India's largestHyperlocal short
news App
Get daily news updates that are tailored for you based on your preferred language & location.
download Way2News app now
Cuddalore
News March 27, 2024
தேர்தல்: திருமாவளவன் வேட்புமனு தாக்கல்
சிதம்பரம் (தனி) மக்களவைத் தொகுதியில் இண்டி கூட்டணி சார்பில் போட்டியிடும் விசிக வேட்பாளர் தொல்.திருமாவளவன் இன்று (மார்ச் 27) தனது வேட்புமனுவை தலைமைத் தேர்தல் அலுவலரிடம் தாக்கல் செய்தார். அப்போது அவருடன் அமைச்சர்கள் எம்.ஆர்.கே.பன்னீர்செல்வம், சிவசங்கர் ஆகியோர் உடனிருந்தனர். மார்ச் 20ஆம் தேதி தொடங்கிய வேட்புமனு தாக்கல் இன்றுடன் (மார்ச் 27) நிறைவடைகிறது.
News March 27, 2024
சிறை காவலர்கள் 3 பேர் சஸ்பெண்ட்!
கடலூர் மத்திய சிறையில் தண்டனை கைதியாக இருந்த கள்ளக்குறிச்சி மாவட்டத்தை சேர்ந்த விநாயகமூர்த்தி என்பவருக்கு திடீரென நெஞ்சுவலி ஏற்பட்ட நிலையில் கடலூர் அரசு மருத்துவமனையில் சிகிச்சை பெற்று வந்தபோது, போலீஸ் காவலை மீறி நேற்று முன்தினம் தப்பி ஓடினார். இது தொடர்பாக பாதுகாப்பில் அஜாக்கிரதையாக இருந்த சிறை காவலர்கள் கதிர்வேல், பிரபாகரன், கோவர்தன் ஆகியோரை சஸ்பெண்ட் செய்து சிறை கண்காணிப்பாளர் உத்தரவிட்டார்.
News March 27, 2024
‘பீதி’யில் கடலூர் துறைமுகம் பகுதி மக்கள்!
கடலூர் துறைமுகம் பகுதியில் தெருநாய்கள் அதிகமாக உள்ளது. அது மட்டுமல்லாமல் அந்த நாய்களுக்கு கழுத்து பகுதியில் காயம்போல் (நோய்) ஏற்பட்டு, தான் என்ன செய்கிறோம் என்று அறியாமல் திறந்த வீடு, கோவில், பள்ளிவாசல் மற்றும் குழந்தைகள் பள்ளி என அனைத்து இடங்களிலும் அந்த நாய்கள் சென்று நுழைந்து விடுகிறது. இதனால் தொற்றுநோய் பரவும் அபாயம் உள்ளதால் அப்பகுதியினர் பீதி அடைந்துள்ளனர்.
News March 27, 2024
கடலூர் ஆட்சியர் முக்கிய அறிவிப்பு
லோக்சபா தேர்தல் வேட்பு மனு தாக்கல் கடந்த 20ம் தேதி துவங்கியது. இந்த நிலையில் கடலூரில் இன்று வரை பா.ம.க – தங்கர்பச்சான், தேமுதிக – சிவக்கொழுந்து, நா.த.க – மணிவாசகன் , பகுஜன் சமாஜ் கட்சி – தணிகைசெல்வன் , சுயேட்சையாக ராசமோகன் , பாலாஜி, காங்கிரஸ் வேட்பாளர் விஷ்ணு பிரசாத் உட்பட 10 பேர் கடலூர் ஆட்சியர் அலுவலகத்தில் வேட்புமனு தாக்கல் செய்துள்ளதாக கடலூர் ஆட்சியர் அருண் தம்புராஜ் நேற்று தெரிவித்தார்.
News March 26, 2024
கடலூர்: பாமக நிர்வாகிகள் ஆலோசனை கூட்டம்
கடலூர் நாடாளுமன்ற தொகுதி கடலூர் கிழக்கு மாவட்ட பாட்டாளி மக்கள் கட்சியின் நிர்வாகிகள் ஆலோசனைக் கூட்டம் கடலூரில் இன்று நடைபெற்றது. பாட்டாளி மக்கள் கட்சியின் கடலூர் மாவட்ட செயலாளர் வழக்கறிஞர் சண் முத்துகிருஷ்ணன் தலைமையில் நடைபெற்ற இந்த கூட்டத்தில் பாட்டாளி மக்கள் கட்சியின் நிர்வாகிகள், பொறுப்பாளர்கள் மற்றும் தொண்டர்கள் கலந்து கொண்டனர்.
