India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chennai
News November 14, 2024
45 நாள் ஆண் குழந்தை கடத்தல்: காவல்துறை விசாரணை
சென்னை கண்ணகி நகரைச் சேர்ந்த ஆரோக்கியதாஸ் என்பவரின் பிறந்து 45 நாட்களேயான ஆண் குழந்தை கடத்தப்பட்ட சம்பவம் பெரும் பரபரப்பை ஏற்படுத்தியுள்ளது. அரசு திட்டங்களை பெற்றுத் தருவதாகக் கூறி, குழந்தையின் தாயை தி.நகருக்கு அழைத்து சென்ற பெண், தாயை பிஸ்கட் வாங்க அனுப்பிவிட்டு குழந்தையை கடத்திச் சென்றுள்ளர். இதுகுறித்த புகாரின் பேரில், அந்தப் பெண் குறித்து காவல்துறையினர் விசாரணை மேற்கொண்டு வருகின்றனர்.
News November 14, 2024
சென்னையில் அதிகரிக்கும் வைரஸ் காய்ச்சல்
தமிழகம் முழுவதும் வடகிழக்கு பருவமழை பெய்து வருவதால், தமிழகத்தில் டெங்கு மற்றும் வைரஸ் காய்ச்சல் தற்போது பரவி வருகிறது. சமீப காலமாக சென்னை மருத்துவமனைகளில் காய்ச்சல், சளி, தொண்டையில் கிருமித்தொற்று உள்ளிட்ட பாதிப்புகளுடன் ஆஸ்பத்திரிக்கு வருவோரின் எண்ணிக்கை அதிகரித்து உள்ளது. ராஜீவ்காந்தி அரசு ஆஸ்பத்திரியில் 28 பேர் காய்ச்சலாலும், ஒருவர் டெங்குவாலும் பாதிக்கப்பட்டு சிகிச்சை பெற்று வருகின்றனர்.
News November 14, 2024
அரசு மருத்துவமனைகளில் போலிஸ் பூத் அமைப்பு
சென்னையில் உள்ள அனைத்து அரசு மருத்துவமனைகளிலும் போலீஸ் பூத் அமைக்கப்படும் என சென்னை காவல்துறை தெரிவித்துள்ளது. ஒவ்வொரு போலீஸ் பூத்திலும் 10 காவலர்கள் பணியில் ஈடுபடுவார்கள். சென்னையில் உள்ள 19 மருத்துவமனைகளில் ஏற்கனவே 9 மருத்துவமனைகளில் காவல் நிலையம், பூத்துகள் அமைக்கப்பட்டுள்ளது. மீதமுள்ள 10 மருத்துவமனைகளிலும் போலீஸ் பூத்துகள் அமைக்கப்படும் என சென்னை காவல்துறை தெரிவித்துள்ளது.
News November 14, 2024
ஹாக்கி போட்டி: தமிழ்நாடு அதிர்ச்சி தோல்வி
ஆடவருக்கான 14ஆவது தேசிய சீனியர் சாம்பியன்ஷிப் ஹாக்கி போட்டி, சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் நடைபெற்று வருகிறது. இந்த தொடர் தற்போது நாக்-அவுட் சுற்றை எட்டியுள்ளது. நேற்று நடைபெற்ற 3ஆவது கால் இறுதி ஆட்டத்தில், தமிழ்நாடு – உத்தரபிரதேசம் அணிகள் மோதின. இதில், தமிழ்நாடு அணி 1-3 என்ற கோல் கணக்கில் தோல்வி அடைந்தது. இதனால் ரசிகர்கள் சோகத்தில் மூழ்கினர்.
News November 14, 2024
சென்னையில் பல இடங்களில் அமலாக்கத்துறை சோதனை
சென்னையில், லாட்டரி அதிபர் மார்டினுக்கு சொந்தமான பல்வேறு இடங்களில் அமலாக்கத்துறையினர் சோதனை நடத்தி வருகின்றனர். போயஸ் கார்டன், தியாகராய நகர் உள்ளிட்ட 5க்கும் மேற்பட்ட இடங்களில் சோதனை தீவிரமாக நடைபெற்று வருகிறது. போயஸ் கார்டனில் உள்ள ஆதவ் அர்ஜுனா வீடு மற்றும் அவரது அலுவலகத்திலும் அமலாக்கத்துறையினர் சோதனை மேற்கொண்டு வருகின்றனர். சோதனைக்கு பிறகு, தகவல்கள் தெரிவிக்கப்படும்.
