• Download our app

Dindigul

News October 12, 2024

பழனியில் வன்னிகாசூர வதம் நிகழ்ச்சி

image

விஜயதசமி தினத்தை முன்னிட்டு பழனி கோதைமங்கலத்தில் வில்-அம்பு எய்து நிகழ்ச்சி நடைபெறுகிறது. இதனை முன்னிட்டு பழனி கோவிலில் இன்று காலை 11 மணி வரை மட்டுமே பக்தர்கள் அனுமதி. பிற்பகல் 2 மணியளவில் கோவில் நடை அடைக்கப்பட்டு, மீண்டும் நாளை அதிகாலை வழக்கம் போல திருக்கோவில் திறக்கப்படும் என திருக்கோவில் நிர்வாகம் அறிவித்துள்ளது.

News October 12, 2024

திண்டுக்கல் மாவட்டத்திற்கு மழை இருக்கு

image

திண்டுக்கல் மாவட்டத்தில் இன்று (அக்.12) கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. தமிழ்நாட்டில் தென் மாவட்டங்கள் உட்பட பல்வேறு மாவட்டங்களில் 6 நாட்களுக்கு கனமழை பெய்யும் என ஏற்கெனவே அறிவிக்கப்பட்டிருந்தது. மழையால் சில இடங்களில் மழை நீர் தேங்கி போக்குவரத்து பாதிக்கப்பட வாய்ப்புள்ளது. வெளியில் செல்வோர் முன் பாதுகாப்புடன் செல்வது நல்லது. SHARE IT.

News October 12, 2024

சாலையோர தடுப்பில் மோதி கார் விபத்து

image

மதுரை பீ.பி.குளத்தை சேர்ந்தவர் இம்மானுவேல். இவரது மகன் ஜோயல் (24). இவர் நேற்று தனது காரில் நத்தம் வந்து விட்டு ஊருக்கு திரும்பினார். மதுரை- நத்தம் 4- வழிச்சாலையில் உள்ள கல்வேலிபட்டி பிரிவு பகுதியில் சென்ற போது டிரைவரின் கட்டுப்பாட்டை இழந்த கார் சாலையோர தடுப்பில் மோதி கவிழ்ந்தது. காரின் முன்பகுதி முற்றிலும் சேதமடைந்தது. ஜோயலுக்கு காயம் ஏற்பட்டது. இதுகுறித்து போலீசார் விசாரணை செய்து வருகின்றனர்.

News October 12, 2024

திண்டுக்கல்லில் மாவட்டத்தில் வெளுத்த மழை

image

திண்டுக்கல் மாவட்டத்தில் நேற்று முன்தினம் ஒரே நாளில் 163.90 மி.மீ மழை பதிவாகியுள்ளது. இதனால், அப்பகுதியில் உள்ள கண்மாய், குளங்களில் நீர் மட்டம் உயர்ந்துள்ளது. இடை விடாமல் பெய்து வந்த மழையால், தாழ்வான பகுதி வீடுகளில் கழிவுநீருடம் மழைநீர் புகுந்தது. இதனால், அப்பகுதி மக்கள் மிகுந்த பாதிப்பு அடைந்தனர். மேலும், அடுத்த 3 நாள்களுக்கு மழை இருப்பதாக வானிலை ஆய்வு மையம் தெரிவித்துள்ளது.

News October 12, 2024

பீன்ஸ் விலை அதிகரிப்பு

image

திண்டுக்கல் மாவட்டம் ஒட்டன்சத்திரம் மார்க்கெட்டில் பீன்ஸ் விலை அதிகரித்து கிலோ ரூ.50 க்கு விற்றது. இம்மாதம் துவக்கத்தில் பல இடங்களில் அறுவடை மும்முரமாக இருந்ததால் மார்க்கெட்டிற்கு வரத்து அதிகரித்து கிலோ ரூ.30க்கு விற்பனை ஆனது. சில நாட்களாக விளைச்சல் குறைய வரத்து குறையத் தொடங்கியது. இதன் காரணமாக பீன்ஸ் விலை அதிகரித்து கிலோ ரூ.50-க்கு விற்பனை ஆனது.

