India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dharmapuri
News October 8, 2024
தமிழ்தெய்வ வழிபாடு குறித்து தாமஸ் கோ.சரவணன் உரை
தருமபுரி மாவட்டத்தில் தகடூர் புத்தகப் பேரவை நடத்தும் 6 ஆம் ஆண்டு புத்தகத் திருவிழாவானது சிறப்பாக நடைபெற்று வருகிறது. இதில் நேற்று மாலை தமிழ்ச்சங்கு தாமஸ் கோ. சரவணன் தமிழ்த் தெய்வ வழிபாடு குறித்து உரையாற்றினார். அதை தொடர்ந்து தகடூர் வள்ளல் அதியமான், மாணிக்கவாசகர், தமிழின் சிறப்புகள் மற்றும் தகடூர் பெருமைகள் குறித்து உரையாற்றினார். இதில் தருமபுரியை சேர்ந்த ஏராளமானனோர் பங்கேற்றனர்.
News October 8, 2024
அரசு அங்காடியில் ரூ. 9.38 லட்சத்திற்கு விற்பனை
தர்மபுரி 4 ரோடு பகுதியில் செயல்பட்டு வரும் அரசு பட்டுக்கூடு ஏல அங்காடியில் நேற்று பல்வேறு பகுதிகளில் இருந்து விவசாயிகள் 2210 கிலோ பட்டுக்கூடுகளை விற்பனைக்கு கொண்டு வந்தனர். அதிகபட்சமாக 1 கிலோ 607 ரூபாய்க்கும், சராசரியாக கிலோ 424.75 ரூபாய்க்கும், குறைந்தபட்சமாக கிலோ 271 ரூபாய்க்கும் விற்பனையானது. மேலும், நேற்று ரூ. 9,38, 859 ரூபாய்க்கு பட்டுக்கூடுகள் விற்பனையானதாக அலுவலர்கள் தெரிவித்தனர்.
News October 8, 2024
தற்காலிக பட்டாசு கடைக்கான விண்ணப்பம் தொடக்கம்.
தீபாவளி பண்டிகையை முன்னிட்டு தர்மபுரியில் தற்காலிக பட்டாசு கடை அமைக்க விரும்புவோர் வெடிபொருள் சட்டம் 1884 மற்றும் வெடிபொருள் விதிகள் 2008-ன் படி விதி என் 84இன் கீழ் விண்ணப்பிக்கலாம். விண்ணப்பதாரர்கள்: https://www.tnesevai.tn.gov.in எனும் இணையதளம் அல்லது இ-சேவை மையங்கள் வழியாக விண்ணப்பத்தை 19.10.2024க்குள் சமர்ப்பிக்க வேண்டும் என மாவட்ட நிர்வாகம் அறிவிப்பு.
News October 8, 2024
அரூரில் தீயணைப்புத் துறையினர் தயார்
அரூர் வட்டம் தீயணைப்பு நிலையத்தில் நேற்று(அக்.7) இவ்வாண்டில் எதிர்வரும் வடகிழக்கு பருவ மழையின் தாக்கங்கள் மற்றும் தீபாவளி பண்டிகை காலங்களில் ஏற்படும் இன்னல்களை எதிர்கொள்ள அரூர் தீயணைப்பு நிலைய அலுவலர் கே.காமராஜ் தலைமையில் போதிய பணியாளர்கள், பாதுகாப்பு கருவிகள், தீயணைப்பு ஊர்திகள் தயாரென தெரிவித்தனர்.
News October 8, 2024
திமுக கொடி கம்ப கல்வெட்டு சேதம்
காரிமங்கலத்தில் நேற்று 60அடி உயர திமுக கொடி கம்ப கல்வெட்டை மர்ம நபர்கள் சேதப்படுத்தியதால் திமுகவினர் போலீசாரிடம் புகார் அளித்தனர். ஒரு ஆண்டுக்கு முன்பு தற்போதைய துணை முதல்வர் உதயநிதி ஸ்டாலின் கொடியேற்றி வைத்து கல்வெட்டை திறந்து வைத்தார். இதுகுறித்து நகர செயலாளர் சீனிவாசன் பேரூராட்சி சேர்மன் பி சிஆர் மனோகரன் உள்ளிட்ட நிர்வாகிகள் உரிய நடவடிக்கை எடுக்க போலீசாரிடம் புகார் அளித்தனர்.
