India's largestHyperlocal short
news App
Get daily news updates that are tailored for you based on your preferred language & location.
download Way2News app now
Erode
News May 6, 2024
ஈரோட்டில் மழைக்கு வாய்ப்பு
ஈரோடு மாவட்டத்தில் இன்று (மே.06) இரவு 7 மணி வரை லேசான இடி, மின்னலுடன் கூடிய, லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது. தமிழகத்தில் வெப்பநிலை அதிகரிகத்து வரும் நிலையில், தற்போது மேற்கு திசை காற்றின் மாறுபாட்டால் கடந்து சில நாட்களாக மழை பெய்து வருவது குறிப்பிடத்தக்கது.
News May 6, 2024
ஈரோடு நட்டாற்றீஸ்வரர் கோயில் சிறப்பு!
ஈரோடு, காங்கேயம் பாளையத்தில் காவிரி நதியின் நடுவில் அமைந்துள்ளது நட்டாற்றீஸ்வரர் கோயில். இங்குள்ள லிங்கம் மணலில் வடிக்கப்பட்டதாகும். இக்கோவிலின் தல விருட்சமாக பாறையின் மீதுள்ள அத்திமரம் உள்ளது. இங்குள்ள முருகன் நடக்கும் பாவனையிலும், இடது கையில் கிளி வைத்திருப்பது போன்றும் காட்சித் தருகிறார். ஆற்றிற்கு செல்ல பாலம் அமைக்கப்பட்டுள்ளது. ஆற்றில் தண்ணீர் குறைவாக இருந்தால் நடந்தே கோவிலுக்கு செல்லலாம்.
News May 6, 2024
ஈரோடு அருகே விபத்தில் 13 பேர் காயம்
சேலம் மாவட்டம் எடப்பாடி அருகே உள்ள புதுப்பாளையம் பகுதியைச் சேர்ந்த பள்ளி மாணவர்கள், பனியன் கம்பெனி தொழிலாளர்கள் ஊட்டி சென்றுள்ளனர். மீண்டும் எடப்பாடிக்கு திரும்பிக்கொண்டிருந்த போது காசிபாளையம் அருகே வந்த போது வேன் கட்டுப்பாட்டை இழந்து சாலையோர மரத்தில் மோதியது. இதில் 13 பேர் காயமடைந்தனர். இதுகுறித்து காவல்துறையினர் வழக்கு பதிவு செய்து விசாரணை நடத்தி வருகின்றனர்.
News May 6, 2024
ஈரோடு : 97.42 சதவீத தேர்ச்சி
தமிழ்நாட்டில் 12 ஆம் வகுப்பு தேர்வில் ஈரோடு மாவட்டத்தில் ஒட்டுமொத்த தேர்ச்சி சதவீதம் 97.42 ஆகும். இதில் 9,864 மாணவர்கள், 11,362 மாணவிகள் என மொத்தம் 21,226 பேர் தேர்வு எழுதினர். இதில் 9,540 மாணவர்கள், 11,138 மாணவிகள் என மொத்தம் 20,678 பேர் தேர்ச்சி பெற்றுள்ளனர். ஒட்டுமொத்த மாணவர்கள் 96.72%, மாணவிகள் 98.03% தேர்ச்சி பெற்றுள்ளனர். மாநிலத்தில் ஈரோடு 97.42 சதவீதத்துடன் இரண்டாம் இடம் பிடித்துள்ளது.
