India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News June 16, 2024
கோவையில் 21ஆம் தேதிக்கு மழை பெய்ய வாய்ப்பு
கோவை இந்த வார வானிலை முன்னறிவிப்பை சென்னை வானிலை ஆய்வு மையம் வெளியிட்டுள்ளது. அதில், கோவையில் வரும் 21ம் தேதி வரை மழைக்கு வாய்ப்பு இல்லை. வெப்ப நிலை குறைந்தபட்சம் 24 டிகிரி செல்சியசில் இருந்து அதிகபட்சம் 35 டிகிரி வரை பதிவாகும். ஜூன் 22ம் தேதி ஒரு சில இடங்களில் லேசான மழைக்கு வாய்ப்பு, அன்றைய தினம் வெப்ப நிலை 24 டிகிரியில் இருந்து 34 டிகிரி வரை பதிவாக வாய்ப்பு என்று இன்று தெரிவித்துள்ளனர்
News June 16, 2024
கோவையில் மழைக்கு வாய்ப்பு
தென்மேற்கு மற்றும் அதனை ஒட்டிய மத்தியமேற்கு பகுதிகளின் மேல் ஒரு வளிமண்டல மேலடுக்கு சுழற்சி நிலவுகிறது. இதனால் அடுத்த 7 நாட்களுக்கு தமிழகத்தில் ஓரிரு இடங்களில் லேசானது முதல் மிதமான மழை பெய்யக்கூடும் என வானிலை ஆய்வு மையம் தெரிவித்திருந்தது. அதன்படி இன்று இரவு 7 மணி வரை கோவை மாவட்டத்தில் லேசான முதல் மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது.
News June 16, 2024
போத்தனூர் வழித்தடத்தில் சிறப்பு ரயில்
சேலம் ரயில்வே கோட்ட நிா்வாகம் நேற்று வெளியிட்டுள்ள செய்தி குறிப்பில் மங்களுரில் இருந்து ஜூன்.18, 25, ஜூலை.2 ஆகிய செவ்வாய்க்கிழமைகளில் இரவு 8 மணிக்கு புறப்படும் மங்களூரு – பாட்னா சிறப்பு ரயில் வெள்ளிக்கிழமைகளில் காலை 7 மணிக்கு பாட்னாவை சென்றடையும். இந்த ரயில் காசர்கோடு, கண்ணூர், போத்தனூர், காட்பாடி, விஜயவாடா, நாக்பூர் உள்ளிட்ட ரயில் நிலையங்களில் நின்று செல்லும் என அதில் குறிப்பிடப்பட்டுள்ளது.
News June 16, 2024
வேலை வாங்கி தருவதாக ரூ.6.10 லட்சம் மோசடி
கோவை செட்டிபாளையத்தை சோ்ந்த பெரியசாமி, வரதராஜபுரத்தை சேர்ந்த லோகநாதன், உப்பிலிபாளையத்தை சேர்ந்த சக்தி சரவணா உள்ளிட்ட மூவரிடம் வெள்ளலூரை சேர்ந்த சாந்தி என்பவர் சில மாதங்களுக்கு முன் அரசு வேலை வாங்கி தருவதாக கூறி ரூ.6.10 லட்சம் பணம் பெற்றுள்ளார். ஆனால், வேலை வாங்கி தரவில்லை, பணமும் கொடுக்கவில்லை. இதனையடுத்து மூவரும் போத்தனூர் காவல் நிலையத்தில் அளித்த புகாரின் பேரில் சாந்தி நேற்று கைது செய்யப்பட்டார்
News June 15, 2024
தமிழக முதல்வர் மேடையில் உரை
கோவை கொடிசியா மைதானத்தில் திமுக கூட்டணி கட்சிகள் நாடாளுமன்ற தேர்தல் வெற்றியை கொண்டாடும் விதமாக முப்பெரும் விழா முதலமைச்சர் ஸ்டாலின் தலைமையில் இன்று நடைபெற்றது. இதில், முதலமைச்சர் ஸ்டாலின் பேசியதாவது, பா.ஜ.க.வால் தனித்து அரசு அமைக்க முடியாத நிலையை நாம் உருவாக்கியுள்ளோம். இந்திய அரசியல் அமைப்பு சட்டத்தை மாற்ற நினைத்தவர்களை, அம்பேத்கர் கொடுத்த சட்டபுத்தகத்திற்கு முன் தலைகுனிய வைத்துள்ளோம் என்றார்.
