News March 16, 2024
இரட்டை இலை சின்னம் முடக்கப்படுமா?
அதிமுகவின் சின்னமான இரட்டை இலை மக்களவைத் தேர்தலின் போது முடக்கப்பட்டு விடுமோ? என்கிற அச்சம் அக்கட்சியினர் மத்தியில் எழுந்துள்ளது. ஓபிஎஸ் & இபிஎஸ் ஆகிய இருதரப்பும் தேர்தல் ஆணையத்தில், சின்னம் தொடர்பாக இதுவரை எந்த ஆவணத்தையும் சமர்ப்பிக்கவில்லை என்று அறிய முடிகிறது. அதிமுக பொதுக்குழு வழக்கு உச்ச நீதிமன்றத்தில் நிலுவையில் உள்ள சூழலில், ஆணையம் எந்த முடிவையும் எடுக்கவில்லை என்பது கவனிக்கத்தக்கது.
Similar News
News September 26, 2025
அன்று கட்டை விரல், இன்று NEP: தியாகராஜன் குமாரராஜா
துரோணாச்சாரியார், கிருபாச்சாரியார், ராஜகோபாலாச்சாரியார் வரை நாம் படிப்பதை தடுத்துக் கொண்டே இருந்தார்கள் என்று ‘கல்வியில் சிறந்த தமிழ்நாடு’ நிகழ்ச்சியில் இயக்குநர் தியாகராஜன் குமாரராஜா தெரிவித்தார். முன்பு, ஏகலைவனிடம் கட்டை விரலை காணிக்கையாக கேட்டதை போல, கற்றவை எல்லாம் மறந்து போக வேண்டும் என கர்ணனுக்கு சாபம் கொடுத்தது போல, இன்று புதிய கல்விக் கொள்கை (NEP) வந்துள்ளதாகவும் கூறினார்.
News September 26, 2025
கண்களை ஏமாற்றும் புகைப்படங்கள்
‘கண்ணால் காண்பது பொய்’ என்பது போல சில புகைப்படங்கள் நம்மை ஏமாற்றிவிடும். இப்போது நாம் பார்க்கப்போகும் புகைப்படங்களை ஒருமுறைக்கு இரண்டு முறை உற்றுப்பாருங்கள். முதல்முறை பார்க்கும்போது ஒரு அர்த்தமும், நன்றாக கவனித்து பார்க்கும்போது ‘அட ஏமாந்துட்டோமே’ என தோன்ற வைக்கும். மேலே உள்ள படங்களை ஸ்வைப் செய்து பாருங்கள். இதுபோன்ற புகைப்படங்களை எடுப்பதற்கும் ஒரு திறமை வேணும் பாஸ்.
News September 26, 2025
ரஷ்ய துணை பிரதமருடன் PM மோடி சந்திப்பு
4-ம் ஆண்டு உலக உணவு இந்தியா சர்வதேச கண்காட்சி டெல்லியில் இன்று தொடங்கி 4 நாள்கள் நடைபெறுகிறது. இந்த நிகழ்வின்போது ரஷ்ய துணை பிரதமர் Dmitry Patrushev – PM மோடி சந்திப்பு நிகழ்ந்துள்ளது. இந்த சந்திப்பின்போது விவசாயம், உரங்கள் மற்றும் உணவு பதப்படுத்துதல் ஆகிய துறைகளில் இருநாடுகளுக்கு இடையிலான ஒத்துழைப்பை வலுப்படுத்துவது குறித்து விவாதித்ததாக மோடி X பதிவில் குறிப்பிட்டுள்ளார்.