ஈரோடு தலைமை அரசு மருத்துவமனையில், 68 நாட்களுக்கு முன்பு இரட்டை குழந்தை பிறந்தது. அக் குழந்தைகளின் எடை 940 கிராம், 680 கிராம் மட்டுமே இருந்தது. அரசு மருத்துவர்களின் சிறப்பான சிகிச்சையால் தற்பொழுது 1.700 கிராம், 1கிலோ முன்னேற்றம் கண்டு இன்று நலமுடன் வீட்டிற்கு அனுப்பி வைத்தார்கள். இச்சாதனையை படைத்த ஈரோடு அரசு மருத்துவமனை மருத்துவ குழுவிற்கு பாராட்டுக்கள் குவிந்து வருகிறது.
News November 11, 2024
ஈரோடு: தனியார் துறை வேலைவாய்ப்பு முகாம்
ஈரோடு, சென்னிமலை சாலையில் உள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், நவம்பர் 15ம் தேதி தனியார்துறை வேலைவாய்ப்பு முகாம் நடைபெற உள்ளது. மேலும் விபரங்களுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரிலோ அல்லது86754-12356, 94990-55942 என்ற எண்கள் அல்லது erodemegajobfair@gmail.com மின்னஞ்சல் முகவரி வாயிலாக தொடர்பு கொள்ளலாம் என தெரிவிக்கப்பட்டுள்ளது.
News November 11, 2024
ஈரோடு: வாராந்திர மக்கள் குறைதீர்க்கும் நாள் கூட்டம்
ஈரோடு ஆட்சியர் அலுவலகத்தில், இன்று மக்கள் குறைதீர்க்கும் நாள் கூட்டம் நடைபெற்றது. இதற்கு ஈரோடு கலெக்டர் ராஜ கோபால் சுன்கரா தலைமை வகித்தார். இதில், முதியோர், விதவை, மாற்றுத்திறனாளிகள் உதவி தொகை மற்றும் பல்வேறு அடிப்படை வசதி உள்ளிட்ட கோரிக்கை மனுக்களை பொதுமக்களிடம் இருந்து ஆட்சியர் பெற்று கொண்டார். தொடர்ந்து நலவாரியத்தில் பதிவு பெற்ற தூய்மை பணியாளர் வாரிசு தாரர்களுக்கு நலத்திட்டங்கள் வழங்கினார்.
News November 11, 2024
ஈரோடு: பஸ்ஸும் பைக்கும் மோதி தாயும் மகளும் பலி
ஆப்பக்கூடல் அருகே அத்தாணி பகுதியில் அரசு பேருந்தும் மோட்டார் சைக்கிளும் நேருக்கு நேர் மோதிக் கொண்டதில் மோட்டார் சைக்கிள் பயணம் செய்த தாய், மகள் அதே இடத்தில் இன்று உயிரிழந்தனர். அவர்களை ஆப்பக்கூடல் போலீசார் மீட்டு உடலை அந்தியூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். தொடர்ந்து விசாரணை மேற்கொண்டு வருகின்றனர்.
News November 11, 2024
ஈரோடு: சுகாதார ஆலோசகர் பணிக்கு இன்று நேர்முகத் தேர்வு
ஈரோட்டில் 102 மருத்துவ சேவை சுகாதார ஆலோசகர் பணிக்கு இன்று நேர்முகத் தேர்வு நடக்கிறது. மதியம் 2 மணி முதல் 4 மணி வரை ஈரோடு மாவட்ட ஆட்சியர் அலுவலக வளாகத்தில் உள்ள 108 ஆம்புலன்ஸ் அலுவலகத்தில் பழைய கட்டடம் 2வது தளத்தில் நடைபெற உள்ளது. அடிப்படை கல்வித் தகுதிகளான, பிஎஸ்சி நர்சிங், ஜி.என்.எம், ஏ.என்.எம் முடித்திருக்க வேண்டும். வயது வரம்பு 19 முதல் 30க்கு மிகாமல் இருக்க வேண்டும்.
News November 11, 2024
ஈரோடு மாவட்டத்தில் வாக்காளர் சிறப்பு முகாம்
ஈரோடு மாவட்டத்தில் நவம்பர் 16, 17 மற்றும் 23, 24ஆம் தேதிகளில் அடைத்து வாக்குச்சாவடிகளில் வாக்காளர் சிறப்பு முகாம் நடைபெறுகிறது. இதில் 1/1/25 அன்று 18 வயது பூர்த்தியடையும் அனைவரும் வாக்காளர் பட்டியலில் தங்கள் பெயர் சேர்க்க விண்ணப்பிக்கலாம். பெயர் சேர்த்தல், நீக்கம், முகவரி மாற்றம் உள்ளிட்ட அனைத்திற்கும் படிவங்கள் வழங்கப்படும் என ஆட்சியர் ராஜகோபால் சுன்கரா தெரிவித்துள்ளார்.
News November 11, 2024
மாநிலத்தில் கொடிவேரி பாசன பகுதி முதலிடம்
கொடிவேரி அணை பாசனத்துக்குட்பட்ட தடப்பள்ளி-அரக்கன்கோட்டை ஆயக்கட்டு பகுதியில், நவம்பர் 7ம் தேதி முதல் நெல் கொள்முதல் நிலையங்கள் செயல்பட்டுவருகின்றன. இங்கு ஒரு கிலோ நெல் ரூ.24.50 கொள்முதல் செய்யப்படுகிறது. கடந்த ஆண்டு இப்பகுதியில் 24,613 டன் நெல் கொள்முதல் செய்யப்பட்டது. சராசரியாக ஏக்கருக்கு 3 டன் விளைவித்து தொடர்ந்து பல ஆண்டுகளாக கொடிவேரி பாசன பகுதி மாநில அளவில் முதலிடத்தில் உள்ளது.
News November 10, 2024
100 நாள் வேலை திட்ட பணியாளர்களை கொட்டிய தேனீக்கள்
பெருந்துறை யூனியன், மேட்டுப்புதூர் ஊராட்சி கிணிப்பாளையம் பகுதியில் குளக்கரையை பலப்படுத்தும் பணியில் 25க்கும் மேற்பட்ட 100 நாள் வேலைத்திட்ட பணியாளர்கள் ஈடுபட்டிருந்தனர். அப்போது அருகில் இருந்த மரத்தில் கட்டி இருந்த தேன் கூட்டின் மீது யாரோ கல் வீசியதாக தெரிகிறது. இதனால் தேனீக்கள் பறந்து வந்து பணியில் இருந்த பணியாளர்களை விரட்டி விரட்டி கொட்டி உள்ளது. இதில் பத்துக்கும் மேற்பட்டோர் காயம் அடைந்தனர்.
Featured News
Sorry, no posts matched your criteria.