India's largestHyperlocal short
news App
Get daily news updates that are tailored for you based on your preferred language & location.
download Way2News app now
Erode
News July 22, 2024
ஆசிரியர் இடமாறுதல் கவுன்சிலிங்
ஈரோடு உதவி கல்வி அலுவலர் அலுவலகத்தில், தொடக்க கல்வி இயக்ககம் சார்பில், பட்டதாரி ஆசிரியர்கள் மாவட்டம் விட்டு மாவட்டம் செல்வதற்கான பொது மாறுதல் கலந்தாய்வு இன்று தொடங்கியது. இதேபோல், ஈரோடு முதன்மை கல்வி அலுவலர் அலுவலகத்தில் பள்ளி கல்வித்துறை சார்பில் அரசு, நகராட்சி உயர்நிலை பள்ளி தலைமை ஆசிரியர்கள், வருவாய் மாவட்டத்திற்குள் பணியிட மாறுதல் கலந்தாய்வு இன்று நடைபெற்றது.
News July 22, 2024
பேச்சுப் போட்டிக்கு உடனே விண்ணப்பிக்கவும்
கருணாநிதி நூற்றாண்டையொட்டி திமுக இளைஞர் அணி சார்பில் ‘என் உயிரினும் மேலான’ என்னும் பேச்சுப்போட்டி நடைபெறவுள்ளது. இதில் வெற்றி பெறும் முதல் 3 நபர்களுக்கு ரூ.1 லட்சம், ரூ.75 ஆயிரம், ரூ.50 ஆயிரம் முறையே பரிசாக வழங்கப்படவுள்ளது. இதற்கு விண்ணப்பிக்கவும் கூடுதல் தகவல்களும் kalaignar100pechu.org என்ற இணையதளத்தின் மூலம் தெரிந்து கொள்ளலாம். இம்மாதம் 25ஆம் தேதி விண்ணப்பிப்பதற்கு கடைசி நாளாகும்.
News July 22, 2024
சிறப்பு குறைதீர்க்கும் நாள் கூட்டம்
ஈரோடு கலெக்டர் அலுவலகத்தில் உள்ள மக்கள் குறைதீர்க்கும் நாள் கூட்ட அரங்கில் நாளை (23-07-2024) காலை 10 மணிக்கு மாற்றுத்திறனாளிகளுக்கான சிறப்பு குறைதீர்க்கும் நாள் கூட்டம் நடைபெற உள்ளது. இம்முகாமில் மாற்றுத்திறனாளிகள் கலந்து கொண்டு தங்களின் குறைகளுக்கான உடனடி தீர்வுகளை பெறலாம் என ஈரோடு கலெக்டர் ராஜ கோபால் சுன்கரா இன்று தெரிவித்துள்ளார்.
News July 22, 2024
ஈரோடு மாவட்டத்தில் மின்தடை அறிவிப்பு
பெருந்துறை அடுத்த சிப்காட் துணை மின் நிலையத்தில், நாளை (ஜூலை 23) காலை 9 மணி முதல் பிற்பகல் 2 மணி வரை பராமரிப்பு பணி நடைபெற உள்ளதால் கீழ்க்காணும் பகுதிகளில் மின்விநியோகம் இருக்காது என மின்வாரியம் அறிவித்துள்ளது. சிப்காட் சிறப்பு பொருளாதார மண்டல வளாகம், சின்னவேட்டுபாளையம், பெரியவேட்டுபாளையம், மேக்கூர், கோட்டைமேடு, பெருந்துறை மேற்கு, சின்னமடத்துப்பாளையம், துடுப்பதி, பள்ளக்காட்டூர், சிலேட்டர்புரம்.
News July 22, 2024
ஈரோட்டை சேர்ந்த 3 பேர் விபத்தில் பலி
ஈரோட்டை சேர்ந்த கிருஷ்ணகுமார் குடும்பத்தினர் திருச்செந்தூர் சென்று விட்டு இன்று மீண்டும் வீடு திரும்பியபோது கரூர் அடுத்த ஆண்டிக்கோட்டை பகுதியில் சாலையோரம் இருந்த மரத்தின் மீது கார் மோதி விபத்துக்குள்ளானது. இந்த விபத்தில் கிருஷ்ணகுமார், அவரது மாமியார் இந்திராணி மற்றும் அவரது 10 வயது மகள் வருணா ஆகியோர் சம்பவ இடத்திலேயே பரிதாபமாக உயிரிழந்தனர். மேலும் இருவர் படுகாயம் அடைந்துள்ளனர்.
