India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dindigul
News March 27, 2024
திண்டுக்கல்: தேர்தலை புறக்கணிக்கும் மக்கள்
வேடசந்தூர் தாலுகா அய்யலூர் பேரூராட்சிக்கு உட்பட்ட மலை கிராமமான 14வது வார்டு சுமார் 50க்கும் மேற்பட்ட குடும்பங்கள் வசித்து வருகின்றனர். தங்களுக்கு முறையான சாலை வசதி குடிநீர் வசதி இல்லாததால் நாங்கள் இந்த தேர்தலை புறக்கணிப்பதாக பேனர் வைத்தும் கருப்பு கொடி வைத்துள்ளனர். இதை பார்த்த அரசியல் கட்சி பிரமுகர்கள் அப்பகுதி மக்களை சந்தித்து பேச்சுவார்த்தை நடத்தவில்லை என குற்றச்சாட்டு எழுந்துள்ளது.
News March 27, 2024
திண்டுக்கல்லில் 26 பேர் வேட்புமனு தாக்கல்
2024 மக்களவை தேர்தலில் போட்டியிட விரும்புவோர் வேட்புமனு அளிக்க இன்றோடு முடிவடைந்தது. இந்நிலையில், திண்டுக்கல் தொகுதிக்கு 35 வேட்புமனுக்கள் பெறப்பட்டுள்ளன. அதில் இதுவரை அனைத்து கட்சியினர் மற்றும் சுயேட்சை வேட்பாளர்கள் என 26 வேட்பாளர்கள் மாவட்ட தேர்தல் நடத்தும் அலுவலர் பூங்கொடியிடம் மனு தாக்கல் செய்துள்ளனர்.
News March 27, 2024
திண்டுக்கல்: பெண் காட்டெருமை பலி
கொடைக்கானல் கீழ் பூமி நான்காவது குறுக்கு சாலை அருகே உள்ள வனப்பகுதியில் முகாமிட்ட இரண்டு காட்டெருமைகள் ஒன்றோடு ஒன்று சண்டையிட்டு கொண்டதாக கூறப்படுகிறது,
இதில் சுமார் 5 வயதுள்ள பெண் காட்டெருமை பலத்த காயமடைந்து சம்பவ இடத்திலேயே பலியானது. சம்பவ இடத்திற்கு சென்ற வனத்துறையினர் விசாரணை மேற்கொண்டு இறந்து கிடந்த காட்டெருமையை மீட்டு உடற்கூறு ஆய்வு செய்து புதைத்தனர்.
News March 27, 2024
திண்டுக்கல்: அன்னபூரனி மகளிர் சமையல் போட்டி
திண்டுக்கல் மாவட்டம் ரவுண்டு ரோட்டில் அமைந்துள்ள நாயுடு கல்யாண மஹாலில் மகளிருக்கான சமையல் போட்டி வருகிற (மார்ச்30)ந்தேதி நடைபெறுகிறது . இதற்கு அனுமதி இலவசம். இப்போட்டிக்கு தீர்ப்பாளராக CHEF.தாமோதரன் அவர்கள் வருகை தருகிறார். பாட்டி சமையல் என்ற தலைப்பில் இப்போட்டியானது நடைபெறுகிறது. இப்போட்டியில் பங்குபெற விரும்புகிறவர்கள் விண்ணப்படிவத்தினை பூர்த்தி செய்து அனுப்ப வேண்டும்
News March 27, 2024
திண்டுக்கல்: இந்து எழுச்சி பேரவை வேட்புமனு
வருகின்ற 2024 பாராளுமன்ற தேர்தலில் திண்டுக்கல் பாராளுமன்ற தொகுதியில் போட்டியிட
இந்து எழுச்சி பேரவை சார்பில் சதீஷ் கண்ணா என்பவர் திண்டுக்கல் மாவட்ட ஆட்சியர் அலுவலகம் இன்று வருகை புரிந்தார். பின்னர் மாவட்ட தேர்தல் நடத்தும் அலுவலர் மற்றும் மாவட்ட ஆட்சியர் பூங்கொடியிடம் தனது வேட்பு மனுவை வழங்கினார். உடன் நிர்வாகிகள் பலர் இருந்தனர்.
