India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dindigul
News October 18, 2024
நட்சத்திர ஏரியை அழகுபடுத்தும் பணியாளர்கள்
கொடைக்கானல் நகரின் மையப்பகுதியில் அமைந்துள்ள நட்சத்திர ஏரியில் கரைகளை தூய்மைப்படுத்தும் பணியில் தற்போது நகராட்சி பணியாளர்கள் தீவிரம் காட்டி வருகின்றனர். குறிப்பாக கடந்த ஒரு வாரமாக 20க்கும் மேற்பட்ட பணியாளர்கள் ஏரியின் கரைப்பகுதிகளில் உள்ள குப்பைகள், தேவையற்ற செடிகள், கொடிகளை அகற்றி ஏரிக்கு அழகு சேர்க்கும் வகையில் பணிகள் நடைபெற்று வருகிறது. இதனால் சுற்றுலாப்பயணிகள் மகிழ்ச்சி அடைந்து வருகின்றனர்.
News October 18, 2024
திண்டுக்கல்: திடீரென பற்றி எரிந்த ஜெனரேட்டர்
திண்டுக்கல் மாவட்டம், நத்தம் பஜார் தெருவில் தலைமை தபால் நிலையம் உள்ளது. இந்த தபால் நிலையத்தின் மாடியில் உள்ள ஜெனரேட்டர் இன்று திடீரென தீப்பற்றி எரிந்து முற்றிலும் சேதமடைந்தது. இந்நிலையில் நத்தம் தீயணைப்பு வீரர்கள் துரிதமாக செயல்பட்டு தீ மேலும் பரவாமல் அணைத்தனர். இதனால் அப்பகுதியில் பெரும் அசம்பாவிதம் தவிர்க்கப்பட்டது. .
News October 18, 2024
திண்டுக்கல்லில் ரூ.1.20 கோடி மோசடி: 5 பேர் மீது வழக்கு
திண்டுக்கல், கொடைக்கானலை சேர்ந்த பிருந்தா என்பவர் அண்ணாசாலை பகுதியில் சூப்பர் மார்க்கெட் வைத்துள்ளார். இவருடன் பங்குதாரராக இருந்த அதே பகுதியைச் சேர்ந்த ராஜாசெல்வம், அவரது தம்பி ராஜாபிரசாத் உள்பட 5 பேர் போலி ஆவணங்கள் தயாரித்து, பிருந்தாவைப் போல் கையெழுத்திட்டு ரூ.1.20 கோடி மோசடி செய்துள்ளனர். பிருந்தா தொடர்ந்த வழக்கின் பேரில் மாவட்ட குற்றபிரிவு போலீசார் 5 பேர் மீது வழக்குப்பதிவு செய்துள்ளனர்.
News October 18, 2024
பொது விநியோகத்திட்டம் தொடர்பாக சிறப்பு குறைதீர் முகாம்
திண்டுக்கல் மாவட்டத்தில் உள்ள அனைத்து வட்டாட்சியர் அலுவலகங்களில் செயல்பட்டு வரும் தனி வட்டாட்சியர் (கு.பொ.) / வட்ட வழங்கல் அலுவலகங்களில் வரும் 19ஆம் தேதி (சனிக்கிழமை) அன்று பொது விநியோகத்திட்டம் தொடர்பாக சிறப்பு குறைதீர் முகாம் நடைபெறவுள்ளது என திண்டுக்கல் மாவட்ட ஆட்சித்தலைவர்
பூங்கொடி தகவல் தெரிவித்துள்ளார்.
News October 17, 2024
பழனி முருகன் கோவிலில் கந்த சஷ்டி விழா!
பழனி அருள்மிகு தண்டாயுதபாணி சாமி கோவிலில் கொண்டாடப்படும் முக்கிய திருவிழாக்களில் கந்தசஷ்டி விழாவும் ஒன்றாகும்.
இந்த வருடத்திற்கான கந்தசஷ்டி விழா நவ.2-ம் தேதி மலைக்கோவிலில் உச்சி காலத்தில் காப்புக் கட்டுதலுடன் தொடங்க உள்ளது. தொடர்ந்து முக்கிய நிகழ்ச்சியான சூரனை வதம் செய்யும் சூரசம்ஹாரம் 7ம் தேதி நடைபெறுகிறது.
