India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News October 24, 2024
முதலமைச்சர் கோப்பை போட்டியில் 3வது இடம் பிடித்த கோவை
கோயமுத்தூர் மாவட்டம் முதலமைச்சர் கோப்பை போட்டியில் கோவை மாவட்ட அணி 3-ம் இடத்தை பிடித்துள்ளது. சென்னை மாவட்ட அணி 105 தங்கம் என மொத்தம் 254 பதக்கங்களை பெற்று முதலிடம் பெற்றுள்ளது. 31 தங்க பதக்கங்களை கைப்பற்றி மொத்தம் 93 பதக்கத்துடன் செங்கல்பட்டு மாவட்ட அணி 2-ம் இடத்தை பெற்றது. 23 தங்கம் பதக்கம் உட்பட 102 பதக்கங்களை கைப்பற்றி கோவை மாவட்ட அணி 3-ம் இடத்தை பிடித்துள்ளது.
News October 24, 2024
ஆட்சித் தலைவர் தலைமையில் மக்கள் தொடர்பு முகாம்
மதுக்கரை வட்டம், பாலத்துறை கிராமத்தில் ஆதித்யா திருமண மஹால் மண்டபத்தில் எதிர்வரும் 13.11.2024 அன்று காலை 10.30 மணியளவில் மாவட்ட ஆட்சித் தலைவர் தலைமையில் மக்கள் தொடர்பு முகாம் நடைபெற உள்ளது. இதற்காக நாளை காலை 11 கோவை தெற்கு வருவாய் கோட்டாட்சியர் அலுவலகத்திலும், மதுக்கரை வட்டாட்சியர் அலுவலகத்திலும், பாலத்துறை கிராம நிர்வாக அலுவலர் அலுவலகத்திலும் பொதுமக்களிடம் மனுக்களை பெற உள்ளனர்.
News October 24, 2024
செல்போனில் முன் பதிவு செய்து கைதிகளை சந்திக்கலாம்
கோவை மத்திய சிறை அதிகாரிகள் இன்று வெளியிட்டுள்ள அறிக்கையில் மத்திய சிறையில் கைதிகளை சந்திக்க கடந்த சில மாதங்களுக்கு முன் விண்ணப்ப மனு கொடுத்து சந்திக்க வேண்டியிருந்தது. இந்த நடைமுறையில் மாற்றம் செய்யப்பட்டு செல்போனில் முன் பதிவு செய்து கைதிகளை உறவினர்கள் சந்திக்கும் நடைமுறை கொண்டு வரப்பட்டது. இதில், செல்போனில் டோக்கன் பெற்று காலை 8 மணி முதல் மாலை 5 மணி வரை நேரம் ஒதுக்கி சந்திக்கலாம் என்றனர்.
News October 24, 2024
கோவை-சீரடி இடையே வரும் 27ல் நேரடி விமான சேவை
மும்பை அருகே சீரடியில் அமைந்துள்ள சீரடி சாய்பாபா கோவில் உலகம் முழுவதும் பிரசித்தி பெற்றதாக உள்ளது. மேலும் உலகின் இரண்டாவது பணக்கார கோவிலாக விளங்கி வருகிறது. இந்த நிலையில் கோவையில் இருந்து முதல்முறையாக வரும் அக்டோபர் 27ஆம் தேதி முதல் இண்டிகோ நிறுவனம் கோவை-சீரடி இடையே நேரடி விமான சேவையை துவங்க உள்ளதாக தற்போது தெரிவிக்கப்பட்டுள்ளது.
News October 24, 2024
கோவையில் பேருந்து நிலையங்கள் தற்காலிக மாற்றம்
மதுரை உள்ளிட்ட தென் மாவட்டங்களுக்கு செல்லும் பேருந்துகள் சிங்காநல்லூரிலும், கரூர், திருச்சி மார்க்கமாக செல்லும் பேருந்துகள் சூலூரிலும், சேலம், திருப்பூர், ஈரோடு, ஆனைகட்டி, மேட்டுப்பாளையம், சத்தியமங்கலம் மார்க்கமாக செல்லும் பேருந்துகள் மத்திய பேருந்து நிலையத்திலும், குன்னூர், ஊட்டி, கூடலூர், கோத்தகிரி செல்லும் பேருந்துகள் புதிய பேருந்து நிலையத்தில் இருந்தும் இயக்கப்பட உள்ளதாக தெரிவிக்கப்பட்டுள்ளது.
