News November 19, 2024
BREAKING: 3 மாவட்டங்களில் விடுமுறை குறித்த அப்டேட்
கனமழை எதிரொலியாக தற்போது வரை 3 மாவட்டங்களுக்கு விடுமுறை தொடர்பான அறிவிப்பு வெளியாகியுள்ளது. நாகை, தூத்துக்குடி மாவட்டங்களில் பள்ளிகளுக்கு மட்டும் விடுமுறை அளித்து அந்தந்த மாவட்ட ஆட்சியர்கள் உத்தரவிட்டுள்ளனர். அதேபோல், தஞ்சை மாவட்டத்தில் பள்ளிகளுக்கு விடுமுறை அளிப்பது தொடர்பாக தலைமை ஆசிரியர்கள் முடிவு எடுக்கலாம் என அறிவிக்கப்பட்டுள்ளது. மேலும், திருவாரூரிலும் விடுமுறை அளிக்க வாய்ப்புள்ளது.
Similar News
News November 19, 2024
எரியும் நெருப்பில் எண்ணெய் ஊற்றும் USA: ரஷ்யா கண்டனம்
தொலைதூர ஏவுகணைகளுக்கு அமெரிக்கா அனுமதியளித்திருப்பது எரியும் நெருப்பில் எண்ணெய் ஊற்றும் செயல் என்று ரஷ்யா கண்டனம் தெரிவித்துள்ளது. உக்ரைன் நாட்டிற்கு தொலைதூர ஏவுகணைகளை அளித்து அதனை ரஷ்யா மீது ஏவ அனுமதியும் அளித்திருக்கிறார் அமெரிக்க அதிபர் பைடன். இதனால், சர்வதேச அளவில் பதற்றம் அதிகரிக்கும் என்று ரஷ்யா பகிரங்க எச்சரிக்கை விடுத்துள்ளது.
News November 19, 2024
வார்னிங் விடுத்த வானிலை மையம்
தென்மேற்கு வங்கக்கடலில் வரும் 23ஆம் தேதி புதிய காற்றழுத்த தாழ்வு பகுதி உருவாக வாய்ப்புள்ளதாக IMD கணித்துள்ளது. குமரி, நெல்லை, தூத்துக்குடி, சிவகங்கை, ராமநாதபுரம், புதுக்கோட்டை, நாகை, திருவாரூர், தஞ்சை, மயிலாடுதுறை ஆகிய 10 மாவட்டங்களில் இன்று கனமழை பெய்யக்கூடும் எனவும், நாகை மீனவர்கள் இன்று முதல் மறு அறிவிப்பு வரும் வரை கடலில் மீன்பிடிக்க செல்ல வேண்டாம் என்றும் எச்சரித்துள்ளது.
News November 19, 2024
பாலியல் புகாரில் சிக்கிய நடிகர் சித்திக்கிற்கு முன் ஜாமீன்!
பாலியல் புகாரில் சிக்கியுள்ள மலையாள நடிகர் சித்திக்கிற்கு உச்ச நீதிமன்றம் முன் ஜாமீன் வழங்கியுள்ளது. மலையாள திரையுலகில் நடிகைகள் பாலியல் தொல்லைக்கு ஆளாவது நீதிபதி ஹேமா அறிக்கை மூலம் வெளிச்சத்திற்கு வந்தது. அதன் பின்னர், பல நடிகைகள் தங்களுக்கு நேர்ந்த கொடுமையை வெளிச்சத்திற்கு கொண்டுவந்தனர். நடிகர் சித்திக்கிற்கு எதிராக பிரபல நடிகை ஒருவர் கொடுத்த புகாரை சிறப்பு போலீசார் விசாரித்து வருகின்றனர்.