• Download our app

Chengalpattu

News November 18, 2024

வங்கியில் கடன் உதவி பெற ஆட்சியர் அழைப்பு

image

தமிழக அரசின் குறு, சிறு மற்றும் நடுத்தர தொழில் நிறுவனங்கள் துறையின் கீழ் இயங்கும், தமிழ்நாடு தொழில் கூட்டுறவு வங்கி கிளைகள் உள்ளது. இந்த வங்கிகளில், குறு உற்பத்தி நிறுவனங்களுக்கு கடன் உதவி வழங்கும் திட்டத்தின் கீழ், அசையா சொத்து அடமானத்தின் பெயரில் கடன் வழங்கப்பட உள்ளது. மேலும் விவரங்களுக்கு 9842660649 எண்ணில் தொடர்பு கொள்ளலாம் என  மாவட்ட ஆட்சியர் அருண்ராஜ் தெரிவித்தார்.

News November 18, 2024

ரயில் சேவை ரத்தால் பேருந்து நிலையங்களில் குவிந்த  மக்கள்

image

சென்னை கடற்கரை- தாம்பரம் தடத்தில், பராமரிப்பு பணிக்காக நேற்று மின்சார ரயில்கள் ரத்து செய்யப்பட்டது. இதனால் அரசு சார்பில் தாம்பரம், பல்லாவரம் உள்ளிட்ட பகுதிகளுக்கு கூடுதலாக 50 சிறப்பு பேருந்துகள் இயக்கப்பட்டன. மின்சார ரயில்கள் திடீரென ரத்து செய்யப்பட்டதால், தாம்பரம், குரோம்பேட்டை பேருந்து நிலையத்தில் கூட்ட நெரிசல் அதிகமாக இருந்தது. இதனால் பயணிகள் கடுமையாக அவதியடைந்தனர்.

News November 18, 2024

வாக்காளர் சிறப்பு முகாமில் அமைச்சர்

image

செங்கல்பட்டு நகராட்சி, மறைமலை நகராட்சி, நந்திவரம் கூடுவாஞ்சேரி நகராட்சிகளில் உள்ள வாக்காளர்கள் சிறப்பு முகாம்களை அமைச்சர் தா.மோ.அன்பரசன் நேற்று காலை ஆய்வு செய்தார். அவருடன் செங்கல்பட்டு சட்டமன்ற உறுப்பினர் வரலட்சுமி மதுசூதனன் இருந்தார்.

News November 17, 2024

ரயில்கள் ரத்து எதிரொலி – சிறப்பு பேருந்துகள் இயக்கம்

image

தாம்பரம் ரயில் நிலையத்தில் இன்று (நவ.17) காலை 7-5 மணி வரை பராமரிப்பு பணிகள் நடக்க உள்ளது. இதனால், ரயில்களின் சேவை ரத்து செய்யப்பட்டு கடற்கரை – பல்லாவரம் இடையே சிறப்பு ரயில்கள் இயக்கப்பட உள்ளன. எனவே பயணியரின் வசதிக்காக கூடுதலாக தாம்பரத்தில் இருந்து பல்லாவரத்துக்கு 10, தி.நகருக்கு 20, பிராட்வேக்கு 20 என 50 சிறப்பு பேருந்துகள் இன்று இயக்கப்பட உள்ளதாக சென்னை மாநகர போக்குவரத்து கழகம் தெரிவித்துள்ளது.

News November 17, 2024

அமைச்சர் அன்பரசனுடன் நடிகர் சந்தானம் சந்திப்பு

image

குறு, சிறு மற்றும் நடுத்தர தொழில் நிறுவனங்கள் மற்றும் நகர்புற வாழ்விட மேம்பாட்டு வாரிய துறை அமைச்சர் தா.மோ.அன்பரசனை, பிரபல தமிழ் திரைப்பட காமெடி நடிகர் சந்தானம் நேரில் சந்தித்து பேசினார். அமைச்சர் இல்லத்தில் நடந்த இந்த சந்திப்பானது, மரியாதை நிமித்தமாக நடந்ததாக கூறப்படுகிறது. நடிகர் விஜய்யுடன் சேர்ந்து நடித்ததால், அவரை அழைத்து பேசியதாக அரசியல் வட்டாரத்தில் பரபரப்பாக பேசப்பட்டு வருகிறது.

