Coimbatore

News November 5, 2024

முதலமைச்சரின் நிகழ்ச்சி கால அட்டவணை வெளியீடு

தமிழக முதல்வர் ஸ்டாலின் இன்று (நவ.5) கோவை வரவிருக்கும் நிலையில் அவரது நிகழ்ச்சிகளின் கால அட்டவணை தற்போது வெளியாகி உள்ளது. அதன்படி இன்று காலை 10 மணிக்கு இண்டிகோ விமான மூலம் கோவை புறப்படும் முதலமைச்சர் 11.05 க்கு கோவை விமான நிலையம் வந்தடைவார். அதன் பின் அரசு நிகழ்ச்சிகள் முடித்துவிட்டு மாலை 5.30-க்கு கட்சி சார்ந்த நிகழ்வுகளில் கலந்து கொள்கிறார். தொடர்ந்து அரசு விருந்தினர் மாளிகையில் தங்குகிறார்.

News November 5, 2024

4 காவலர்கள் பணியிடை நீக்கம்

கோவை மாநகர காவல் கண்காணிப்பாளர் கார்த்திகேயன் இன்று வெளியிட்டுள்ள அறிக்கையில்பேரூர் மதுவிலக்கு பிரிவில் பணிபுரியும் தலைமைக்காவலர் மதன்குமார் சட்டவிரோதமாக மது விற்பனை செய்யும் நபர்களிடம் பணம் பெற்றதற்காக பணியிடை நீக்கம். பிரபாகரன் கள் இறக்குபவர்களிடம் பணம் கேட்டதற்காக பணியிடை நீக்கம். லாரி ஓட்டுநர்களிடம் பணம் கேட்டதற்காக காவலர் செல்வகுமார் மற்றும் காவலர் பஞ்சலிங்கம் ஆகியோரும் பணியிடை நீக்கம்.

News November 4, 2024

முதலமைச்சர் பங்கேற்கும் நிகழ்ச்சிகள்

முதலமைச்சர் ஸ்டாலின் நாளை கோவை வருகை முன்னிட்டு இவர் பங்கேற்கும் நிகழ்ச்சிகள் இன்று வெளியிடப்பட்டுள்ளது. அதில், விமான நிலையத்தில் இருந்து டைடல் பார்க் வளாகத்துக்குச் செல்லும் அவர், அங்கு 8 தளங்களுடன் உள்ள தகவல் தொழில்நுட்பப் பூங்காவை திறந்து வைக்கிறார். மாலையில் மாவட்ட ஆட்சியர் அலுவலகத்தில் நடைபெறும் தொழில் துறை சார்ந்த ஆலோசனைக் கூட்டத்தில் கலந்து கொள்கிறார் என தெரிவிக்கப்பட்டுள்ளது.

News November 4, 2024

கோவையில் இன்றைய தலைப்பு செய்திகள்

➤கோவையில் டைடல் பார்க்கை முதல்வர் ஸ்டாலின் நாளை திறந்து வைக்க கோவை வருகிறார். ➤முதல்வர் வருகையால் 2 நாள்கள் போக்குவரத்து மாற்றம் செய்யப்பட்டுள்ளது. ➤கோவையில் தீபாவளி பண்டிகையை முன்னிட்டு விமானத்தில் அக்.30 முதல் நவ3 வரை 38,000 பேர் பயணம் மேற்கொண்டுள்ளனர். ➤கோவையைச் சேர்ந்தவர்களுக்கு வரும் 8ஆம் தேதி ராணுவத்தில் சேர முகாம் நடைபெறவுள்ளது.

News November 4, 2024

2 நாள்கள் போக்குவரத்து மாற்றம்

கோவைக்கு முதல்வர் ஸ்டாலின் நாளை (நவ.5) வருகிறார். அதன்படி, கனரக வாகனங்கள் நாளை (நவ.5) மற்றும் நாளை மறுநாள் (நவ.6) ஆகிய 2 இரண்டு நாள்களுக்கு காலை 6 மணி முதல் இரவு 8 மணி வரை நகர எல்லைக்குள் வர அனுமதி இல்லை. மேலும், நாளை காலை 7 மணி முதல் பிற்பகல் 3 மணி வரை விரைவான பயணத்தை மேற்கொள்ள வாகன ஓட்டிகள் அவிநாசி சாலையை தவிர்ப்பது சிறந்தது.

