News December 30, 2024
BREAKING: தவெகவினர் கைதுக்கு விஜய் கண்டனம்
தவெகவினர் கைது செய்யப்பட்டதற்கு விஜய் கண்டனம் தெரிவித்துள்ளார். தனது கடித நகல்களை பொதுமக்களிடம் த.வெ.க. நிர்வாகிகள் மாநிலம் முழுவதும் வழங்கியுள்ளதாக அவர் கூறியுள்ளார். ஆனால் சென்னையில் ஜனநாயக வழியில் விநியோகம் செய்த கட்சியினரை கைது செய்தது கண்டனத்துக்கு உரியது என குறிப்பிட்டுள்ளார். இது போன்ற ஜனநாயக விரோத நடவடிக்கையை மக்கள் வேடிக்கை பார்க்க மாட்டார்கள் எனவும் கூறியுள்ளார்.
Similar News
News April 3, 2026
திமுகவில் இணைந்த அமமுக நிர்வாகி.. டிடிவி தினகரன் ஷாக்
அமமுக முக்கிய நிர்வாகிகளில் ஒருவரான <<19555711>>பார்த்திபன்<<>>, TTV தினகரன் மீது ஏற்பட்ட அதிருப்தியால் திமுகவில் இணைந்துள்ளார். ஸ்டாலின் முன்னிலையில் திமுகவில் இணைந்த பிறகு செய்தியாளர்களிடம் பேசிய அவர், இனிமேல் TTV தினகரன் பற்றியோ அமமுக பற்றியோ தன்னிடம் கேட்க வேண்டாம் என காட்டமாக கூறினார். தேர்தல் நேரத்தில் முக்கிய நிர்வாகி கட்சியில் இருந்து விலகியது TTV தினகரன் தரப்புக்கு ஷாக் கொடுத்துள்ளது.
News April 3, 2026
சம்பளத்துடன் கூடிய விடுமுறை: ECI உத்தரவு
தமிழகம் உள்பட 5 மாநிலங்களில் பேரவைத் தேர்தல் நடைபெறவுள்ளது. இந்நிலையில், அந்தந்த மாநிலங்களில் தேர்தல் நடைபெறும் நாளில் சம்பளத்துடன் கூடிய விடுமுறை அளிக்க வேண்டும் என ECI உத்தரவிட்டுள்ளது. இது அரசு, பொது & தனியார் துறை என அனைத்து ஊழியர்களுக்கும் பொருந்தும். ஒருவேளை விடுமுறை அளிக்கப்படாவிடில், தொழிலாளர் நலத்துறை மூலம் அந்தந்த நிறுவனங்கள் மீது நடவடிக்கை எடுக்கப்படும் என எச்சரிக்கப்பட்டுள்ளது.
News April 3, 2026
ஜெகத்ரட்சகன் சொத்து பறிமுதல் ரத்து: SC
திமுக எம்பி ஜெகத்ரட்சகனின் சொத்துகளை பறிமுதல் செய்த உத்தரவை SC ரத்து செய்துள்ளது. சிங்கப்பூர் உள்ளிட்ட வெளிநாடுகளில் சட்டவிரோத பணப்பரிமாற்றத்தில் ஈடுபட்டதாக 2020-ம் ஆண்டு வழக்கு தொடரப்பட்டது. இதுதொடர்பாக ED சோதனை நடத்திய நிலையில், கோர்ட் உத்தரவின்படி ₹89.19 கோடி மதிப்பிலான சொத்துக்கள் பறிமுதல் செய்யப்பட்டன. இதை எதிர்த்து தொடரப்பட்ட வழக்கில், SC இந்த தீர்ப்பை வழங்கியுள்ளது.