India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dindigul
News October 20, 2024
திண்டுக்கல் இரவு ரோந்து காவலர்கள் விவரம்
திண்டுக்கல்லில் இன்று இரவு 11.00 மணி முதல் நாளை காலை 6.00 மணி வரை திருமதி.மதுமதி, DSP மற்றும் திரு. முருகன் , DSP தலைமையில் காவல் அதிகாரிகள் நிலக்கோட்டை, பழனி, ஒட்டன்சத்திரம், கொடைக்கானல், வேடசந்தூர் மற்றும் அதனைச் சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தெரிவித்துள்ளது.
News October 20, 2024
திண்டுக்கல்: உணவு சம்பந்தப்பட்ட புகார் தெரிவிக்கலாம்
திண்டுக்கல்லில் கடந்த 10 மாதத்தில் 1648 கிலோ பிளாஸ்டிக் பறிமுதல் செய்யப்பட்டு 81 கடைகளுக்கு சீல் வைக்கப்பட்டுள்ளது. இதுபோல் 3328 கிலோ குட்கா பறிமுதல் செய்யப்பட்டு ரூ.1.52 கோடி அபராதம் விதிக்கப்பட்டுள்ளது. பொதுமக்கள் எப்போது வேண்டுமானாலும் 94440 42322 எண்ணில் உணவு சம்பந்தபட்ட பிரச்னைகள் குறித்து புகார் அளிக்கலாம் என உணவு பாதுகாப்புத் துறை அதிகாரி கலைவாணி தெரிவித்துள்ளார்.
News October 20, 2024
முதல்வர் கோப்பை கால்பந்து போட்டியில் திண்டுக்கல் முதலிடம்
முதல்வர் கோப்பைக்கான கால்பந்து போட்டி நேரு விளையாட்டு மைதானத்தில் அக்.12-அக்.18 வரை நடைபெற்றது. இப்போட்டியில் 38 அணிகள் பங்கேற்ற நிலையில், இறுதி போட்டியில் திண்டுக்கல் கல்லூரி அணி செங்கல்பட்டு அணியுடன் மோதியது. இரண்டு அணிகளும் சமநிலை பெற்ற நிலையில் குலுக்கல் முறையில் திண்டுக்கல் கல்லூரி அணி முதலிடத்தைப் பெற்று, ரூ.13 லட்சத்து 50 ஆயிரம் பரிசுத் தொகையை வென்றுள்ளது.
News October 19, 2024
தொழில்முனைவோருக்கு அரிய வாய்ப்பு
திண்டுக்கல்லை சேர்ந்த ஜவுளி தொழில்முனைவோர், தொழிலாளர்கள், ஜவுளித்துறை மற்றும் அதன் முயற்சிகள் பற்றிய கூடுதல் விவரங்களுக்கு மண்டல துணை இயக்குநர் அலுவலகம், துணிநூல் துறை, அறை எண். 502, ஐந்தாம் தளம், மாவட்ட ஆட்சியர் பெருந்திட்ட வளாகம், திருப்பூர் மாவட்டம் என்ற முகவரியில் நேரிலோ அல்லது தொலைபேசி எண்: 0421 – 2220095 வாயிலாக தொடர்புகொண்டு தெரிந்துகொள்ளலாம் என ஆட்சியர் பூங்கொடி தகவளித்துள்ளார்.
News October 19, 2024
நலத்திட்ட உதவிகள் பெற விண்ணப்பிக்கலாம்
திண்டுக்கல் மாவட்டத்தில்
சீர்மரபினர் நல வாரியத்தில் பதிவு பெற்ற உறுப்பினர்களுக்கான
நலத்திட்ட உதவிகள் கோரும் மனுக்கள் பெறுதல் மற்றும்
உறுப்பினர் சேர்க்கை முகாம் திண்டுக்கல் கிழக்கு வட்டாட்சியர் அலுவலகத்தில் 24.10.2024 அன்று 11 மணி முதல் 5 மணி வரை நடைபெறவுள்ளது. சீர்மரபினர் இனத்தை சார்ந்தவர்கள் மேற்படி முகாமில் கலந்துகொண்டு பயன்பெறலாம் என
மாவட்ட ஆட்சியர் பூங்கொடி தகவல் தெரிவித்துள்ளார்.
