News November 19, 2025
BREAKING: பதவியை பறித்தார் ஸ்டாலின்
கோவை மேற்கு திமுக ஒன்றிய செயலாளர் பி.வி.மகாலிங்கத்தின் பதவியை பறித்து, ஸ்டாலின் அதிரடியாக உத்தரவிட்டுள்ளார். திமுகவில் இருந்து கொண்டே, அதிமுகவினருடன் மகாலிங்கம் தொடர்பில் இருந்துள்ளார். இன்று நடந்த ‘ஒன் டூ ஒன்’ சந்திப்பின்போது, இதுதொடர்பாக புகார் எழுந்த நிலையில், உடனே அவரின் கட்சிப் பதவியை, ஸ்டாலின் பறித்துள்ளார். மேலும், பதவி பறிப்பு நடவடிக்கை தொடரும் என்றும் திமுகவினரை எச்சரித்துள்ளார்.
Similar News
News April 6, 2026
EPS-ஐ பந்தயத்துக்கு அழைத்த துரைமுருகன்
தனது உடல்நலன், வயது மூப்பு குறித்த EPS-ன் பேச்சுக்கு துரைமுருகன் பதிலடி கொடுத்துள்ளார். வேலூர் பிரசாரத்தில் பேசிய EPS, எழுந்து நடக்கவே முடியாத துரைமுருகனால் எப்படி தொகுதி முழுக்க சென்று மக்களின் குறைகளை கேட்க முடியும் என கேள்வி எழுப்பியிருந்தார். இதற்கு பதிலளித்துள்ள துரைமுருகன், வேண்டுமென்றால் EPS-ஐ என்னுடன் நடைபயிற்சி போட்டிக்கு வரச் சொல்லுங்கள் பார்க்கலாம் என கூறி அழைப்பு விடுத்துள்ளார்.
News April 6, 2026
தமிழகத்தில் 9 பேருக்கு தூக்கு தண்டனை.. பரபரப்பு தீர்ப்பு
சாத்தான்குளம் தந்தை, மகன் கொலை வழக்கில் 9 போலீசாருக்கும் இரட்டை மரண தண்டனை விதித்து மதுரை கோர்ட் பரபரப்பு தீர்ப்பு வழங்கியுள்ளது. முதல் குற்றவாளியான இன்ஸ்பெக்டர் ஸ்ரீதருக்கு மரண தண்டனையுடன் சேர்த்து ₹15 லட்சம் அபராதமும் விதிக்கப்பட்டுள்ளது. தமிழகத்தை உலுக்கிய இந்த வழக்கின் விசாரணை, 5 ஆண்டுகளாக நடைபெற்று வந்த நிலையில் நீதிபதி முத்துக்குமரன் இந்த தீர்ப்பை வழங்கியுள்ளார்.
News April 6, 2026
சாத்தான்குளம் வழக்கில் நீதிபதி அதிரடி தீர்ப்பு
சாத்தான்குளம் தந்தை மகன் கொலை வழக்கில் 9 பேருக்குமான தண்டனை விவரம் அறிவிக்கப்பட்டது. தந்தை, மகனை நிர்வாணப்படுத்தி அடித்தது கொடூர செயல் என தெரிவித்த மதுரை கோர்ட், சட்டத்தை காக்க வேண்டிய போலீசாரே குற்றம் செய்துள்ளதாகவும் குற்றஞ்சாட்டியுள்ளது. மேலும், மத்திய அரசு அளித்த அறிக்கையில், குற்றவாளிகளுக்கு தூக்கு தண்டனை வழங்க வேண்டும் என தெரிவிக்கப்பட்டுள்ளதாகவும் குறிப்பிட்டது.