India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chennai
News October 28, 2024
விஜய் மாநாட்டில் உயிரிழந்த அஜித் ரசிகர்
விக்கிரவண்டியில் நடைபெற்ற தமிழக வெற்றிக் கழகத்தின் மாநில மாநாட்டில், சென்னையைச் சேர்ந்த இளைஞர் மாரடைப்பால் உயிரிழந்த சம்பவம் சோகத்தை ஏற்படுத்தியுள்ளது. சென்னையைச் சேர்ந்த சார்லஸ் அஜித் ரசிகர் ஆகும். விஜய்யை பார்க்க சென்றதாகவும், அங்கு அவருக்கு மாரடைப்பு ஏற்பட்டு உயிரிழந்தகவும் கூறப்படுகிறது. இறுதிச்சடங்கிற்கு கூட பணம் இல்லாமல் தவிப்பதாக அவரது தாயார் கண்ணீருடன் தெரிவித்ததாக தகவல் வெளியாகியுள்ளது.
News October 28, 2024
சென்னையில் உள்ள வணிக வீதிகளில் கண்காணிப்பு தீவிரம்
தீபாவளி பண்டிகை வரும் 31ஆம் தேதி கொண்டாடப்பட உள்ளது. இன்று கடைசி ஞாயிற்றுக்கிழமை என்பதால் மக்கள் புத்தாடை, நகை, பட்டாசு வாங்க வணிக வீதிகளில் ஒரே நேரத்தில் லட்சக்கணக்கில் குவிந்தனர். குறிப்பாக தியாகராயநகர் ரங்கநாதன் தெரு, பாண்டிபஜார், பூக்கடை, வண்ணாரப்பேட்டை, புரசைவாக்கம், மயிலாப்பூர், பாரிமுனை, திருவான்மியூர் உள்ளிட்ட பல்வேறு வணிக வீதிகளில் உள்ள கடைகளில் மக்கள் அதிகளவில் திரண்டிருந்தனர்.
News October 28, 2024
சென்னை மேயர் கடும் எச்சரிக்கை
சென்னை பெருநகர மாநகராட்சியில் உள்ள ரிப்பன் மாளிகையில், மாநகர மேயர் பிரியா ராஜன் இன்று செய்தியாளர்கள் சந்திப்பில், மனிதர்களைக் கொண்டு கழிவுநீர் அகற்றும் பணிகளை மேற்கொண்டால் பொதுமக்கள் உடனடியாக கட்டணமில்லா தேசிய உதவி எண் 14420-ஐ தொடர்பு கொண்டு புகார் தெரிவிக்கலாம் என்று தெரிவித்தார்.
News October 28, 2024
மாஞ்சா நூல், ட்ரோன்களுக்கு தடை: ஆணையர் அருண் உத்தரவு
வரும் டிச.25ஆம் தேதி வரை மாஞ்சா நூல் தயாரித்தல், விற்றல் உள்ளிட்டவைக்கும், ட்ரோன்கள் பறக்கவும் தடை விதித்து காவல் ஆணையர் உத்தரவிட்டுள்ளார். மாஞ்சா நூல் பட்டத்தால் பலரும் உயிரிழக்கும் சூழல் உருவானது. மேலும், பலர் பலத்த காயமடைந்தனர். இதையடுத்து, சென்னையில் மாஞ்சா நூல் பட்டம் தயாரிக்கவும், பறக்க விடவும், விற்பனை செய்யவும், சேமித்து வைக்கவும் தடை விதித்து காவல் துறை உத்தரவு பிறப்பித்தது. ஷேர் பண்ணுங்க
News October 27, 2024
சென்னை இரவு ரோந்து பணி விவரம்
சென்னையில் இன்று இரவு 11.00 மணி முதல் காலை 6.00 மணி வரை இரவு ரோந்து பணிக்கு நியமிக்கப்பட்டுள்ள காவலர்களின் விவரங்கள் மேலே உள்ள புகைப்படத்தில் பகுதி வாரியாக உள்ளது. பொதுமக்கள் தங்களுக்கு அருகில் உள்ள உங்கள் உட்கோட்ட பகுதியில் ரோந்து பணியில் உள்ள காவலர்களை அவசர காலத்திற்கு அழைக்கலாம். தொடர்பு எண்களும் மேலே கொடுக்கப்பட்டுள்ளன.