News October 24, 2024
போக்குவரத்து அலுவலகத்தில் விஜிலென்ஸ் ரெய்டு
கோவை அருகேயுள்ள க.க.சாவடியில் உள்ள வட்டார போக்குவரத்து அலுவலகத்தில் வாகன ஓட்டுநர்கள், உரிமையாளர்களிடம் லஞ்சம் பெறப்படுவதாக லஞ்ச ஒழிப்புத்துறையினருக்கு ரகசிய தகவல் வந்துள்ளது. அதன்பேரில் லஞ்ச ஒழிப்பு துறையினர் நேற்று அதிரடியாக இங்கு சோதனை மேற்கொண்டதில் கணக்கில் வராத ரூ.96 ஆயிரம் ரொக்க பணம் பறிமுதல் செய்யப்பட்டது. தொடர்ந்து லஞ்ச ஒழிப்பு துறையினர் விசாரணை மேற்கொண்டு வருகின்றனர்.
News October 24, 2024
தீபாவளி: கோவையில் இரவு 1 மணி வரை அனுமதி
கோவை மாநகர காவல் துறை நேற்று வெளியிட்டுள்ள செய்திக் குறிப்பில், ஒவ்வொரு ஆண்டும் தீபாவளி பண்டிகை மிகவும் விமரிசையாக கொண்டாடப்பட்டு வருகிறது. இந்த நிலையில் தீபாவளி பண்டிகை வரும் 31ஆம் தேதி கொண்டாடப்பட உள்ளது. இதனால் கோவையில் தீபாவளி வியாபாரம் களைகட்டியுள்ளது. இதனால் தீபாவளியையொட்டி கோவை மாநகரில் நள்ளிரவு 1 மணி வரை கடைகளை திறந்து வைத்து வியாபாரம் செய்ய போலீசார் அனுமதி வழங்கி உள்ளனர்.
News October 23, 2024
சொத்து வரி உயர்வை ரத்து செய்ய மதிமுக வலியுறுத்தல்
கோவை மாநகராட்சி முழுவதும் தற்பொழுது உயர்த்தியுள்ள ஆறு சதவீத சொத்துவரி உயர்வை உடனடியாக முழுவதும் ரத்து செய்ய வேண்டும் அதோடு வரி கட்டாதவர்களுக்கு ஒரு சதவீத அபராத வரியையும் முழுமையாக ரத்து செய்ய வேண்டும் என்று மதிமுக மாமன்ற குழு தலைவரும் 26வது வார்டு மாமன்ற உறுப்பினருமான சித்ரா வெள்ளியங்கிரி, கோரிக்கை விடுத்துள்ளார்.
News October 23, 2024
கோவையிலிருந்து 1,260 சிறப்பு பேருந்துகள்
தீபாவளி பண்டிகையை முன்னிட்டு கோவையிலிருந்து 1,260 சிறப்பு பேருந்துகள் இயக்கப்பட உள்ளது. இந்த பேருந்து சேவையானது 28ஆம் தேதி முதல் 31ம் தேதி அதிகாலை வரை செயல்படுத்தப்பட உள்ளதாகவும் 28ம் தேதி முதல் 31-ஆம் தேதி வரை. மேலும் கோவை மண்டலத்திலிருந்து தற்காலிகமாக அமைக்கப்பட்டுள்ள காந்திபுரம் நகர பேருந்து நிலையம் நிலையத்திலிருந்து இணைப்பு பேருந்துகள் இயக்கப்பட உள்ளது என்று அதிகாரிகள் என்று தெரிவித்தனர்.
News October 23, 2024
இன்றும் கோயமுத்தூருக்கு எச்சரிக்கை
கோயம்புத்தூர் மாவட்டத்தில் கடந்த நாட்களாக மிகவும் கனமழை பெய்து வருகிறது. நேற்று ஆரஞ்சு அலட் விடப்பட்ட சூழ்நிலையில் கோயம்புத்தூர் மாவட்டம் முழுவதும் 9 சென்டி மீட்டர் மழை பதிவானது. அனேக பகுதிகளில் வெள்ளம் கரை புரண்டு ஓடியது. இந்நிலையில் இன்றும் கனமழை பெய்யும் என்று சென்னை வானிலை மையம் அறிவித்துள்ளதால் கோவை மக்கள் அச்சத்தில் உள்ளனர் .
Featured News
Sorry, no posts matched your criteria.