News October 11, 2024

கனமழை தொடர் நீர்வரத்தால் அணைகள் ஃபுல்

image

மேற்குத் தொடர்ச்சி மலைப்பகுதிகளிலும் நல்ல மழை பெய்து வருகிறது. இதனால் அணைகளுக்கு நீர்வரத்து ஏற்பட்டுள்ளது. 65 அடி உயரம் கொண்ட பாலாறு –பழனி அருகே உள்ள பொருந்தலாறு அணையின் நீர்மட்டம் 49 அடியாக உயர்ந்துள்ளது. அணைக்கு விநாடிக்கு 75 கனஅடி நீர் வருகிறது. அணையில் இருந்து 9 கனஅடி நீர் வெளியேற்றப்படுகிறது. அணை பகுதியில் பெய்த மழையின் அளவு 50 மிமீ ஆக பதிவாகி உள்ளது.

News October 11, 2024

உணவு பாதுகாப்புதுறையினர் சோதனை

image

ஆயுத பூஜை, விஜயதசமி பண்டிகை முன்னிட்டு இன்று முதல் 3 நாட்கள் அரசு விடுமுறை அளித்துள்ளது. இந்நிலையில் திண்டுக்கல்லில் உள்ள திரையரங்குகளில் இன்று உணவு பாதுகாப்பு அலுவலர்கள் செல்வம், சரவணகுமார், முருகன் உள்ளிட்ட குழுவினர் திடீர் சோதனை மேற்கொண்டனர். மேலும் காலாவதியான உணவுப் பொருட்களை விற்பனை செய்யக்கூடாது என்று அறிவுறுத்தினர்.

News October 11, 2024

பேரிஜம் ஏரி பகுதிக்கு சுற்றுலா பயணிகள் அனுமதி

image

கொடைக்கானலில் பாதுகாக்கப்பட்ட வனப்பகுதியான பேரிஜம் ஏரி பகுதிக்கு சுற்றுலா பயணிகள் செல்ல வனத்துறையினரின் அனுமதியை பெற வேண்டும். கடந்த 2 நாட்களாக, பேரிஜம் ஏரி பகுதியில் யானைகள் நடமாட்டத்தால் சுற்றுலாப் பயணிகளுக்கு தடை விதிக்கப்பட்டிருந்தது. பேரிஜம் ஏரிக்கு இன்று (வெள்ளிக்கிழமை) 11ஆம் தேதி முதல் சுற்றுலாப் பயணிகள் வழக்கம் போல் செல்ல அனுமதி வழங்கப்படுகிறது என்று வனத்துறையினர் தெரிவித்துள்ளனர்.

News October 11, 2024

பழநி முருகன் கோயிலில் நாளை நடையடைப்பு

image

பழநி முருகன் கோயில் துணை கோயிலான பெரியநாயகி அம்மன் கோயில் நவராத்திரி விழாவை முன்னிட்டு நாளை கோதைமங்கலம் கோதீஸ்வரர் கோயிலில் வன்னிகா சூரன் வதம் நடக்கிறது. பழநி கோயிலிருந்து பராசத்தி வேல் வரும் நிலையில் பக்தர்கள் காலை 11 மணி வரை மட்டுமே கோயிலுக்குள் அனுமதிக்கப்படுவர். இதையடுத்து மதியம் 12 மணிக்கு உச்சிக்கால பூஜை, 1:30 மணிக்கு சாயரட்சை பூஜை நடக்கிறது. பிற்பகல் 3.15-க்கு மலைகோவில் நடை அடைக்கபடுகிறது.

News October 11, 2024

திண்டுக்கல் மக்களே ரேஷன் கடையில் வேலை!

image

தமிழ்நாடு முழுவதும் கூட்டுறவு சங்கங்களில் கீழ் இயங்கி வரும் ரேஷன் கடைகளில், விற்பனையாளர், கட்டுநர்கள் பணியிடங்கள் நிரப்பப்படுகிறது. அந்த வகையில், திண்டுக்கல் மாவட்டத்தில் 63 பணியிடங்கள் நிரப்பப்பட உள்ளன. இதற்கு தேர்வு கிடையாது. நேரடி நியமனம் மூலம் இப்பணியிடங்கள் நிரப்பப்படுகிறது. 12ஆம் வகுப்பு தேர்ச்சி பெற்றிருக்க வேண்டும். விருப்பம் உள்ளவர்கள் இங்கே <>க்ளிக் <<>>செய்து விண்ணப்பிக்கலாம்.

Featured News

Sorry, no posts matched your criteria.

↑