News March 27, 2024
திண்டுக்கல்: போக்குவரத்து நெரிசல்
திண்டுக்கல் மாவட்டம் பூமாரக்கெட் பின்புறம் மருத்துவமனை செல்லும் சாலையில் இன்று இருசக்கர வாகனங்கள் சாலையில் அத்துமீறி நிறுத்தப்பட்டதால் போக்குவரத்து நெரிசல் ஏற்படுகிறது. இவ்வழியாக நாள் தோறும் கனரக வாகனங்கள் பஸ்கள் போன்றவை செல்லும். இச்சாலையில் அடிக்கடி இதுபோன்று இருசக்கர வாகனங்கள் நிறுத்தப்படுவதால் போக்குவரத்து நெரிசல் ஏற்படுவதாக பொதுமக்கள் வேதனை தெரிவிக்கின்றனர்
News March 27, 2024
திண்டுக்கல் மாவட்ட ஆட்சியர் தகவல்
திண்டுக்கல் ஆட்சியர் அலுவலகத்தில் தரைதளத்தில் தேர்தல் கட்டுப்பாட்டு அறை மணிநேரமும் செயல்படும் வகையில் தொலைபேசி எண்கள் செயல்பட்டு வருகின்றன. மாவட்ட ஆட்சியர் அலுவலகத்தில் உள்ள தேர்தல் கட்டுப்பாட்டு அறையை, 1800 599 4785 என்ற கட்டணமில்லா தொலைபேசி எண் மற்றும் 0451- 2400162, 0451-2400163, 0451-2400164 எண்களில் தொடர்புகொண்டு தேர்தல் புகார்களை தெரிவிக்கலாம் என மாவட்ட ஆட்சியர் அறிவித்துள்ளார்
News March 27, 2024
பழனியில் ரஜினிகாந்த் மகள் சுவாமி தரிசனம்
பழனி தண்டாயுதபாணி சுவாமி திருக்கோவிலுக்கு இன்று பிரபல திரைப்பட தயாரிப்பாளர் மற்றும் ரஜினிகாந்த் மகள் ஐஸ்வர்யா வருகை தந்தார்.
ரோப்கார் மூலமாக சென்ற அவர் முருகப்பெருமானை தரிசனம் செய்தார். பின்னர் போகர் சமாதியில் வழிபட்டு விட்டு மலை அடிவாரத்திற்கு வந்து திருஆவினன்குடி கோவிலிலும் சாமிதரிசனம் செய்தார். இதனை அறிந்த அப்பகுதியில் ஏராளமான பக்தர்கள் மற்றும் பொதுமக்கள் புகைப்படம் எடுத்து மகிழ்ந்தனர்.
News March 26, 2024
திண்டுக்கல் ஆட்சியர் தகவல்
திண்டுக்கல் மாவட்டத்தில் தொடக்க கல்வி பட்டய தேர்வு எழுத விரும்பும் தனி தேர்வர்கள் மாவட்ட ஆசிரியர் கல்வி, பயிற்சி நிறுவனத்தின் வாயிலாக விண்ணப்பிக்கலாம். இத்தேர்விற்கு விண்ணப்பிக்க விரும்பும் திண்டுக்கல் மாவட்டத்தைச் சேர்ந்த தேர்வர்கள் ஒட்டன்சத்திரம் மாவட்ட ஆசிரியர் கல்வி மற்றும் பயிற்சி நிறுவனத்தின் (DIET) மூலம் இணைய வாயிலாக விண்ணப்பித்து பயன்பெறலாம் என மாவட்ட ஆட்சியர் பூங்கொடி தெரிவித்துள்ளார்.
News March 26, 2024
திண்டுக்கல்: போக்சோ வழக்கில் 25 ஆண்டுகள் சிறை
நத்தம் காவல் நிலைய எல்லைக்கு உட்பட்ட பகுதியைச் சேர்ந்த சிறுமியை கடந்த 2022ஆம் ஆண்டு ஆசை வார்த்தை கூறி கடத்தி சென்று, திருமணம் செய்து பாலியல் வன்புணர்வு செய்ததாக அர்ஜுனன் என்பவரை நத்தம் போலீசார் போக்சோ சட்டத்தில் கைது செய்து சிறையில் அடைத்தனர். இவ்வழக்கை விசாரித்த திண்டுக்கல் நீதிமன்றம் இன்று அர்ஜுனன் என்பவருக்கு 25 ஆண்டுகள் சிறை தண்டனை மற்றும் 3 ஆயிரம் அபராதம் விதித்து உத்தரவிட்டது.
Featured News
Sorry, no posts matched your criteria.