India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News November 1, 2024
அகில இந்திய வர்த்தக தேர்வு: ஜிடி பயிற்சி நிறுவன மாணவி சாதனை
தேசிய தொழிற் பயிற்சி கவுன்சில் ஒவ்வொரு ஆண்டும் அகில இந்திய வர்த்தக தேர்வை நடத்துகிறது. கடந்த ஆக. மாதம் நடந்த தேர்வில் தமிழகத்தில் இருந்து 29 மாணவர்கள் பல்வேறு பாட பிரிவுகளில் அகில இந்திய அளவில் முதலிடம் பெற்றுள்ளனர். இதில் டூல் அண்ட் டை மேக்கர் (என்எஸகியூஎப்) பாடப்பிரிவில் படித்து வரும் ஜிடி நிறுவன மாணவி அஷ்வினி பேபி ஆச்சார்ய பெண் மாணவர் என்ற முறையில் முதலிடம் பெற்றுள்ளார்.
News November 1, 2024
கோவை: Ex காதலியை போட்டோ காட்டி மிரட்டியவர் கைது
கோவை பீளமேடு பகுதியில் உள்ள தனியார் கல்லூரியில் மதுரையை சேர்ந்த 22 வயது இளம்பெண் விடுதியில் தங்கி பயின்று வருகிறார். இவர் 2016 முதல் யுவராஜ் என்ற இளைஞரை காதலித்து வந்துள்ளார். கருத்து வேறுபாடு காரணமாக பிரிந்து சென்ற நிலையில், யுவராஜ் அவ்வப்போது போட்டோக்களை காட்டி அழைக்கும்போது வர வேண்டும் என மிரட்டி வந்துள்ளார். இதுகுறித்த புகாரின்பேரில் பீளமேடு போலீசார் இளைஞர் யுவராஜை நேற்று கைது செய்தனர்.
News October 31, 2024
கோவை மாவட்டத்தில் மழைக்கு வாய்ப்பு
தெற்கு ஆந்திராவை ஒட்டிய தென்மேற்கு வங்கக்கடல் பகுதிகளில் நிலவும் வளிமண்டல மேலடுக்கு சுழற்சி காரணமாக கோவை மாவட்டத்தில் ஒரு சில இடங்களில் இன்று (இரவு 7 மணி வரை) மிதமான மழைக்கு வாய்ப்புள்ளதாக (மஞ்சள் அலர்ட்) சென்னை வானிலை ஆய்வு மையம் தெரிவித்துள்ளது.
News October 31, 2024
Bloody Beggar: கோவையில் நடிகர்கள் ரசிகர்களுடன் கண்டுகளிப்பு
இயக்குநர் சிவபாலன் இயக்கத்தில் நடிகர் கவின் நடிப்பில் உருவாகி உள்ள Bloody Beggar திரைப்படம் தீபாவளி நாளான இன்று திரையரங்குகளில் வெளியாகி உள்ளது. தமிழ்நாட்டிலேயே கோவை பிராட்வே சினாமாவில் காலை 7 மணி சிறப்பு காட்சி திரையிடப்பட்டது. அதனை படக்குழுவினர்களான நடிகர்கள் கவின், ரெடின் கிங்ஸ்லி, இயக்குனர் சிவபாலன் ஆகியோர் ரசிகர்களுடன் கண்டுகளித்தனர். ரசிகர்கள் புகைப்படம் எடுத்துக் கொண்டனர்.
News October 31, 2024
வெடி விபத்து ஏற்பட்டால் செய்ய வேண்டியவை
பட்டாசு வெடிக்கும் போது தீக்காயம் ஏதேனும் ஏற்பட்டால் முதலுதவியாக காயம்பட்ட நபரை காற்றோட்டமான இடத்திற்கு அழைத்துச் சென்று காயம் ஏற்பட்ட இடத்தில் குளிர்ந்த நீரை ஊற்றலாம். மேலும், பருத்தி துணியை நனைத்து காயம்பட்ட இடத்தை மூடலாம். பெரிய அளவில் காயம் ஏற்பட்டால் மருத்துவமனைக்கு அழைத்துச் சென்று மருத்துவரை அணுகவும். மருத்துவர் பரிந்துரையின்றி தாங்களாகவே ஏதும் செய்ய வேண்டாம்.
News October 31, 2024
தீபாவளி: மக்களே கவனமா கொண்டாடுங்க!
