India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chennai
News July 5, 2024
சென்னை ஏரிகளின் நிலவரம்
சென்னைக்கு குடிநீர் வழங்கும் புழல் ஏரியில் 2,739 மில்லியன் கன அடி தண்ணீர் உள்ளது. சோழவரம் ஏரியில் 128 மில்லியன் கன அடி தண்ணீரும், செம்பரம்பாக்கம் ஏரியில் 1,482 மில்லியன் கன அடி தண்ணீரும், பூண்டி ஏரியில் 65 மில்லியன் கன அடி தண்ணீரும், கண்ணன்கோட்டை தேர்வாய் கண்டிகை ஏரியில், 300 மில்லியன் கன அடி தண்ணீரும் இருப்பில் உள்ளதாக இன்று(ஜூலை 5) காலை பொதுப்பணித்துறை அதிகாரிகள் தெரிவித்துள்ளனர்.
News July 4, 2024
சென்னையில் இரவில் மழைக்கு வாய்ப்பு
மேற்கு திசை காற்றின் வேகமாறுபாடு காரணமாக தமிழகத்தில் ஓரிரு இடங்களில் லேசானது முதல் மிதமான மழை பெய்து வருகிறது. இந்நிலையில், சென்னையில் இன்று இரவு 1 மணி வரை நகரின் ஒரு சில இடங்களில் மிதமான மழையும், சில பகுதியில் கனமழையும் பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது.
News July 4, 2024
6 வருஷம் ஆயிடுச்சு: அமைச்சர் உதயநிதி ட்வீட்
திமுக இளைஞரணி செயலாளரும், அமைச்சருமான உதயநிதி ஸ்டாலினின் X தள பதிவில், திமுக இளைஞர் அணிச் செயலாளராக இன்று 6ம் ஆண்டில் அடியெடுத்து வைக்கிறேன். இந்த வாய்ப்பை வழங்கிய முதலமைச்சரும், திமுக தலைவருமான மு.க.ஸ்டாலின், திமுக தலைமை நிர்வாகிகள், மாவட்டச் செயலாளர்கள் உள்ளிட்ட அனைத்து நிர்வாகிகளுக்கும் நன்றி என பதிவிட்டுள்ளார்.
News July 4, 2024
சென்னையில் மழைக்கு வாய்ப்பு
மேற்கு திசை காற்றின் வேகமாறுபாடு காரணமாக தமிழகத்தில் ஓரிரு இடங்களில் லேசானது முதல் மிதமான மழை பெய்து வருகிறது. இந்நிலையில், சென்னையில் இன்று இரவு 8.30 மணி வரை நகரின் ஒரு சில இடங்களில் மிதமான மழையும், சில பகுதியில் கனமழையும் பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது. சென்னையில் நேற்றிரவு பெய்த மழையால், நகரின் முக்கிய பகுதியில் போக்குவரத்து நெரிசல் ஏற்பட்டது குறிப்பிடத்தக்கது.
News July 4, 2024
முழு நேர ஆலோசகர்களை பணியமர்த்த திட்டம்
சென்னை மாநகராட்சி பள்ளிகளில், தடம்மாறும் மாணவர்களுக்கு ஆலோசனை வழங்கி அவர்களின் கல்வி திறனை மேம்படுத்த ஆலோசகர்களை பணியமர்த்த மாநகராட்சி நிர்வாகம் திட்டமிட்டுள்ளது. இந்நிலையில், மாநகராட்சியில் உள்ள 30 பள்ளிகளுக்கு, 15 முழு நேர ஆலோசகர்களை பணியமர்த்தவும், இவர்களுக்கு மாதம் ரூ.30,000 சம்பளம் வழங்கவும் உள்ளது. ஆகஸ்ட் மாதம் முதல் பணியமர்த்த முடிவு செய்ப்பட்டுள்ளது டி.ஓ.ஐ செய்தி வெளியிட்டுள்ளது.
