• Download our app

Dindigul

News October 23, 2024

பழனியில் ஒரே குடும்பத்தை சேர்ந்த 3 பேர் தற்கொலை

image

பழனியில் உள்ள கான்வென்ட் ரோட்டில் எலக்ட்ரிக் கடை நடத்தி வந்தவர் இளங்குமரன். இவரது மனைவி ரேணுகா தேவி ஒரு பள்ளியில் ஆசிரியையாக பணி புரிந்து வந்துள்ளார். இந்த தம்பதிக்கு பிளஸ் 2 படிக்கும் ஒரு மகளும் உள்ளார். இந்நிலையில் இன்று தாய் மற்றும் மகள் கழுத்து அறுபட்ட நிலையிலும், தந்தை தூக்கிட்ட நிலையிலும் சடலமாக மீட்கப்பட்டுள்ளனர். தகவல் அறிந்து வந்த போலீசார் தடயங்களை சேகரித்து விசாரணை நடத்தி வருகின்றனர்.

News October 23, 2024

அமலாக்கத்துறை அதிகாரி வழக்கில் நீதிமன்றம் அனுமதி

image

திண்டுக்கல்லில் லஞ்சம் வாங்கிய புகாரில் கைது செய்யப்பட்டு, தற்போது பிணையில் வெளியில் இருக்கும் அமலாக்கத்துறை அதிகாரி அங்கீத் திவாரி வழக்கின் விசாரணை இன்று உச்ச நீதிமன்றத்தில் சூரியகாந்த் அமர்வில் நடந்தது. இடைக்காலமாக தனது சொந்த ஊருக்கு அங்கீத் சென்று திரும்ப உச்சநீதிமன்றம் அனுமதி வழங்கியுள்ளது. மீண்டும் 9ம் தேதி சம்பந்தப்பட்ட விசாரணை நீதிமன்றத்தில் ரிப்போர்ட் செய்ய வேண்டும் என்றும் கூறியுள்ளது.

News October 23, 2024

கொடைக்கானல் செல்லும் சாலையில் நிலச்சரிவு

image

கொடைக்கானல் மலைப்பகுதியில், கடந்த சில நாட்களாக தொடர்ந்து மிதமான மழை பெய்து வருகிறது. தொடர்ந்து பெய்து வரும் மழையின் காரணமாக மலைச்சாலைகளில் ஆங்காங்கே மரங்கள் சாய்ந்து மண்சரிவு ஏற்பட்டு வருகிறது. கொடைக்கானலில் இருந்து அடுக்கம் வழியாக பெரியகுளம் செல்லும் சாலையில் நிலச்சரிவு இன்று ஏற்பட்டுள்ளது. மேலும் நிலச்சரிவு ஏற்பட்டுள்ள சாலையில் பாறைகள், மண் கிடப்பதால் போக்குவரத்து முழுவதும் பாதிக்கப்பட்டுள்ளது.

News October 23, 2024

கொடைக்கானலில் பட்டமளிப்பு விழா

image

திண்டுக்கல் மாவட்டம் கொடைக்கானல் அட்டுவம்பட்டியில் உள்ள அன்னை தெரசா மகளிர் பல்கலைக்கழகத்தில் நடைபெறும் 31-வது பட்டமளிப்பு விழாவில் தமிழக ஆளுநர் R.N.ரவி தலைமையேற்று மாணவிகளுக்கு பட்டங்களை இன்று வழங்கினார். இவ்விழாவில் மொத்தம் 6,635 மாணவிகளுக்கு பட்டங்கள் வழங்கப்படுகின்றன. உடன் பல்கலைக்கழக துணைவேந்தர் கலா மற்றும் பலர் பங்கேற்றனர்.

News October 23, 2024

கொடைக்கானலில் ஒட்டப்பட்ட போஸ்டர் வைரல்

image

கொடைக்கானல் வந்த தமிழக ஆளுநர் R.N.ரவியின் கவனத்தை ஈர்க்கும் வ கையில் அவர் தங்கி இருந்த ஓட்டல் முன்புறம் மற்றும் அவர் பங்கேற்க சென்ற வழிகளில் பரபரப்பு போஸ்டர்கள் ஒட்டப்பட்டிருந்தன. நேற்று இரவு வரை இந்த போஸ்டர்கள் தெரியாத நிலையில் இன்று காலை பல்வேறு இடங்களில் கண்டறியப்பட்டதால் அதனை போலீசார் கிழித்து அப்புறப்படுத்தினர்.

