News October 8, 2025
BREAKING: ராமதாஸூடன் பேசினார் திருமா
பாமக நிறுவனர் ராமதாஸை தொலைபேசி மூலம் தொடர்புகொண்டு திருமா உடல்நலம் குறித்து விசாரித்துள்ளார். திவ்யா – இளவரசன் காதல் திருமண விவகாரம் இருசமூகத்தினர் இடையே மோதலாக மாறியதால், திருமாவுக்கும், ராமதாஸூக்கும் மனகசப்பு ஏற்பட்டது. இதனால், சுமார் 12 ஆண்டுகளாக இருவரும் பேசிக்கொள்ளவில்லை; அரசியல் ரீதியாக எதிரிகளாகவும் மாறினர். இந்நிலையில், இருவரும் பேசியது அரசியல் ரீதியாக முக்கியத்துவம் பெற்றுள்ளது.
Similar News
News October 8, 2025
உருக்கமாக மன்னிப்பு கேட்டார் விஜய்
கரூர் கூட்ட நெரிசலில் உயிரிழந்த குடும்பத்தாரிடம் விஜய் பேசியபோது, தனது மன்னிப்பை தெரிவித்துள்ளார். தம்பியை பறிகொடுத்த பெண் ஒருவர் அளித்த பேட்டியில், உங்கள் இழப்பு தாங்க முடியாத இழப்பு, என்னை (விஜய்) தம்பியாக நினைத்து கொள்ளுங்கள். என்மீது தப்புதான்; என்னை மன்னிச்சிடுங்க. வரமுடியாத சூழலில் போயிட்டேன். கோர்ட் ஆர்டர் வந்ததும் உங்களை வந்து சந்திக்கிறேன் என விஜய் உருக்கமாக பேசியதாக தெரிவித்துள்ளார்.
News October 8, 2025
N.ஆனந்த் பதுங்கியிருக்கும் இடம் இதுவா? Official தகவல்
கரூர் துயரத்தை அடுத்து தவெக பொதுச்செயலாளர் N.ஆனந்தையும், நிர்மல் குமாரையும் தேடிவருகிறது போலீஸ். இவர்கள் புதுச்சேரியில் பதுங்கியிருப்பதாக கூறப்பட்டது. இந்நிலையில், இதுகுறித்து அம்மாநில உள்துறை அமைச்சர் நமச்சிவாயம் விளக்கமளித்துள்ளார். புதுச்சேரியில் ஆனந்த் பதுங்கியிருக்கிறாரா என்பது பற்றி எதுவும் தெரியாது எனவும், இதுகுறித்து TN போலீஸ் தங்களை அணுகவில்லை என்றும் அவர் தெரிவித்துள்ளார்.
News October 8, 2025
பிரபல பாடகர் மரணம்.. கண்ணீர் அஞ்சலி
பஞ்சாபி பாடகரும் நடிகருமான ராஜ்வீர் ஜவாண்டா உயிரிழந்தார். சிம்லாவின் சோலன் என்ற பகுதியில் பைக்கில் சென்றுகொண்டிருந்தபோது இவர் சாலை விபத்தில் சிக்கினார். இதில் பலத்த காயமடைந்து 11 நாள்களாக ஹாஸ்பிடலில் அனுமதிக்கப்பட்டிருந்த நிலையில், சிகிச்சை பலனின்றி இன்று உயிர் பிரிந்தது. அவரது மறைவிற்கு சினிமா பிரபலங்கள், அரசியல் தலைவர்கள், ரசிகர்கள் பலரும் கண்ணீருடன் இரங்கல் தெரிவித்து வருகின்றனர்.