News October 7, 2024
தர்மபுரி ஆட்சியர் அலுவலகத்தில் மக்கள் குறை தீர்க்கும் கூட்டம்
தருமபுரி மாவட்ட ஆட்சியர் அலுவலக கூடுதல் கூட்டரங்கில் நடைபெற்ற மக்கள் குறைதீர்க்கும் நாள் கூட்டத்தில் மகளிர் சுயஉதவிக்குழுக்களுக்கு அதிக அளவில் கடன் வழங்கியதில் மாவட்ட அளவில் சிறப்பிடம் பெற்றமைக்காக வங்கிகள் மற்றும் வங்கி கிளை மேலாளர்களுக்கு பரிசுத்தொகைகள், கேடயங்கள் மற்றும் பாராட்டு சான்றிதழ்களை மாவட்ட ஆட்சித்தலைவர் கி.சாந்தி உடன் அரசு அதிகாரிகள் இருந்தனர்.
News October 6, 2024
தர்மபுரியில் வேலைவாய்ப்பு அறிவிப்பு
தர்மபுரி மாவட்ட காலநிலை மாற்ற இயக்க அலகிற்கு1 தொழில்நுட்ப களஅலுவலர்1 வருடத்திற்கு ஒப்பந்த அடிப்படையில் வேலைவாய்ப்பு விண்ணப்பங்கள் வரவேற்கபடுகிறது.ஏதேனும் ஒரு பாடப்பிரிவில் பட்டப்படிப்பு(ம)ஆங்கிலம்(ம) தமிழில் தட்டச்சு முடித்திருக்க வேண்டும். (அக்- 14) க்குள் விருப்பமானவர்கள் விண்ணப்பம் அனுப்பவேண்டிய முகவரி: தர்மபுரி வனக்கோட்டம்,மாவட்ட ஆட்சியர் அலுவலகபின்புறம்- 636705, தொலைப்பேசி எண்:04342-230003
News October 6, 2024
ராபி பருவ பயிர்களுக்கு காப்பீடு செய்ய அழைப்பு
தர்மபுரி மாவட்ட வேளாண் இணை இயக்குனர் குணசேகரன் நேற்று வெளியிட்டுள்ள அறிக்கையில், பிரதம மந்திரியின் பயிர் காப்பீடு திட்டத்தின் கீழ் நடப்பாண்டு ராபி பருவத்தில் நெல் 2, ராகி மக்காச்சோளம், நிலக்கடலை, கரும்பு அறிவிக்கை செய்யப்பட்டுள்ளது. விவசாயிகள் இந்த பயிர்களுக்கு வேளாண் கூட்டுறவு கடன் சங்கங்கள் மற்றும் இ-சேவை மையங்கள் மூலமாக காப்பீடு செய்து மகசூல் இழப்பு ஏற்படாமல் தவிர்க்கலாம் என தெரிவித்துள்ளார்.
News October 5, 2024
தர்மபுரி அருகே விபத்து; சம்பவ இடத்தில் மரணம்
வெங்கட சமுத்திரம் பகுதியை சேர்ந்தவர் மாரப்பன்,60.கூலி தொழிலாளி. இவர் நேற்று காலை புரட்டாசி நடு சனிக்கிழமை யொட்டி சின்ன திருப்பதி கோவிலுக்கு சென்றார். அங்கு சாமி கும்பிட்டு விட்டு அங்கிருந்து தனது பைக்கில் சொந்த ஊருக்கு திரும்பி வந்து கொண்டிருந்தார். பாப்பிரெட்டிப்பட்டி ரோட்டில் ஆண்டாள் நகர் அருகே செல்லும்பொழுது மாரப்பனின் பைக் புளியமரத்தில் மோதியது. இதில் சம்பவ இடத்திலேயே உயிரிழந்தார்.
News October 5, 2024
ஒகேனக்கலில் நீர்வரத்து அதிகரிப்பு
காவிரி நீர்ப்பிடிப்பு பகுதிகளில் பெய்து வரும் கனமழையால் ஒகேனக்கலுக்கு நீர்வரத்து 10,000 கன அடியாக அதிகரிக்கப்பட்டது. நேற்று மாலை 8,000 கன அடியாக இருந்த நீர்வரத்து, இன்று 10,000 கன அடியாக அதிகரித்துள்ளது. நீர்வரத்து அதிகரிப்பால் மெயின் அருவி, ஐந்தருவி, சினி ஃபால்ஸ் உள்ளிட்ட அருவிகளில் தண்ணீர் ஆர்ப்பரித்துக் கொட்டுகிறது.
Featured News
Sorry, no posts matched your criteria.