India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News November 16, 2024
கோவை: தென்னை மரங்களுக்கு காப்பீடு செய்ய அழைப்பு
வெள்ளம், வறட்சி உள்ளிட்ட இயற்கை பேரிடர்களால் ஏற்படும் இழப்புகளுக்கு தென்னை மரங்களுக்கு காப்பீடு செய்யலாம். தென்னைமர காப்பீட்டு திட்டத்தின்கீழ், விவசாயிகள் செலுத்தும் பிரீமியத்தில் 50% மாநில அரசு வழங்கி விடும். மேலும் விவரங்களுக்கு தோட்டக்கலை உதவி இயக்குநரை அணுகலாம். காப்பீடு நிறுவனத்தை 9843007436 என்ற எண்ணில் தொடர்பு கொள்ளலாம். கோவை மாவட்ட தோட்டக்கலை துணை இயக்குநர் சித்தார்த்தன் தெரிவித்துள்ளார்.
News November 15, 2024
ஈசா வுக்கு எதிராக ஆர்ப்பாட்டம் நடத்த திட்டம்
இந்திய மாதர் தேசிய சம்மேளனம் தமிழ்நாடு மாநில குழு சார்பாக, மர்ம தேசமாக விளங்கும் கோவை ஈஷா அறக்கட்டளை ஆசிரமத்தில் நடப்பது என்ன எனவும், நீதிமன்ற கண்காணிப்பில் சிறப்பு விசாரணை நடத்த வேண்டும் என்றும், ஈசா மீது பதியப்பட்டுள்ள வழக்குகள், கைவிடப்பட்ட வழக்குகள் அனைத்தையும் மறு விசாரணை நடத்த வேண்டும் என்ற கோரிக்கைகளை முன்வைத்து வரும் 23ம் தேதி கோவையில் கண்டன ஆர்ப்பாட்டம் நடத்துவதாக இன்று திட்டமிட்டனர்.
News November 15, 2024
கோவைக்கு வருகின்றது புதிய தீயணைப்பு நிலையம்
தமிழக அரசு தமிழத்தில் கோவை உட்பட 7 இடங்களில் புதிய தீயணைப்பு நிலையங்கள் அமைக்க அரசாணையை இன்று வெளியிட்டது. அதிலு கோவை மாவட்டத்திற்க்கு உட்பட்ட கருமத்தம்பட்டி பகுதியில் புதிய தீயணைப்பு நிலையம் உருவாக உள்ளது. இதில் ஒரு தீயணைப்பு அலுவலர் உள்பட 17 பணியிடங்களை உருவாக்கவும், தளவாடப் பொருட்கள் வாங்கவும் உத்தரவிட்டுள்ளது தமிழக அரசு என்பது குறிப்பிடத்தக்கது.
News November 15, 2024
கோவை கோ – ஆப்டெக்ஸில் மெகா தள்ளுபடி
கோவை கோ-ஆப்டெக்ஸ் நிறுவனத்தின் மெகா கிளியரன்ஸ் விற்பனை, கோவை மருதம் விற்பனை நிலையத்தில் வரும் 30ஆம் தேதி வரை நடக்கிறது. இதில் பட்டுப்புடவைகள், பருத்தி சேலைகள், மென்பட்டு, காட்டன், இயற்கை பருத்தி காட்டன், காஞ்சி காட்டன், பரமக்குடி காட்டன் உள்ளிட்ட பல்வேறு ரகங்களுக்கு 70% வரை தள்ளுபடி கிடைக்கிறது. இதனை பயன்படுத்த முதுநிலை மண்டல மேலாளர் அம்சவேணி அழைப்பு விடுத்துள்ளார். தொடர்புக்கு : 99448 45919.
News November 15, 2024
கோவை: 18 தாபாக்கள், ரெஸ்டாரண்டுகளுக்கு சீல்
கடந்த சில நாட்களுக்கு முன்னர் கோவை எஸ்பி கார்த்திகேயன் உத்தரவின்பேரில் தாபாக்கள், ரெஸ்டாரெண்டுகளில் போலீசார் அதிரடி சோதனையில் ஈடுபட்டனர். அப்போது, மேட்டுப்பாளையம், கருமத்தம்பட்டி உட்கோட்ட காவல் எல்லைக்குட்பட்ட பகுதிகளில் 18 தாபாக்களில் மது விற்பனை செய்த தாபாக்கள், ரெஸ்டாரண்டுகளுக்கு சீல் வைக்க எஸ்பி உத்தரவிட்டார். அதன் பேரில் வருவாய் துறையினர், போலீசார் இணைந்து இன்று சீல் வைத்து வருகின்றனர்.
