News October 4, 2025
BREAKING: இந்திய அணி அபார வெற்றி!
WI-க்கு எதிரான முதல் டெஸ்ட் போட்டியில் இந்திய அணி இன்னிங்ஸ் & 140 ரன்கள் வித்தியாசத்தில் வெற்றி பெற்றுள்ளது. முதல் இன்னிங்ஸில் WI 162 ரன்களுக்கு ஆல் அவுட்டாக, இந்தியா 448/5 ரன்களை குவித்து டிக்ளேர் செய்தது. 286 ரன்கள் பின்தங்கிய நிலையில் 2-வது இன்னிங்ஸை தொடங்கிய WI, இந்திய பவுலர்களின் பந்துவீச்சை எதிர்கொள்ள முடியாமல் 146 ரன்களில் சுருண்டது. ஜடேஜா 4 விக்கெட்களை வீழ்த்தினார்.
Similar News
News October 4, 2025
ஜப்பானில் முதல்முறையாக பெண் பிரதமர்?
தீவிர வலதுசாரி தலைவரான சனே தகைச்சி, ஜப்பான் பிரதமராக தேர்ந்தெடுக்கப்பட அதிக வாய்ப்புள்ளது. ஒருவேளை சனே தேர்ந்தெடுக்கப்பட்டால், ஜப்பானின் முதல் பெண் பிரதமர் என்ற வரலாற்று பெருமையை அவர் பெறுவார். ஆளும் LDP கட்சி தலைவருக்கான தேர்தலில் அவர் வெற்றி பெற்றுள்ள நிலையில், வரும் 15-ம் தேதி பிரதமரை தேர்ந்தெடுக்கும் நம்பிக்கை வாக்கெடுப்பிற்காக ஜப்பான் நாடாளுமன்றம் கூடும் என எதிர்பார்க்கப்படுகிறது.
News October 4, 2025
பழம்பெரும் நடிகை சந்தியா சாந்தாராம் காலமானார்
பாலிவுட்டின் பழம்பெரும் நடிகை சந்தியா சாந்தாராம் (94) காலமானார். இவர் இந்தி திரையுலகின் லெஜண்ட் இயக்குநரான மறைந்த வி.சாந்தாராமின் மனைவியாவார். ஜனக் ஜனக் பாயல் பாஜே, நவ்ரங், தோ ஆங்கென் பாரா ஹாத், பின்ஜாரா உள்ளிட்டவை இவர் நடித்த படங்களில் மிக பிரபலமானவை. மிகச்சிறந்த நடிகையான சந்தியா, நடனத்திலும் பெயர் பெற்றவர். இவரது மறைவுக்கு திரையுலகினர் இரங்கல் தெரிவித்து வருகின்றனர்.
News October 4, 2025
நீரவ் மோடிக்கு சகல வசதிகளும் கொண்ட சிறை
நீரவ் மோடியிடம் ₹13,000 கோடி PNB வங்கி மோசடி குறித்து விசாரிக்கப்பட மாட்டாது என UK அரசிடம் இந்திய அரசு உறுதியளித்துள்ளது. மேலும், சகல வசதிகளையும் கொண்ட தரமான சிறையில் அவர் அடைக்கப்படுவார் என்றும் தெரிவித்துள்ளது. இந்திய சிறைகளின் நிலையை கருத்தில் கொண்டு, நீரவ் மோடியை நாடு கடத்த UK கோர்ட் தயக்கம் காட்டியது. இதேபோல், பெல்ஜியத்தில் உள்ள அவரது உறவினர் மெகுல் சோக்ஸிக்கும் இந்திய அரசு உறுதியளித்தது.