News December 14, 2025
BREAKING: புதிய கட்சியை தொடங்கினார் ஓபிஎஸ்
அதிமுக தொண்டர்கள் உரிமை மீட்பு குழுவை, கழகமாக OPS மாற்றியுள்ளார். மாவட்டச் செயலாளர்கள் ஆலோசனைக் கூட்டம் டிச.23-ம் தேதி மாலை 5 மணிக்கு நடைபெறும். இதில், அனைவரும் தவறாமல் கலந்து கொள்ள வேண்டும் என்று அறிக்கை வெளியிட்டுள்ளார். இதுவரை அதிமுக தொண்டர்கள் உரிமை மீட்பு குழு என அறிக்கை வெளியிட்ட OPS, அதனை அண்ணா திராவிட முன்னேற்ற தொண்டர்கள் உரிமை மீட்புக் கழகம் (கட்சி) என மாற்றியுள்ளார்.
Similar News
News December 14, 2025
முட்டை விலை மீண்டும் புதிய உச்சம்
முட்டை விலை ஒவ்வொரு நாளும் புதிய உச்சத்தை தொட்டு வருகிறது. கடந்த நாள்கள் மட்டும் 15 காசுகள் உயர்ந்துள்ள நிலையில், நாமக்கல் கோழிப் பண்ணை வரலாற்றில் முதன்முறையாக 1 முட்டையின் கொள்முதல் விலை ₹6.25 ஆக உயர்ந்துள்ளது. கோழித் தீவன பொருள்களின் விலையேற்றமே, கொள்முதல் விலை உயர்வுக்கு காரணமாக சொல்லப்படுகிறது. இதன்மூலம், சில்லறை விலையில் 1 முட்டை ₹8-க்கு மேல் விற்க வாய்ப்புள்ளது. உங்க பகுதியில் விலை என்ன?
News December 14, 2025
தொடர் விடுமுறை.. சபரிமலைக்கு சிறப்பு ரயில்கள்
சபரிமலை கோயிலுக்கு நாள்தோறும் ஆயிரக்கணக்கான மக்கள் சென்று வருகின்றனர். புத்தாண்டு உள்ளிட்ட தொடர் விடுமுறையையொட்டி கூட்டம் மேலும் அதிகரிக்கும் என எதிர்பார்க்கப்படுகிறது. இதனை கருத்தில் கொண்டு, 30 சிறப்பு ரயில்கள் அறிவிக்கப்பட்ட நிலையில், தற்போது மேலும் 18 ரயில்கள் கூடுதலாக இயக்கப்படும் என தெற்கு ரயில்வே அறிவித்துள்ளது. ஜன.14-ம் தேதி மகரஜோதி விழா நடைபெறும் வரை கூடுதல் ரயில்கள் இயக்கப்பட உள்ளன.
News December 14, 2025
தமிழகத்தில் SIR படிவ பதிவேற்றம் நிறைவு
கடும் எதிர்ப்புகளுக்கு மத்தியில், தமிழகத்தில் SIR படிவங்களை நிரப்பி அளிப்பதற்கான கால அவகாசம் முடிவடைந்துள்ளது. இதனையடுத்து, டிச.19-ல் வரைவு வாக்காளர் பட்டியல் வெளியிடப்படும். தொடர்ந்து பிப்.14-ம் தேதி இறுதி வாக்காளர் பட்டியல் வெளியாகும். இதனிடையே, நவ.4 முதல் பெறப்பட்ட SIR படிவங்களை ஆன்லைனில் பதிவேற்றும் பணிகள் இறுதிக்கட்டத்தில் தீவிரமாக நடைபெற்று வருகின்றன.