News November 4, 2024

38 ஆயிரத்துக்கும் மேற்பட்டோர் பயணம்

கோவை விமானத்துறை அதிகாரிகள் இன்று வெளியிட்டுள்ள அறிக்கையில், தீபாவளியை முன்னிட்டு கோவை விமான நிலையம் அக்டோபர் 30-ம் தேதி 30 விமானங்கள் இயக்கப்பட்டன. 8,688 பேர் பயணித்தனர். நவம்பர் 1-ம் தேதி 30 விமானங்களில் 6,618 பேரும், 2-ம் தேதி 30 விமானங்களில் 8,164 பேரும், 3-ம் தேதி 30 விமானங்களில் 7,500-க்கும் மேற்பட்டோரும் பயணித்தனர். கடந்த 5 நாட்களில் 38 ஆயிரத்துக்கும் மேற்பட்டோர் பயணம் என்றனர்.

News November 4, 2024

ஐடி பார்க்கில் ஆய்வு செய்த அமைச்சர்

கோவை மாவட்டத்தில் நாளை பல்வேறு நிகழ்ச்சிகள் கலந்து கொள்ள முதல்வர் மு.க.ஸ்டாலின் வரவுள்ளார். இந்நிலையில் விழா நடைபெறும் ஐடி பார்க்கில் அமைச்சர் எவ.வேலு இன்று நேரில் சென்று பார்வையிட்டு ஆய்வு செய்தார். மேலும் பணிகள் குறித்து அதிகாரிகளிடம் கேட்டு அறிந்தார். இந்நிகழ்வில் கோவை கலெக்டர் கிராந்தி குமார் பாடி, அரசு அதிகாரிகள் என பலரும் கலந்து கொண்டனர்.

News November 4, 2024

கொங்கு மண்டலத்தில் வரும் 10ஆம் தேதி முதல் மழை

கொங்கு மண்டல பகுதிகளில் ஒரு சில இடங்களில் இன்று மட்டும் ஆங்காங்கே மிதமான மழைக்கு வாய்ப்பு உள்ளது. மற்றபடி நாளை (நவம்பர் 5) முதல் வெள்ளி வரை கொங்கு மண்டலத்தில் மழை பொழிவு இருக்காது. ஆனால் (நவம்பர் 10) முதல் (டிசம்பர் 7) ஆம் தேதி வரை கொங்கு மண்டலத்தில் நல்ல மழைக்கான வாய்ப்புகள் உள்ளதாக கோவை வெதர்மேன் சந்தோஷ் கிருஷ்ணன் தெரிவித்துள்ளார்.

News November 4, 2024

விஜய் Study பண்ண வேண்டும்: வானதி சீனிவாசன்

பாஜக தேசிய மகளிர் அணி தலைவர் வானதி சீனிவாசன் கோவையில் செய்தியாளர்களை சந்தித்தார். அப்போது பேசிய அவர், ஓரே நாடு, ஓரே தேர்தல் விஷயத்தை திறந்த மனதுடன் தவெக தலைவர் விஜய் பரிசீலிக்க வேண்டும்; அரசியல் கட்சிகள் ஒரு விஷயத்தை பேசுகின்றனர் என்பதற்காக அதையே விஜய் பேச வேண்டும் என்று அவசியம் இல்லை; அதை Study பண்ண வேண்டும் என்றார்.

News November 4, 2024

கோவை இளைஞர்களே.. ராணுவத்தில் சேர அரிய வாய்ப்பு

இந்திய ராணுவத்தில் 174 ராணுவ வீரர்கள், 50 கிளார்க் பணியிடங்களுக்கான ஆட்கள் தேர்வு கோவை போலீஸ் பயிற்சி பள்ளி மைதானத்தில் நடைபெறுகிறது. தமிழகத்திலிருந்து பல்வேறு மாவட்ட இளைஞர்களுக்கு தேர்வு முகாம் நடைபெறும் நிலையில், கோவை மாவட்டத்தைச் சேர்ந்தோருக்கு வரும் 8ஆம் தேதி தேர்வு முகாம் நடைபெற உள்ளதால் ராணுவத்தில் சேர ஆர்வம் உள்ள இளைஞர்கள் பங்கேற்கலாம் என தெரிவிக்கப்பட்டுள்ளது.

…

14

…

Featured News

Sorry, no posts matched your criteria.

↑