News October 19, 2024
தீபாவளி சீட்டு நடத்தி மோசடி: 2 பேர் கைது
நிலக்கோட்டை பஸ்ஸ்டாண்ட் அருகே மணிகண்டபிரபு, பிரேம்குமார் ஆகியோர் நகை அடகு கடை, தீபாவளி சீட்டு நடத்தி பலரிடம் 2021 – 2022ல் தீபாவளி சீட்டில், சீட்டு தொகையை வழங்காமல் தலைமறைவாகினர். இந்நிலையில் நேற்று நிலக்கோட்டை பஸ்ஸ்டாண்ட் அருகே இருவரும் இருப்பதை பார்த்த சிலர் பணத்தை கேட்டுள்ளனர். இருவரும் பணத்தை தர மறுக்கவே நிலக்கோட்டை போலீசில் புகார் அளித்ததில் பேரில் இருவரும் கைது செய்யப்பட்டனர்.
News October 19, 2024
திண்டுக்கல்லுக்கு துணை முதல்வர் வருகை
திண்டுக்கல்லுக்கு துணை முதல்வர் உதயநிதி ஸ்டாலின் அக்-20, 21 ஆகிய தேதிகளில் வருகை தர உள்ளார். இதையொட்டி நகரின் முக்கிய சாலைகளில் சுத்தப்படுத்துவது, கழிவுக் குழாய்களை தூர்வாருவது போன்ற பல்வேறு பணிகளில் நடைபெறுகிறது. மேலும், அரசு மருத்துவமனை டாக்டர்கள், நர்சுகள், பணியாளர்கள், மற்ற துறை அதிகாரிகள், அலுவலர்கள் அக்-20, 21 விடுப்பு எடுக்காது பணியில் இருக்க வாய்மொழியாக அறிவுறுத்தப்பட்டுள்ளது.
News October 19, 2024
பட்டாசுகள் வெடித்து ஒருவர் உயிரிழப்பு
திண்டுக்கல் மாவட்டம் வேடசந்தூர், சாலை தெரு பகுதியை சேர்ந்த சாகுல்ஹமீது (48). இவர் வீட்டில் புகை பிடிக்கும் போது எதிர்பாராத விதமாக வீட்டில் இருந்த பட்டாசுகள் வெடித்து சம்பவ இடத்திலேயே பலியானார். தகவல் அறிந்து சம்பவ இடத்திற்கு விரைந்து சென்ற வேடசந்தூர் போலீசார் சாகுல்ஹமீதின் உடலை கைப்பற்றி பிரேத பரிசோதனைக்காக வேடசந்தூர் அரசு மருத்துவமனைக்கு அனுப்பி வைத்து விசாரணை மேற்கொண்டு வருகின்றனர்.
News October 19, 2024
திண்டுக்கல் மாவட்ட ஆட்சியர் அறிவிப்பு
திண்டுக்கல் மாவட்டம் ஆதிதிராவிடர் மற்றும் பழங்குடியினர் சமூக பொருளாதார மேம்பாட்டுக்கான தொழில் முனைவுத் திட்டத்தின் கீழ் விண்ணப்பித்து மானியக்கடன் பெற தாட்கோ மூலம் விண்ணப்பிக்கலாம். இத்திட்டத்தின்கீழ் விண்ணப்பித்து பயன்பெற http://newscheme.tahdco.com என்ற தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகம் (தாட்கோ) இணையதளத்தில் CM ARISE திட்டத்தின் கீழ் பதிவு செய்து பயன்பெறலாம்.
News October 18, 2024
திண்டுக்கல் இன்றைய இரவு ரோந்து காவலர்கள்
திண்டுக்கல்லில் இன்று இரவு 11.00 மணி முதல், நாளை காலை 6.00 மணி வரை ஆனந்தராஜ், DSP, AR, திண்டுக்கல் & மதுமதி DSP, கொடைக்கானல் S/D தலைமையில் காவல் அதிகாரிகள் நிலக்கோட்டை, பழனி, ஒட்டன்சத்திரம், கொடைக்கானல், வேடசந்தூர் மற்றும் அதனைச் சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தெரிவித்துள்ளது.
Featured News
Sorry, no posts matched your criteria.