தீபாவளி பண்டிகை இன்று கொண்டாடப்படும் நிலையில் பட்டாசுகளை வெடிக்கும்போது கவனம் தேவை. பெற்றோர்கள் தங்கள் மேற்பார்வையில் குழந்தைகள் பட்டாசுகளை வெடிக்க அனுமதிக்க வேண்டும். மேலும், கையில் வைத்து பட்டாசுகள் வெடிப்பதை தவிர்க்கவும். பட்டாசு வெடிக்கும்போது அருகே ஒரு பக்கெட் தண்ணீர் மற்றும் மண் வைத்திருப்பது அவசியம். விபத்தில்லா தீபாவளியை கொண்டாட கோவை மக்களுக்கு வே2நியூஸ் சார்பாக வாழ்த்துகள்!
News October 30, 2024
தவெக சார்பில் விலையில்லா விருந்தகம்
கோவை, கணபதி அத்திப்பாளையம் பிரிவில் உள்ள கோவை மாவட்ட விஜய் நற்பணி இயக்க தலைமை அலுவலகத்தில், “தளபதி விஜய் விலையில்லா விருந்தகம்” சார்பில், இன்று கோவை வடக்கு மாவட்ட துணைத் தலைவர் பூ மார்க்கெட் சரவணன் அவர்களின் சார்பாக, 3ம் ஆண்டில், 891-வது நாளாக பொதுமக்களுக்கு உணவு வழங்கப்பட்டது. இந்த மிகச் சிறந்த சேவையானது, பொது மக்களுக்கு கடந்த 3 ஆண்டுகளாக தொடர்ந்து தினமும் வழங்கப்பட்டு வருவது குறிப்பிடத்தக்கது.
News October 30, 2024
தேவருக்கு மரியாதை செலுத்திய வானதி
முத்துராமலிங்க தேவர் பிறந்தநாள் இன்று (அக்டோபர் 30) கொண்டாடப்படுகிறது. அவரது பிறந்த நாளான இன்று கோவை தெற்கு சட்டமன்ற உறுப்பினர் வானதி சீனிவாசன் கோவை ராமநாதபுரம் பகுதியில் முளைப்பாரி ஊர்வலத்துடன் சென்று முத்துராமலிங்க தேவரின் திருவுருவப்படத்திற்கு மாலை அணிவித்து மரியாதை செலுத்தினார். உடன் பாஜக நிர்வாகிகள் மற்றும் பாஜக தொண்டர்கள் இருந்தனர்.
News October 30, 2024
குழந்தை திருமணம்: தகவல் அளித்தால் சன்மானம்
கோவை மாவட்டத்தில் நடைபெறும் குழந்தை திருமணங்களை தடுக்கும் பொருட்டு, குழந்தைத் திருமணம் குறித்து சைல்டு ஹெல்ப் லைன் எண், 1098-க்கு உண்மையான, உறுதியான, அதிகாரப் பூர்வமான தகவல் அளிக்கலாம். தகவல் கொடுப்பவர்களை ஊக்குவிக்கும் பொருட்டு சன்மானத் தொகையாக 2,000 ரூபாய் கலெக்டரின் பொது நிதியிலிருந்து வழங்கப்படும் என்று கோவை மாவட்ட கலெக்டர் கிராந்திகுமார் தெரிவித்துள்ளார்.
News October 30, 2024
ஆம்னி பஸ்ஸில் கூடுதல் கட்டணம் வசூலித்தால் கடும் நடவடிக்கை
தீபாவளியையொட்டி கோவையில் வசிக்கும் வெளிமாவட்ட மக்கள் தங்களது சொந்த ஊர்களுக்கு செல்ல அரசு, ஆம்னி பேருந்துகளில் முன்பதிவு செய்துள்ளனர். ஆம்னி பேருந்துகளில் கூடுதல் கட்டணம் வசூலிப்பது குறித்து கோவை வட்டார போக்குவரத்து இணை ஆணையர் அழகரசு கூறுகையில், ஆம்னி பேருந்துகளில் கூடுதல் கட்டணம் வசூலித்தால் கடும் நடவடிக்கை எடுக்கப்படும் என்றார். எங்களது குழுவினர் தணிக்கை செய்து வருகின்றனர் என்றார்.
Featured News
Sorry, no posts matched your criteria.