News February 27, 2026
BREAKING: ரிங்கு சிங்கின் தந்தை காலமானார்!
இந்திய அணியின் அதிரடி ஆட்டக்காரர் ரிங்கு சிங்கின் தந்தை கான் சந்த் சிங் காலமானார். கடந்த ஒரு வருடமாக கல்லீரல் புற்றுநோயுடன் போராடி வந்த அவர், நொய்டாவில் உள்ள தனியார் ஹாஸ்பிடலில் சிகிச்சை பலனின்றி உயிரிழந்துள்ளார். இதன்காரணமாகவே ஜிம்பாப்வே அணிக்கு எதிரான நேற்றைய போட்டியில், ரிங்கு சிங் விளையாடவில்லை என்பது குறிப்பிடத்தக்கது. அவரது மறைவுக்கு பலரும் இரங்கல் தெரிவித்து வருகின்றனர். #RIP
Similar News
News February 27, 2026
228 தாலிபான்களை கொன்று குவித்த பாகிஸ்தான்
பாகிஸ்தான் நடத்திய வான்வழி தாக்குதலுக்கு பதிலடி கொடுக்கும் வகையில், நேற்றிரவு பாக்., ராணுவ முகாம்களை குறிவைத்து ஆப்கன் தாக்குதல் நடத்தியது. இதனையடுத்து ஆப்கன் தலைநகர் காபூல் உள்ளிட்ட இடங்களில் பாகிஸ்தான் கடும் தாக்குதலை நடத்த தொடங்கியுள்ளது. இதில் இதுவரை 228 தாலிபான் வீரர்கள் கொல்லப்பட்டதாகவும், 314 பேர் படுகாயம் அடைந்துள்ளதாகவும் பாக்., ராணுவத்தின் தரப்பில் தெரிவிக்கப்பட்டுள்ளது.
News February 27, 2026
அதிமுக கூட்டணிக்கு பிராமணர் சங்கம் ஆதரவு
தேர்தலையொட்டி, சிறிய கட்சிகள் மற்றும் அமைப்புகள் தங்களது ஆதரவு நிலைப்பாட்டை தெரிவித்து வருகின்றன. அந்த வகையில், அதிமுக கூட்டணிக்கு தமிழ்நாடு மாநில பிராமணர் சங்கம் ஆதரவு தெரிவித்துள்ளது. சங்கத்தின் மாநில தலைவர் கணேசன் உள்ளிட்ட முக்கிய நிர்வாகிகள், சென்னையில் EPS-ஐ சந்தித்து வரும் தேர்தலில் அதிமுகவின் வெற்றிக்கு பாடுபடுவோம் என உறுதியளித்து, பூங்கொத்து கொடுத்து வாழ்த்தினர்.
News February 27, 2026
விஜய்க்கு நடிகையுடன் தொடர்பு… மனைவி பகீர் புகார்
<<19254381>>விவகாரத்து கோரிய மனுவில்<<>> விஜய் மீது அடுக்கடுக்கான குற்றச்சாட்டுகளை அவரது மனைவி சங்கீதா சுமத்தியுள்ளார். நடிகையுடன் திருமணத்தை மீறிய உறவில் விஜய் இருந்ததாகவும், இந்த விஷயம் தனக்கு 2021 ஏப்ரலில் தெரியவந்ததாகவும் தெரிவித்துள்ளார். விஜய்யின் நம்பிக்கை துரோகத்தால் தான் மன அழுத்தத்திற்கு ஆளானதாகவும் அவர் கூறியுள்ளார். மேலும், 2021 முதல் தன்னை தனியாக வாழுமாறு விஜய் நிர்பந்தித்ததாகவும் அவர் குறிப்பிட்டுள்ளார்.