News March 26, 2024
கடலூரில் இன்று இரவு ரோந்துப் பணி
கடலூர் மாவட்டத்தில் தினமும் இரவு ரோந்து பணி மேற்கொள்ளப்பட்டு வருகிறது. அந்த வகையில் இன்று இரவு கடலூர் காவல் ஆய்வாளர் ரேவதி, சிதம்பரம் காவல் ஆய்வாளர் கலையரசன், விருத்தாச்சலம் உதவி ஆய்வாளர் கோவிந்தசாமி, நெய்வேலி காவல் ஆய்வாளர் பிருந்தா மற்றும் திட்டக்குடியில் உதவி ஆய்வாளர் பாக்கியராஜ் ஆகியோர் ரோந்து பணி மேற்கொள்ள உள்ளதாக கடலூர் மாவட்ட காவல்துறை சார்பில் தெரிவிக்கப்பட்டுள்ளது.
News March 26, 2024
கடலூர் ஒழுங்குமுறை கூடத்தில் வரத்து நிலவரம்
கடலூர், முதுநகர் ஒழுங்குமுறை விற்பனை கூடத்தில் தினந்தோறும் மார்க்கெட் நிலவரம் அறிவிப்பு மாறுபட்டு வருகிறது. இந்நிலையில் இன்று (26/03/2024) எள் வரத்து 0.56 மூட்டை, மணிலா வரத்து 77.45 மூட்டை வந்துள்ளது. இது மட்டுமல்லாமல் வேறு எந்த இடு பொருட்களும் கடலூர் ஒழுங்குமுறை விற்பனை கூடத்திற்கு இன்று விற்பனைக்கு வரவில்லை.
News March 26, 2024
கடலூரில் இலவச எலும்பியல் மருத்துவ முகாம்
கடலூர் சூரியா ஆர்த்தோ கிளினிக் நடத்தும் இலவச எலும்பியல் மருத்துவ முகாம் வரும் 31-ம் தேதி வரை, கடலூர் முதுநகர் அருகே உள்ள சூரியா ஆர்த்தோ கிளினிக்கில் மாலை 4 மணி முதல் இரவு 9 மணி வரை (மகேந்திரா கார் ஷோரூம் எதிரில்) நடைபெறுகிறது. முகாமில், எலும்பு முறிவு, கால் மூட்டு வலி, நீண்ட நாள் கழுத்து வலி உள்ளிட்ட பல பிரச்சனைகளுக்கு மருத்துவ ஆலோசனை வழங்குவதுடன் மருந்துகளும் இலவசமாக வழங்கப்படுகிறது.
News March 26, 2024
கடலூரில் எடப்பாடி 30 ஆம் தேதி பிரச்சாரம்!
அதிமுக பொதுச்செயலாளர் மற்றும் தமிழக எதிர்கட்சித் தலைவர் எடப்பாடி பழனிச்சாமி நாடாளுமன்ற தேர்தலை முன்னிட்டு, அதிமுக கூட்டணியில் உள்ள தேசிய முற்போக்கு திராவிட கழக வேட்பாளர் சிவக்கொழுந்துவிற்கு ஆதரவாக வருகின்ற 30 ஆம் தேதி மாலை 6 மணிக்கு கடலூர், மஞ்சக்குப்பம் மைதானத்தில் தேர்தல் பிரச்சாரம் மேற்கொள்ள உள்ளார்.
News March 26, 2024
கடலூர் 10ம் வகுப்பு பொது தேர்வு கலெக்டர் ஆய்வு
கடலூர் மாவட்டத்தில் எஸ்எஸ்எல்சி பொதுத் தேர்வு இன்று தொடங்கியது. இந்த தேர்வை கடலூர் மாவட்டத்தில் 438 பள்ளிகளில் பயிலும் 17,194 மாணவர்கள், 15,778 மாணவிகள் என மொத்தம் 32,972 பேர் தேர்வு எழுதுகின்றனர்.இதற்காக மொத்தம் 152 தேர்வு மையங்கள் அமைக்கப்பட்டுள்ளன. மேலும் 1,957 தனித் தேர்வர்கள் 7 மையங்களில் தேர்வு எழுதுகின்றனர். இதில் கடலூர் மஞ்சகுப்பம் அரசு பள்ளியில் கலெக்டர் அருண் தம்புராஜ் பார்வையிட்டார்.
Featured News
Sorry, no posts matched your criteria.