News October 27, 2024
சென்னையில் வெயில் தாக்கம் அதிகரிக்கும் – வானிலை மையம்
அடுத்த 2 நாட்களுக்கு பகல் வெப்ப நிலை இயல்பை விட 2 முதல் 3 டிகிரி செல்சியஸ் அதிகமாக இருக்கும் என்று தெரிவித்து உள்ளனர்.
டானா சூறாவளி காரணமாக காற்றின் திசையில் ஏற்பட்ட மாற்றத்தால் பகல் நேர வெப்பநிலை அதிகரித்துள்ளதாக ஆய்வாளர்கள் தெரிவித்தனர். புயல் காற்றின் திசையை வடகிழக்கிலிருந்து மேற்கு நோக்கி மாற்றியது, புயலைச் சுற்றி காற்று குவிந்ததால், சென்னை பகல் வெப்பநிலை அதிகரித்து வறண்ட வானிலை காணப்படுகிறது.
News October 27, 2024
நாளை முதல் 300 சிறப்பு பேருந்துகள் இயக்கப்படும்
நாளை முதல் 300 சிறப்பு பேருந்துகள் இயக்கப்பட உள்ளது. தீப ஒளி திருநாளை முன்னிட்டு சென்னையில் இருந்து அதிகமான மக்கள் சொந்த ஊருக்கு செல்வதால், சென்னை கிளாம்பாக்கம், கோயம்பேடு, மாதாவரம் புறநகர் பேருந்து நிலையங்களில் இருந்து நாளை முதல் அக்டோபர் 30-ஆம் நாள் வரை 300 சிறப்பு பேருந்துகள் இயக்கப்பட உள்ளன. சென்னை மாநகர போக்குவரத்து கழகம் தகவல் வெளியிட்டுள்ளது.
News October 27, 2024
மெட்ரோ திட்டத்தால் மக்கள் பயன்: முதல்வர்
கடந்த 2007ஆம் ஆண்டு முத்தமிழ் அறிஞர் கலைஞரின் ஆட்சி காலத்தில் தொடங்கப்பட்ட மெட்ரோ ரயில் திட்டத்தினால் சென்னை பொதுமக்கள் மிகவும் பயன் அடைந்து வருகின்றனர் என முதல்வர் மு.க.ஸ்டாலின் தெரிவித்துள்ளார. மேலும், நாள்தோறும் 3 லட்சத்து 10 ஆயிரத்திற்கும் மேலான பயணிகள் இதில் பயணம் செய்கின்றனர். இத்திட்டம் சிறப்பாக செயல்பட்டு வருகிறது என முதல்வர் ஸ்டாலின் அவர்கள் கூறியுள்ளார். உங்கள் கருத்து என்ன?
News October 27, 2024
சென்னையில் இருந்து 14,086 பேருந்துகள் இயக்கம்
போக்குவரத்துக் கழகம் சார்பில் நாளை முதல் சிறப்பு பேருந்துகள் இயக்கப்பட உள்ளன. 28, 29, 30 ஆகிய தேதிகளில் சென்னையில் இருந்து தினசரி இயக்கப்படும் 2,092 பேருந்துகளுடன், 4,900 சிறப்பு பேருந்துகள் என 3 நாட்களும் சேர்த்து 11,176 பேருந்துகளும், பிற ஊர்களிலிருந்து பல்வேறு ஊர்களுக்கு 2,910 சிறப்பு பேருந்துகளும் என மொத்தமாக 14,086 பேருந்துகள் இயங்கும் என போக்குவரத்துக்கழக மேலாண்மை இயக்குநர் தெரிவித்துள்ளார்.
News October 27, 2024
சென்னை – கன்னியாகுமரி சிறப்பு ரயில் இயக்கம்
தீபாவளி பண்டிகையையொட்டி, சென்னையில் இருந்து தென் மாவட்டங்களுக்கு சிறப்பு ரயில்கள் இயக்கப்படுகிறது. சென்னை சென்ட்ரலில் இருந்து இன்று (ஞாயிறு) இரவு 11.25 மணிக்கு புறப்பட்டு செல்லும் அதிவிரைவு சிறப்பு ரயில் மறுநாள் மதியம் 12.45 மணிக்கு கன்னியாகுமரி சென்றடையும். மறுமார்க்கமாக, கன்னியாகுமரியில் இருந்து நாளை (திங்கள்) மதியம் 2.45 மணிக்கு புறப்பட்டு சென்னை எழும்பூரில் அதிகாலை 3.45 வந்தடையும்.
Featured News
Sorry, no posts matched your criteria.