News June 15, 2024
திமுகவின் 40 எம்.பி.க்களும் கருத்துகளால் சுடுவார்கள்
40 எம்.பி.க்களும் நாடாளுமன்ற கேண்டீனில் வடை சாப்பிடுவார்கள் என்று சொல்கின்றனர். வாயால் வடை சுடுவது எல்லாம் உங்களின் வேலை; திமுகவின் 40 எம்.பி.க்களும் கருத்துகளால் உங்களின் ஆணவங்களை சுடுவார்கள் என்று கோவை கொடீசியா வளாகத்தில் நடைபெற்ற திமுக முப்பெரும் விழாவில் முதல்வர் மு.க.ஸ்டாலின் கூறியுள்ளார். இதில் அமைச்சர்கள், எம்பிக்கள், எம்எல்ஏக்கள், கூட்டணி கட்சி தலைவர்கள் என திரளாக கலந்து கொண்டனர்.
News June 15, 2024
உற்சாக வரவேற்பு அளித்த தொண்டர்கள்
கோவை கொடிசியா மைதானத்தில் திமுகவின் முப்பெரும் விழா கோலாகலமாக நடைபெற்று வருகின்றது. முப்பெரும் விழாவில் திமுக அமைச்சர்கள், சட்டமன்ற உறுப்பினர்கள், எம்பிக்கள், தொண்டர்கள், பொதுமக்கள் என அனைவரும் கலந்து கொண்டுள்ளனர். நிகழ்ச்சியில் தற்போது வருகை தந்த முதலமைச்சர் மு.க. ஸ்டாலினுக்கு தொண்டர்கள் உற்சாக வரவேற்பு அளித்தனர்.
News June 15, 2024
கோவை வந்தார் தமிழக முதல்வர்
கோவை கொடிசியா வளாகத்தில் இன்று மாலை தமிழக முதல்வர் மு க ஸ்டாலின் தலைமையில் முப்பெரும் விழா நடைபெற உள்ளது. இந்த விழாவில் கலந்து கொள்வதற்காக தமிழக முதல்வர் மு.க.ஸ்டாலின் சற்று முன் சென்னையில் இருந்து விமானம் மூலம் கோவை வந்தார். விமான நிலையம் வந்த அவருக்கு பீளமேடு விமான நிலையத்தில் அமைச்சர்கள், மாவட்ட செயலாளர்கள், எம்பிக்கள், எம்எல்ஏக்கள் என திரளாக கலந்து கொண்டு உற்சாக வரவேற்பு அளித்தனர்.
News June 15, 2024
கோவையில் பலத்த போலீஸ் பாதுகாப்பு
மறைந்த முதல்வா் கருணாநிதியின் நூற்றாண்டு நிறைவு விழா, மக்களவை தோ்தலில் வெற்றி, மக்களுக்கு நன்றி தெரிவிக்கும் விழா, தமிழக முதல்வா் ஸ்டாலினுக்கு பாராட்டு விழா ஆகிய முப்பெரும் விழா கொடிசியா மைதானத்தில் இன்று மாலை நடைபெற உள்ளது. இதில் முதல்வர், அமைச்சர்கள், எம்பிக்கள், இந்தியா கூட்டணி தலைவர்கள் கலந்து கொள்ள இருப்பதால் கொடிசியா வளாகத்தை சுற்றியுள்ள பகுதிகளில் போலீஸ் பாதுகாப்பு பலப்படுத்தப்பட்டுள்ளது.
News June 15, 2024
ஒன்பதாம் வகுப்பு மாணவிக்கு டிசி அளித்த தனியார் பள்ளி
கோவை வெரைட்டிஹால் சாலை அருகே அமைந்துள்ள தனியார் மெட்ரிக் பள்ளியில் படித்து வந்த மாணவி ஒருவர் 9ஆம் வகுப்பில் குறைவான மதிப்பெண் பெற்றதால் நிர்வாகத்தினர் மாணவிக்கு டிசி கொடுத்துள்ளனர். இந்நிலையில் மறுமலர்ச்சி மக்கள் இயக்க ஒருங்கிணைப்பாளர் ஈஸ்வரன் தலைமையில் மாவட்ட முதன்மை கல்வி அலுவலகத்தில் மாணவி பெற்றோருடன் மனு அளித்தார். இதுகுறித்து விளக்கம் கேட்ட நிலையில் பள்ளியில் மீண்டும் மாணவி சேர்க்கப்பட்டார்.
Featured News
Sorry, no posts matched your criteria.