News November 15, 2024
காச்சிகுடா – கோட்டயம் இடையே சிறப்பு ரயில்
தெற்கு ரயில்வே சேலம் கோட்ட நிர்வாகம் நேற்று விடுத்த செய்தி குறிப்பில் காச்சிகுடா – கோட்டயம் வாராந்திர சிறப்பு ரயில் காச்சிகுடாவில் இருந்து கோவை வழியாக 21, 28ஆம் தேதிகளில் மாலை புறப்பட்டு மறுநாள் மாலை கோட்டயம் சென்றடையும். மறுமார்க்கத்தில் கோட்டயத்தில் இருந்து கோவை வழியாக இன்று, 22, 29ஆம் தேதி இரவு புறப்பட்டு மறுநாள் இரவு காச்சிகுடா சென்றடையும் என தெரிவிக்கப்பட்டுள்ளது.
News November 15, 2024
சமுதாய அமைப்பாளர் பணியிடம்: விண்ணப்பிக்கலாம்
கோவை கலெக்டர் கிராந்திகுமார் பாடி விடுத்த செய்தி குறிப்பில் தமிழ்நாடு நகர்ப்புற வாழ்வாதார இயக்கத்தின் கீழ் உள்ளாட்சிகளில் காலியாக உள்ள சமுதாய அமைப்பாளர்கள் தேர்வு செய்யப்பட உள்ளனர். தகுதிகள் உடையவர்கள் நவ.30க்குள் இணை இயக்குநர்/திட்ட இயக்குநர், தமிழ்நாடு மாநில ஊரக வாழ்வாதார இயக்கம், 2வது தளம், மாவட்ட ஆட்சியர் அலுவலக வளாகம், கோவை – 641018 என்ற முகவரிக்கு விண்ணப்பிக்கலாம் என தெரிவிக்கப்பட்டுள்ளது.
News November 15, 2024
மாற்று திறனாளிகள் அடையாள அட்டை பெற சிறப்பு முகாம்
கோவை கலெக்டர் கிராந்திகுமார் பாடி நேற்று விடுத்த செய்தி குறிப்பில் மாவட்டத்தில் அடையாள அட்டை பெறாத மாற்று திறனாளிகளுக்கு தேசிய தனித்துவ அடையாள அட்டை பெறுவதற்காக சிறப்பு முகாம் நடைபெற உள்ளது. இந்த முகாமில் மாற்று திறனாளிகள் தங்களது குடும்ப அட்டை, ஆதார் அட்டை, 4 பாஸ்போர்ட் அளவு புகைப்படத்துடன் கலந்து கொள்ளலாம். 0422 – 2380381 மற்றும் 9499933471 ஆகிய எண்களில் தொடர்பு கொள்ள அறிவுறுத்தப்பட்டுள்ளது.
News November 15, 2024
அர்ஜுன் சம்பத் மகன் கோவை சிறையில் அடைப்பு
நக்கீரன் ஆசிரியர் கோபாலுக்கு கொலை மிரட்டல் விடுத்து பேசிய வழக்கில் நேற்று முன்தினம் சென்னையில் கைது செய்யப்பட்ட இந்து மக்கள் கட்சியின் தலைவர் அர்ஜூன் சம்பத்தின் மகன், ஓம்கார் பாலாஜியை போலீசார் கோவைக்கு அழைத்து வந்து ஜே.எம்:3, கோர்ட்டில் நேற்று ஆஜர்படுத்தினர். அவரை, வரும் 28 வரை, நீதிமன்ற காவலில் வைக்க மாஜிஸ்திரேட் அருண்குமார் (பொறுப்பு) உத்தரவிட்டதை தொடர்ந்து, கோவை சிறையில் அடைக்கப்பட்டார்.
News November 15, 2024
கோவை: போதைப்பொருள் புழக்கம் குறைந்துள்ளது
கோவை மாவட்டத்தில் காணாமல் போன 252 செல்போன்களை கோவை மாவட்ட அலுவலகத்தில் கோவை மாவட்ட காவல் கண்காணிப்பாளர் கார்த்திகேயன் இன்று ஒப்படைத்தார். பின்னர் இதுகுறித்து அவர் பேசுகையில் கல்லூரி மாணவர்கள் தங்கும் விடுதிகளில் இரண்டு முறை சோதனை நடத்தப்பட்டதாக கூறிய அவர், காவல்துறையின் இந்த நடவடிக்கையால் கல்லூரி மாணவர்களிடையேயான போதைப்பொருள் புழக்கம் குறைந்துள்ளதாக கூறினார்.
Featured News
Sorry, no posts matched your criteria.