News October 23, 2024

இரண்டு பேருந்து நேருக்கு நேர் மோதி விபத்து

image

திண்டுக்கல்- சிறுமலை புதூர் அருகே அரசு பேருந்தும், தனியார் பேருந்தும் நேருக்கு நேர் மோதி விபத்தில் சிக்கியது. இவ்விபத்தில் 10-க்கும் மேற்பட்டோர் காயமடைந்தனர். தகவல் அறிந்து சம்பவயிடத்திற்கு வந்ததிண்டுக்கல் தாலுகா காவல்துறையினர், காயமடைந்தவர்களை மீட்டு சிகிச்சைக்காக மருத்துவமனைக்கு அனுப்பி வைத்தனர். மேலும் விபத்து குறித்து விசாரணை மேற்கொண்டு வருகின்றனர்.

News October 22, 2024

வடகிழக்கு பருவமழை ஆட்சியர் முன்னெச்சரிக்கை

image

திண்டுக்கல் மாவட்டத்தில் எதிர் வரும் வடகிழக்கு பருவமழை காலத்தில் தோட்டக்கலைப் பயிர்களில் சேதம் ஏற்படாமல் இருக்க முன்னெச்சரிக்கை நடவடிக்கையாக விவசாயிகள் தங்கள் தோட்டங்களில் காய்ந்த மற்றும் பட்டுப்போன மரக்கிளைகளை உடனடியாக அகற்ற வேண்டும். எனவே பல்வேறு பாதுகாப்பு நடவடிக்கைகளை விவசாயிகள் மேற்கொண்டு பயிர்களை பாதுகாத்துக்கொள்ளலாம் என திண்டுக்கல் மாவட்ட ஆட்சித்தலைவர் பூங்கொடி தெரிவித்துள்ளார்.

News October 22, 2024

தமிழக ஆளுநருக்கு ஆட்சியர் வரவேற்பு!

image

திண்டுக்கல் மாவட்டம் கொடைக்கானல் அன்னை தெரசா மகளிர் பல்கலைக்கழகம் 31 வது பட்டமளிப்பு விழா நடைபெற இருக்கிறது. இந்நிலையில் தமிழக ஆளுநர் R.N.ரவி அவர்களை கொடைக்கானல் செல்லும் வழியில் நிலக்கோட்டை அருகே உள்ள அம்மையநாயக்கனூரில் திண்டுக்கல் மாவட்ட ஆட்சித்தலைவர் பூங்கொடி அவர்கள் சந்தித்து மலர்கொத்து கொடுத்து இன்று வரவேற்றார்.

News October 22, 2024

பட்டமளிப்பு விழாவில் கலந்துகொள்ள ஆளுநர் வருகை

image

கொடைக்கானல் அட்டுவம்பட்டியில் உள்ள அன்னை தெரேசா மகளிர் பல்கலைக்கழகத்தில் 31 ஆம் பட்டமளிப்பு விழா நாளை நடைபெற உள்ளது. இதில் தமிழக ஆளுநர் ஆர் என் ரவி மற்றும் உயர்கல்வித்துறை அமைச்சர் ஆகியோர் கலந்து கொண்டு பல்கலைகழக மாணவிகளுக்கு பட்டமளிக்க உள்ளனர். இந்த விழாவில் கலந்து கொள்வதற்காக இன்று மாலை தமிழக ஆளுநர் வருகையொட்டி பாதுகாப்பு பணிகள் தீவிரப்படுத்தப்பட்டுள்ளது.

News October 22, 2024

திண்டுக்கல் மாவட்டத்திற்கு மழை

image

திண்டுக்கல் மாவட்டத்தில் கடந்த 2 நாள்களாக மழை பெய்து வருகிறது. இதனால், அப்பகுதியில் உள்ள சாலைகளில் மழை நீர் தேங்கி நிற்கிறது. இந்நிலையில் இன்று பிற்பகல் 1 மணி வரை மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. உங்க பகுதியில் மழை பெய்கிறதா என்பதை கமெண்டில் சொல்லுங்க

Featured News

Sorry, no posts matched your criteria.

↑