News November 14, 2024
சாலை பாதிப்பு குறித்து புகார் அளிக்க வாட்ஸ் அப் எண்
தற்போது வடகிழக்கு பருவமழை தமிழகம் முழுவதும் பெய்து வருகிறது. இதனால் சென்னை உள்ளிட்ட பெருநகரங்களில் சாலைகளில் மழைநீர் தேக்கம், சாலை பாதிப்பு உள்ளிட்ட பொதுமக்களுக்கு அவதியை ஏற்படுத்தும் ஏராளமான பாதிப்புகள் ஏற்படும். இந்நிலையில், சென்னை மாவட்டத்தில் வடகிழக்கு பருவமழையால் ஏற்படும் சாலை பாதிப்புகள் குறித்து புகார் அளிக்க 93817 38585, 99520 75411 என்ற வாட்ஸ் அப் எண்களை நெடுஞ்சாலை துறை அறிவித்துள்ளது.
News November 14, 2024
சென்னையின் சிறப்பு மருத்துவ முகாம்
பெருநகர சென்னை மாநகராட்சி சார்பில் சென்னையில் தினந்தோறும் மாலை சிறப்பு மருத்துவ முகாம்கள் நடைபெற்று வருகிறது. இந்த முகாம்களானது, தினம்தோறும் மாலை 4:30க்கு தொடங்கி இரவு 8:30 மணி வரை நடைபெறுகிறது. தினம்தோறும் நடைபெறும் இந்த முகாமில் அந்தந்த பகுதிகளைச் சேர்ந்த பொதுமக்கள் பங்கேற்று பயனடையுமாறு மாநகராட்சி சார்பில் கேட்டுக்கொள்ளப்பட்டுள்ளது. இன்று நடைபெறும் முகாம்கள் குறித்த விபரம் மேலே உள்ளது.
News November 14, 2024
தொடர் விடுமுறையை முன்னிட்டு சிறப்பு பேருந்து ஏற்பாடு
பௌர்ணமி, வார இறுதி நாட்கள் என தொடர் விடுமுறை காரணமாக, நாளை முதல் சென்னை கிளாம்பாக்கத்தில் இருந்து திருவண்ணாமலை, திருச்சி, கும்பகோணம், மதுரை, நெல்லை, நாகர்கோவில், குமரி, தூத்துக்குடி, கோவை, சேலம், ஈரோடு, திருப்பூருக்கு நவ.15, 16ஆம் தேதிகளில் 705 பேருந்துகளும், கோயம்பேட்டில் இருந்து நாகை, வேளாங்கண்ணி, ஓசூர், பெங்களூரு, திருவண்ணாமலை என மொத்தம் 1,152 பேருந்துகள் இயக்க திட்டமிடப்பட்டுள்ளது.
News November 14, 2024
லேசானது முதல் மிதமான மழைக்கு வாய்ப்பு
தென்மேற்கு வங்கக்கடல் பகுதிகளில் வளிமண்டல கீழடுக்கு சுழற்சி நிலவுகிறது. இதனால், இன்று (நவ.14) சென்னை மற்றும் புறநகர் பகுதிகளில் லேசானது முதல் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. நள்ளிரவில் பல இடங்களில் மழை பெய்ததால், சாலைகள் மற்றும் தாழ்வான பகுதிகளில் மழைநீர் தேங்கியது. எனவே, வெளியே செல்லும் பொதுமக்கள் குடை அல்லது ரெயின் கோர்ட் எடுத்துச் செல்லுங்கள்.
News November 14, 2024
சென்னையில் இளைஞர் எரித்து கொலை
அசோக் நகரில் உள்ள புதூர் அரசு மேல்நிலைப் பள்ளியில் இன்று காலை எரிந்த நிலையில் இளைஞர் உடல் கண்டெடுக்கப்பட்ட சம்பவம் பெரும் பரபரப்பை ஏற்படுத்தியுள்ளது. இதுகுறித்து தகவல் அறிந்து சம்பவ இடத்திற்கு விரைந்த வந்த அசோக் நகர் போலீசார், எரிந்த நிலையில் கண்டெடுக்கப்பட்ட இளைஞரின் உடலை மீட்டு விசாரணை மேற்கொண்டு வருகின்றனர். இறந்தவர் யார்? கொலை செய்யப்பட்டாரா? யார் செய்தது? என விசாரணை நடைபெற்று வருகிறது.
Featured News
Sorry, no posts matched your criteria.