News May 6, 2024
ஈரோட்டில் 97.42% பேர் தேர்ச்சி: இரண்டாம் இடம் பெற்று சாதனை
12ஆம் வகுப்பு மாணவர்களுக்கான பொதுத் தேர்வு முடிவுகள் இன்று வெளியாகியுள்ளது. அதில், ஈரோடு மாவட்டத்தில் 97.42% தேர்ச்சி விகிதம் பதிவாகியுள்ளது. மாணவர்கள் 96.72 % பேர் தேர்ச்சி அடைந்துள்ளனர். மாணவியர்கள் 98.03 % தேர்ச்சி அடைந்துள்ளனர்.ஈரோடு இரண்டாம் இடம் பெற்று சாதனை படைத்துள்ளது
News May 6, 2024
நாளை மழை பெய்ய வாய்ப்பு
தமிழக பகுதிகளில் மேல் வளிமண்டல கீழடுக்குகளில் காற்றின் திசை காற்றின் திசை மாறுபடும் பகுதி நிலவுகிறது. இதன் காரணமாக நாளை (மே.7) ஈரோடு மாவட்டத்தில் ஓரிரு இடங்களில் கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. வடதமிழக உள்மாவட்டங்களில் இன்று ஓரிரு இடங்களில் வெப்ப அலை வீசக்கூடும்.
News May 6, 2024
அந்தியூர் சுற்றுவட்டாரத்தில் காற்று, மின்னலுடன் மழை
ஈரோடு மாவட்டத்தில் கடந்த சில நாட்களாக வெயிலின் தாக்கம் அதிகமாக இருந்தது. கோடை வெயில் தொடங்கியவுடன் 100 பாரன்ஹீட் வெயில் பதிவாகி சதம் அடித்து வந்த நிலையில் ஏப்ரல் மாதம் முழுவதும் 104 பாரன்ஹீட் அதிகமான வெப்பம் பதிவானது. இந்நிலையில் அந்தியூர் சுற்றுவட்டார பகுதிகளில் நேற்று இடி,மின்னல், பலத்த காற்றுடன் மழை பெய்தது. சுமார் 1/2 மணி நேரம் பெய்ய மழையால் அப்பகுதி மக்கள் மகிழ்ச்சியடைந்தனர்.
News May 5, 2024
அந்தியூர் : சிவன் கோவிலில் பிரதோஷ வழிபாடு
அம்மாபேட்டை காவிரி கரையில் மீனாட்சி உடனமர் சொக்கநாதர் கோவில் உள்ளது. இக்கோயிலில் தேய்பிறை பிரதோஷத்தையொட்டி இன்று சிவன் மற்றும் நந்திக்கு சிறப்பு பூஜை நடந்தது. மேலும் நந்தி பெருமானுக்கு பால், சந்தனம், மஞ்சள் போன்ற பல்வேறு வாசனை திரவியங்களால் அபிஷேகம் மற்றும் மலர் அலங்காரம் செய்யப்பட்டு தீபாராதனை காண்பிக்கப்பட்டது. பின் ரிஷப வாகனத்தில் சுவாமி கோவில் உலா வந்தது.
News May 5, 2024
சத்தியமங்கலம்: சாரல் மழையில் துள்ளி குதித்த விலங்குகள்
சத்தியமங்கலம் அடுத்த பிரசித்தி பெற்ற பண்ணாரி அம்மன் கோயில் உள்ளது. அங்கு காவல் மற்றும் வனத்துறை சோதனைச்சாவடி அமைந்துள்ளது. நேற்றைய தினம் லேசான சாரல் மழை பெய்ததால் சோதனைச்சாவடி அடுத்த காட்டுப்பகுதியில் வன விலங்குகள் மகிழ்ச்சியுடன் படுத்து புரளும் காட்சி காண்போரை உற்சாகப்படுத்தியது.
News May 5, 2024
ஈரோட்டில் மழை பெய்ய வாய்ப்பு
தமிழகத்தில் இன்று முதல் 7 நாட்களுக்கு மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி தமிழகத்தில் இன்று, நாளை ஓரிரு இடங்களில் மழை பெய்ய வாய்ப்புள்ளது. அதன்படி மே.7 அன்று ஈரோடு மாவட்டத்திற்கு கன மழை பெய்யும் என சென்னை வானிலை ஆய்வு மையம் தெரிவித்துள்ளது
Featured News
Sorry, no posts matched your criteria.