News October 1, 2025
BREAKING: தங்கம் விலை புதிய Record… இதுவே முதல்முறை
தங்கம் விலை ₹87 ஆயிரத்தை கடந்து, வரலாறு காணாத புதிய உச்சத்தை எட்டியுள்ளது. 22 கேரட் ஆபரணத் தங்கத்தின் விலை 1 கிராமுக்கு ₹30 உயர்ந்து ₹10,890-க்கும், 1 சவரனுக்கு ₹240உயர்ந்து ₹87,120-க்கும் விற்பனை செய்யப்படுகிறது. கடந்த10 நாள்களில் மட்டும் தங்கம் விலை ₹4,800 அதிகரித்துள்ளது. இனி வரும் நாள்களில் விலை மேலும் அதிகரிக்க வாய்ப்புள்ளதாக நகைக்கடை உரிமையாளர்கள் கூறுகின்றனர்.
Similar News
News October 1, 2025
விஜய்தான் முக்கிய காரணம்: செந்தில் பாலாஜி
போலீஸ் சொல்லியும் விஜய் கேட்காததுதான் பிரச்னைக்கு முக்கிய காரணம் என்று செந்தில் பாலாஜி குற்றம் சாட்டியுள்ளார். ஜெனரேட்டர் அறைக்குள் தவெகவினர் நுழைந்தபோதுதான், மின் விநியோகம் தடைபட்டது. ஜெனரேட்டர் ஆஃப் ஆனபோதும், தெருவிளக்குகள் அணையவில்லை; மின் விநியோகம் இருந்தது எனக் கூறிய அவர், கூட்டம் நடக்கும் இடத்திற்கு அருகே வந்தபோது விஜய் வாகனத்தின் உள்ளே சென்றது ஏன் என்று கேள்வி எழுப்பினார்.
News October 1, 2025
கரூர் விவகாரத்தில் சதி உள்ளது: அதிமுக MP இன்பதுரை
கரூர் அசம்பாவிதம் தொடர்பாக காவல்துறை மீது நம்பிக்கை இல்லை என்றும், வழக்கை சிபிஐயிடம் ஒப்படைக்க வேண்டும் எனவும் அதிமுக MP இன்பதுரை தெரிவித்துள்ளார். கரூர் விவகாரத்தில் சதி உள்ளதாகவும், அரசின் தவறே மக்கள் உயிரிழக்க காரணம் என்றும் அவர் குற்றம்சாட்டியுள்ளார். தமிழகத்தின் சாபக்கேடு தற்போது டிஜிபியே இல்லாதது எனவும் அவர் விமர்சித்துள்ளார்.
News October 1, 2025
முற்றிலுமாக முடங்கிய அமெரிக்க அரசு
செலவினங்கள் தொடர்பான மசோதா செனட் சபையில் நிறைவேறாததால், அமெரிக்கா முடங்கியுள்ளது. மசோதாவை நிறைவேற்ற 60 வாக்குகள் தேவைப்படும் நிலையில் டிரம்பின் அரசுக்கு 55 வாக்குகள் மட்டுமே கிடைத்தது. இதனால் அத்தியாவசிய ஊழியர்களைத் தவிர மற்ற அனைத்து பெடரல் ஊழியர்களும் கட்டாய விடுப்பில் அனுப்பப்படுவார்கள். கடந்த 6 ஆண்டுகளில் அமெரிக்கா ஷட் டவுன் ஆவது இதுவே முதல்முறையாகும்.