News October 17, 2024
திண்டுக்கல்லை வெளுக்க வரும் மழை
தமிழகத்தில் வடகிழக்கு பருவ மழை ஆரம்பித்ததையொட்டி, கடந்த சில நாள்களாக மழை பெய்து வருகிறது. இந்நிலையில் திருச்சி, திண்டுக்கல், மதுரை உள்ளிட்ட 14 மாவட்டங்களில் அக்.20,21 ஆகிய தேதிகளில் ஓரிரு இடங்களில் கனமழை இருப்பதாக வானிலை ஆய்வு மையம் தெரிவித்துள்ளது. எனவே முன்னெச்சரிக்கையுடன் இருக்க அறிவுறுத்தப்பட்டுள்ளது. திண்டுக்கல் மக்களே SHARE பண்ணுங்க
News October 17, 2024
கலை பண்பாட்டுத்துறை சார்பில் கலைப் போட்டிகள்
திண்டுக்கல் மாவட்டம் கலை பண்பாட்டுத்துறை சார்பில் 5-8, 9-12, 13-16 என்ற மூன்று வகையான வயது பிரிவில் திண்டுக்கல் மாவட்ட அளவிலான குரலிசை, பரதநாட்டியம், ஓவியம் மற்றும் கிராமிய நடனம் ஆகிய கலைப் போட்டிகள் 20-10-2024 அன்று நடைபெறவுள்ளது. மேலும், விவரங்களுக்கு 0452-2566420, 9790070867 என்ற தொலைபேசி எண்ணில் தொடர்பு கொண்டு பயன்பெறலாம் என மாவட்ட ஆட்சித்தலைவர் பூங்கொடி தெரிவித்துள்ளார்.
News October 16, 2024
கொலை குற்றவாளிகள் மீது குண்டர் சட்டம் பாய்ந்தது!
வேடசந்தூர் மற்றும் வடமதுரை காவல் நிலைய எல்லைக்கு உட்பட்ட பகுதிகளில் கொலை வழக்குகளில் கைது செய்யப்பட்ட வினோத் (எ) வினோத்குமார் (28), கவி (எ) கவியரசு (24), மாரிமுத்து (29), பகவதி (28), மதுமோகன் (26) சரவணக்குமார் (23), ஆகியோர்கள் சேர்ந்து வெட்டி கொலை செய்தது தொடர்பாக மாவட்ட நிர்வாகம் 6 எதிரிகளையும் குண்டர் தடுப்பு சட்டத்தின் கீழ் கைது செய்யப்பட்டு மதுரை மத்தியசிறையில் அடைக்கப்பட்டுள்ளனர்.
News October 16, 2024
திண்டுக்கல் இன்றைய இரவு நேர ரோந்து காவலர்கள்!
திண்டுக்கல்லில் இன்று இரவு 11.00 மணி முதல், நாளை காலை 6.00 மணி வரை கண்ணன், DSP, DCB, திண்டுக்கல் தலைமையில் காவல் அதிகாரிகள் நிலக்கோட்டை, பழனி, ஒட்டன்சத்திரம், கொடைக்கானல், வேடசந்தூர் மற்றும் அதனைச் சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தெரிவித்துள்ளது.
News October 16, 2024
பாலியல் வன்புணர்வு செய்தவருக்கு சிறை அபராதம்
வத்தலகுண்டு காவல் நிலைய எல்லைக்கு உட்பட்ட பகுதியை சேர்ந்த சிறுமியை 2023 ஆண்டு கடத்தி சென்று பாலியல் வன்புணர்வு செய்ததாக நிலக்கோட்டை, மல்லனம்பட்டி பகுதியை சேர்ந்த விக்னேஷ்குமார்(20) என்பவரை வத்தலகுண்டு போலீசார் போக்சோவில் கைது செய்து சிறையில் அடைத்தனர். இன்று விரைவு மகிளா நீதிமன்ற நீதிபதி சரண் குற்றவாளி விக்னேஷ்குமாருக்கு 27 ஆண்டுகள் சிறை தண்டனை, ரூ.20 ஆயிரம் அபராதம் விதித்து தீர்ப்பு வழங்கினார்.
Featured News
Sorry, no posts matched your criteria.