News July 4, 2024
சென்னையில் நாளை மின்தடை
சென்னையில், நாளை மின்வாரிய பராமரிப்பு பணிகள் நடைபெற உள்ளது. இதன் காரணமாக, நாளை (ஜூலை 5) ஆதம்பாக்கம், ஆலந்தூர், நங்கநல்லூர், ராம் நகர், அம்பத்தூர், அடையாளம்பட்டு, வேளச்சேரி, அனகாபுத்தூர், ஆதாம் நகர் ஆகிய பகுதிகளில் ஒரு சில இடங்களில் காலை 9 மணி முதல் மதியம் 2 மணி வரை மின் தடை செய்யப்படும் என்றும், மதியம் 2 மணிக்குள் பணிகள் முடிவடைந்தவுடன் மின் விநியோகம் வழங்கப்படும் என்றும் தெரிவிக்கப்பட்டுள்ளது.
News July 4, 2024
சென்னை மழையின் அளவு: வெதர்மேன் விளக்கம்
சென்னையில் நேற்றிரவு பெய்த மழை குறித்து, தமிழ்நாடு வெதர்மேன் பிரதீப் ஜான் விளக்கம் அளித்துள்ளார். சென்னையில் நேற்றிரவு 1 மணி நேரத்தில் 60 மி.மீ மழைப்பொழிவு பதிவாகியுள்ளது. ஜூலை மாதத்தின் சராசரி மழைப் பொழிவு 100 மி.மீ ஆகும். 1 மாதத்தின் சராசரி மழையில் 60%, 1 மணி நேரத்தில் பெய்துள்ளது. எழும்பூர், கிண்டி, நுங்கம்பாக்கம் ஆகிய இடங்களில் அதிகளவில் மழை பெய்துள்ளது என்றும் அவர் தெரிவித்துள்ளார்.
News July 4, 2024
சென்னையில் மழைக்கு வாய்ப்பு
சென்னையில் அடுத்த 3 மணி நேரத்திற்கு (காலை 10 மணி வரை) மிதமான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. நேற்றிரவு சென்ட்ரல், எழும்பூர், ராயப்பேட்டை, நுங்கம்பாக்கம், கீழ்ப்பாக்கம், தி.நகர், அண்ணாநகர், முகப்பேர், ஈக்காட்டுத்தாங்கல், கிண்டி, மீனம்பாக்கம் உள்ளிட்ட பல இடங்களில் கனமழை பெய்தது. இதனால், மின்சாரம் பாதிக்கப்பட்டது. மேலும், ஜூலை 9ஆம் தேதி மழைக்கு வாய்ப்புள்ளது.
News July 3, 2024
“உள் நோக்கத்துடன் பேசவில்லை” – ஆர்.எஸ்.பாரதி
சென்னை வள்ளுவர் கோட்டத்தில் இன்று பேசிய திமுக துணைப் பொதுச் செயலாளர் ஆர்.எஸ்.பாரதி, “இப்போது நாய் கூட பி.ஏ. பட்டம் பெறுகிறது” என்று கூறினார். இக்கருத்து சர்ச்சையான நிலையில், இதற்கு பலரும் எதிர்ப்பு தெரிவித்தனர். இந்நிலையில், “நான் அதை உள் நோக்கத்துடன் பேசவில்லை. கல்வி அனைவருக்குமானதாக மாறிவிட்டது என்ற அர்த்தத்தில் தான் கூறினேன்” என இந்த சர்ச்சை தொடர்பாக அவர் விளக்கம் அளித்துள்ளார்.
News July 3, 2024
சென்னையில் மிதமான மழை
சென்னை மாநகர் மற்றும் புறநகரின் பல்வேறு பகுதிகளில் இன்று(3.7.2024) மிதமான மழை பெய்து வருகிறது. அதன்படி, நூங்கம்பாக்கம், கீழ்பாக்கம், அயனாவரம், அண்ணா நகர் உள்பட பகுதிகளில் மிதமான மழையும், திருத்தணி பகுதியில் பலத்த மழையும் பெய்து வருகிறது. சென்னையில் இன்று காலை முதல் வெயில் வாட்டி வந்த நிலையில், தற்போது பெய்த மழையால் இதமான சூழல் நிலவுகிறது.
Featured News
Sorry, no posts matched your criteria.