News October 25, 2024
இபிஎஸ் கனவில் மட்டும் தான் முதல்வர் ஆகலாம்: தினகரன்
இபிஎஸ் கனவில்தான் முதல்வர் ஆவார் என டிடிவி தினகரன் விமர்சித்துள்ளார். 2026 சட்டமன்ற தேர்தல் வரை இபிஎஸ் தலைமையில் அதிமுக தொடர்ந்தால், தேர்தல் முடிவுக்கு பிறகு அதிமுக காணாமல் போகும் என்றும், அதிமுக என்ற கட்சியே அரசியல் களத்தில் இருந்து அப்புறப்படுத்தப்பட்டு விடும் எனவும் தெரிவித்தார். அதிமுக தொண்டர்கள் இபிஎஸ் மீது நம்பிக்கை இழந்துள்ளதாகவும், அது 2026 தேர்தலில் வெளிப்படையாக தெரியவரும் என்றார்.
Similar News
News January 3, 2026
புத்தரின் சின்னங்கள், இந்தியாவின் ஆன்மா: PM மோடி
1898-ல் கண்டுபிடிக்கப்பட்ட புத்தரின் புனித நினைவுச் சின்னங்களின் கண்காட்சியை PM மோடி தொடங்கி வைத்தார். இந்த விழாவில் பேசிய அவர், புத்தர் அனைவருக்கும் சொந்தமானவர் என்றும் கூறினார். புத்தரின் புனித சின்னங்கள் வெறும் தொல்பொருள் கலைப்பொருள்கள் அல்ல; இந்திய பாரம்பரியத்தின் ஒரு பகுதி என்று அவர் குறிப்பிட்டார். இந்தியாவின் புனிதம் மீண்டும் தாய் திருநாட்டிற்கு திரும்பியுள்ளதாகவும் அவர் தெரிவித்தார்.
News January 3, 2026
வங்கதேச வீரரை விடுவித்த KKR
BCCI அறிவுறுத்தியதன் அடிப்படையில், வங்கதேச வீரர் <<18750067>>முஸ்தஃபிசுர் ரஹ்மானை<<>> KKR அணி விடுவித்துள்ளது. மாற்று வீரரை எடுத்துக் கொள்ளவும் அந்த அணிக்கு அனுமதி வழங்கப்பட்டுள்ளது. வங்கதேசத்தில் இந்துக்கள் மீதான வன்முறை தொடர்ந்து அதிகரித்து வரும் நிலையில், ரஹ்மானை KKR ஏலத்தில் எடுத்தது விமர்சனத்திற்கு உள்ளானது. அவரை விடுவிக்க வேண்டும் என இந்து அமைப்புகள் கோரிக்கை விடுத்து வந்தன.
News January 3, 2026
ஆயிரம் அமித்ஷா வந்தாலும் மாற்றம் நடக்காது: சீமான்
TN-ஐ யார் அதிகம் நாசம் செய்வது என்பதில் தான் திமுக, அதிமுக இடையே போட்டி நிலவுவதாக சீமான் சாடியுள்ளார். திருச்சியில் பேட்டியளித்த அவர், ஆயிரம் அமித்ஷாக்கள் வந்தாலும் TN-ல் எந்த மாற்றமும் நடக்காது என சவால் விடுத்தார். மேலும், திராவிடமும், தமிழ் தேசியமும் ஒன்று என திருமாவளவன் பேசுகிறார்; ஆனால், திராவிடம் தமிழ் தேசியத்திற்கு எதிரானது என கற்பித்தவரே அவர் தான் என்றும் கூறினார். உங்கள் கருத்து?