News July 22, 2024
ஈரோட்டில் மாநில அளவிலான ஐவர் கால்பந்து போட்டி
ஈஈரோட்டில் ஈரோடு அரண் ஸ்போர்ட்ஸ் சார்பில் மாநில அளவிலான ஐவர் கால்பந்து போட்டி (12, 14, 17, 19 வயதுக்குட்பட்டோர் என 4 பிரிவுகளில்) நேற்று நடந்தது. இதை ஈரோடு கே.இ.பிரகாஷ் எம்பி, ஈரோடு லயன்ஸ் கிளப் ஆர்.கல்யாணசுந்தரம் ஆகியோர் தொடங்கி வைத்தனர். இதில் 60-க்கும் மேற்பட்ட அணியினர் கலந்துகொண்டு தங்களது திறமைகளை வெளிப்படுத்தினர். வெற்றிபெற்ற அணிகளுக்கு பரிசு கோப்பை வழங்கப்பட்டது.
News July 21, 2024
இளம் அறிவியலாளருக்கு ஜி.டி.நாயுடு விருது
ஈரோடு புத்தகத் திருவிழா, மக்கள் சிந்தனை பேரவையின் சார்பில் ஈரோடு சிக்கய்ய நாய்க்கர் கல்லூரியில் ஆக.2ஆம் தேதி தொடங்குகிறது. இதில் தமிழகத்தில் சிறந்த அறிவியலாளர் ஒருவருக்கு ரூ.1 லட்சம் பரிசுடன் ஜிடி நாயுடு விருது வழங்கப்படுகிறது. ஜூலை 30ஆம் தேதிக்குள் ஆய்வு குறிப்புகள் மற்றும் ஆய்வு ஆவணங்களை info@makkalsinthanaiperavai.org என்ற மின்னஞ்சல் முகவரிக்கு அனுப்பி வைக்க கேட்டு கொள்ளப்பட்டுள்ளது.
News July 21, 2024
திருமணமான பெண்கள் கவனத்திற்கு
திருமணமான பெண்களுக்கு வழங்கப்படும் 12 இலக்கம் கொண்ட நிரந்தர கர்ப்பபதிவு எண்ணை இணையதளத்தில் தேவைப்படும் ஆவணங்களை சமர்ப்பித்து சுயமாக பெற்றுக் கொள்ளலாம். தேவையான விவரங்களுடன் https://picme.tn.gov.in என்ற இணையதளத்தில் சுய கர்ப்ப பதிவு செய்து கொள்ளலாம். மேலும் 76 அரசு ஆரம்ப சுகாதார நிலைய சிறப்பு முகாம்களில் பெற்றுக் கொள்ளலாம் என ஈரோடு கலெக்டர் ராஜகோபால் சுன்கரா தனது அறிக்கையில் தெரிவித்துள்ளார்.
News July 21, 2024
ஈரோட்டில் 10.3 செ.மீ மழை
தமிழகத்தில் தென்மேற்கு பருவமழை தொடங்கி உள்ளதால் கடந்த சில வாரங்களாக பல்வேறு பகுதிகளில் பரவலாக மழை பெய்து, நீர் நிலைகளின் நீர்மட்டம் உயர்ந்து வருகிறது. இந்நிலையில் ஈரோடு மாவட்டத்தில் ஜூன் 1ஆம் தேதி முதல் இன்று வரை அதிகபட்சமாக 10.3 செ.மீ மழை பெய்துள்ளதாக வானிலை மையம் தெரிவித்துள்ளது.
News July 21, 2024
பவானிசாகர் அணையின் நீர் மட்டம் அதிகரிப்பு
மேற்கு தொடர்ச்சி மழை பொழிவு காரணமாக பவானிசாகர் அணையில் தொடர்ந்து நீர்மட்டம் உயர்ந்து வருகிறது. பவானிசாகர் அணையின் நீர் மட்டம் 82. 11அடியிலிருந்து 83.42 அடியாக அதிகரித்துள்ளது. அணைக்கு நீர் வரத்து வினாடிக்கு 12,239 அடியிலிருந்து 6,719 அடியாக குறைந்துள்ளது. வினாடிக்கு 1,205 கனஅடி நீர் வெளியேற்றப்படுகிறது.
Featured News
Sorry, no posts matched your criteria.