News April 4, 2025
விரைவில் 5Gக்கு அப்டேட் ஆகும் BSNL
BSNL நிறுவனத்திற்கு ₹61,000 கோடி மதிப்பிலான 5ஜி அலைக்கற்றையை மத்திய அரசு ஒதுக்கியுள்ளது. இதனால் BSNL விரைவில் 5ஜி சேவையை தொடங்கும் என எதிர்பார்க்கப்படுகிறது. 4ஜி சேவை வழங்குவதில் தாமதம் ஏற்பட்டதால் அந்நிறுவனம் பெரும் வாடிக்கையாளர் இழப்பை சந்தித்தது. இருப்பினும், 5G சேவைகளை அறிமுகப்படுத்துவதன் மூலம் BSNL ஒரு புதிய அடையாளத்தைப் பெறும் என நம்பலாம்.
Similar News
News April 12, 2025
இனி சிக்ஸ் அடிப்பேன்: அண்ணாமலை உறுதி
கட்டுப்பாடுகள் ஏதுமின்றி சுதந்திரமாக செயல்படப் போவதாக அண்ணாமலை அறிவித்துள்ளார். பாஜகவின் மாநிலத் தலைவராக நயினார் நாகேந்திரன் பதவியேற்கவுள்ளார். இதனால், அண்ணாமலைக்கு கேபினட் அமைச்சர் பதவி வழங்கப்படலாம் என கூறப்படுகிறது. இந்நிலையில், ஒரு நிகழ்ச்சியில் பேசிய அண்ணாமலை, இனி ஒவ்வொரு விவகாரத்திலும் சிக்ஸ் அடிக்கப் போவதாக தெரிவித்துள்ளார். தனக்கென்று இனி எந்த கட்டுப்பாடும் இல்லை என்றும் கூறியுள்ளார்.
News April 12, 2025
வெள்ளியங்கிரி மலையேறிய பக்தர் உயிரிழப்பு!
கோவை வெள்ளியங்கிரி மலையேறிய காஞ்சிபுரத்தை சேர்ந்த ரமேஷ் என்ற பக்தர் மூச்சு திணறல் ஏற்பட்டு உயிரிழந்தார். கடந்த ஆண்டு மலையேறியவர்களில் 9க்கும் மேற்பட்டோர் உயிரிழந்தனர். அவர்களில் பலருக்கு இதய நோய் இருந்தது தெரிந்தது. இதேபோல் இந்த ஆண்டும் உயிரிழப்பு தொடர்கிறது. எனவே, இதய நோய், மூச்சுத் திணறல் உள்ளவர்கள் முழு உடல் பரிசோதனைக்குப் பின் மலையேறுவது நல்லது என அறிவுறுத்தப்பட்டுள்ளது.
News April 12, 2025
NDA கூட்டணியில் அமமுக நீடிக்கிறது: டிடிவி தினகரன்
தேசிய ஜனநாயக கூட்டணியிலேயே அமமுக நீடிப்பதாக அக்கட்சியின் பொதுச்செயலாளர் டிடிவி தினகரன் தெரிவித்துள்ளார். சென்னையில் செய்தியாளர்களை சந்தித்த அவர், 2021 தேர்தலில் அமித்ஷாவின் பேச்சை கேட்டு நடந்திருந்தால், திமுக ஆட்சிக்கு வந்திருக்காது எனக் கூறிய அவர், ஓபிஎஸ்ஸை பாஜக கைவிட்டதாக பேசுவது தவறு என்றார். தமிழகத்தில் தேசிய ஜனநாயக கூட்டணிக்கு அதிமுக தலைமை தாங்குவது கவனிக்கத்தக்கது.