News November 17, 2024

டெங்கு மற்றும் வைரஸ் காய்ச்சலுக்கு தீவிர சிகிச்சை

image

டெங்கு மற்றும் வைரஸ் காய்ச்சலுக்கு, மாவட்டத்தில் உள்ள 49 ஆரம்ப சுகாதார நிலையங்கள், செங்கல்பட்டு அரசு மருத்துவக் மருத்துவமனை, திருக்கழுக்குன்றம், மதுராந்தகம், செய்யூர், மாமல்லபுரம், திருப்போரூர், தாம்பரம் பகுதிகளில் உள்ள அரசு மருத்துவமனைகளில், காய்ச்சல் பிரிவு ஏற்படுத்தப்பட்டு சிகிச்சை அளிக்கப்பட்டு வருகிறது. புறநோயாளிகள் பிரிவில் சிகிச்சை பெற்று ஓய்வு எடுத்தால் இந்த பாதிப்பு குணமாகிவிடும்.

News November 17, 2024

டெங்கு மற்றும் மர்ம காய்ச்சல் பரவி வருகிறது

image

செங்கல்பட்டு மாவட்டத்தில், டெங்கு மற்றும் மர்ம காய்ச்சல் பரவி வருகிறது. தட்பவெப்ப நிலை மாற்றத்தால் தொண்டை வலியுடன் கூடிய காய்ச்சல், சளி, இருமல், உடல்வலி, உடல் சோர்வு உள்ளிட்டவற்றால் மருத்துவமனைக்குச் செல்வோர் எண்ணிக்கை தொடர்ந்து அதிகரித்து வருகிறது. இதை கட்டுப்படுத்த, மழைக்கால காய்ச்சல் சிறப்பு முகாம், நடமாடும் மருத்துவக் குழுக்கள் மூலம் சிகிச்சை அளிக்கப்பட்டு வருகிறது. ஷேர் பண்ணுங்க

News November 17, 2024

குரோம்பேட்டையில் கணவன், மனைவியை தாக்கியவர் கைது

image

குரோம்பேட்டையைச் சேர்ந்த அமுதன் தனது மனைவியுடன் இன்று மாலை பல்லாவரம் சாலையில் ஓட்டலில் உணவு அருந்த பைக்கில் சென்றபோது, விசுவதாஸ் (70) என்பவர் மீது பைக் உரசியது. இதில் முதியவரின் மகன் மகேந்திரன் (38) அமுதனுடன் தகராறு ஏற்பட்டது. இருவருக்கும் வாய் தகராறு முற்றி, மகேந்திரன், அமுதன் மற்றும் அவரது மனைவியை தாக்கியுள்ளார். இதுகுறித்த புகாரின்பேரில் போலீசார் மகேந்திரனை கைது செய்தனர்.

News November 16, 2024

மாமல்லபுரம் கடலில் குளித்த 2 பேர் மாயம்

image

சென்னை அண்ணா நகர் பகுதியைச் சேர்ந்த கிரீஷ்(20) மற்றும் ரியாஸ்(18), வீட்டில் மெரினா பீச்சுக்கு செல்வதாக கூறிவிட்டு, நண்பர்களுடன் மாமல்லபுரம் சுற்றுலா வந்துள்ளனர். அங்கு, 5 பேரும் கடலில் குளித்தபோது, கிரிஷ் மற்றும் ரியாஸ் ராட்சத அலையில் சிக்கி கடலுக்குள் அடித்துச் செல்லப்பட்டனர். இருவரையும் மாமல்லபுரம் போலீசார், தீயணைப்பு வீரர்கள் மற்றும் மீனவர்கள் உதவுயுடன் தேடி வருகின்றனர்.

News November 16, 2024

மாவட்ட ஆட்சியர் முன்னிலையில் வாக்காளர் சிறப்பு முகாம்

image

வாக்காளர் பட்டியல் சிறப்பு முகாம் திருத்தம் 2025 – தேர்தல் மேற்பார்வையாளர் கூட்டம் மாவட்ட ஆட்சியர் எஸ்.அருண்ராஜ் தலைமையில் நடைபெற்றது. இதில், தாம்பரம் எம்.எல்.ஏ எஸ்.ஆர்.ராஜா கலந்து கொண்டு வாக்காளர் பட்டியலில் பெயர் சேர்த்தல், நீக்கம், திருத்தம் ஆகியவை குறித்து ஆலோசனை வழங்கினார்.

Featured News

Sorry, no posts matched your criteria.

↑