News October 13, 2025
தீபாவளி ட்ரீட் கொடுக்கும் ‘கருப்பு’
‘கருப்பு’ படத்தை தீபாவளிக்கு ரிலீஸ் செய்ய எவ்வளவோ முயற்சித்தும் முடியவில்லை என அப்படத்தின் இயக்குநர் ஆர்ஜே பாலாஜி தெரிவித்துள்ளார். இன்னும் கிராஃபிக்ஸ் பணிகள் நிறைவு பெறவில்லை எனவும், தீபாவளிக்கு முதல் பாடல் வெளியாகும் என்றும் அவர் கூறியுள்ளார். மேலும், படம் நன்றாக வந்துள்ளதாகவும் தெரிவித்துள்ளார். நீண்ட இடைவேளைக்கு பிறகு இப்படத்தில் சூர்யாவிற்கு ஜோடியாக த்ரிஷா நடித்துள்ளார்.
Similar News
News October 13, 2025
அக்டோபர் 13: வரலாற்றில் இன்று
*பன்னாட்டு இயற்கை பேரிடர் குறைப்பு நாள். *1792 – வெள்ளை மாளிகைக்கான அடிக்கல் நாட்டப்பட்டது. *1884 – சர்வதேச நேரம் கணிக்கும் இடமாக லண்டனில் உள்ள கிரீன்விச் தெரிவு செய்யப்பட்டது. *1923 – துருக்கியின் தலைநகர் இஸ்தான்புல் இலிருந்து அங்காராவுக்கு மாற்றப்பட்டது. *1956- தமிழ்நாடு என பெயர் வைக்க போராடி உயிர்நீத்த சங்கரலிங்கனார் இறந்த நாள். *1990 – தென்னிந்தியத் திரைப்பட நடிகை பூஜா ஹெக்டே பிறந்தநாள்.
News October 13, 2025
‘பாகுபலி 1’ வாழ்நாள் வசூலை முந்திய ‘காந்தாரா சாப்டர் 1’
‘காந்தாரா சாப்டர் 1’ படம் உலகம் முழுவதும் ₹590 கோடி வசூல் செய்துள்ள நிலையில், இந்தியாவில் மட்டும் ₹435.59 கோடி நிகர வசூலை ஈட்டியுள்ளதாக தகவல் வெளியாகியுள்ளது. இதன்மூலம், ‘பாகுபலி 1’ மற்றும் ‘சலார்’ படங்களின் வாழ்நாள் நிகர வசூலை அப்படம் முந்தியுள்ளது. ‘பாகுபலி 1’ படம் இந்தியாவில் ₹420 கோடியும், ‘சலார் 1’ படம் ₹406.45 கோடியும் நிகர வசூலாக ஈட்டியது குறிப்பிடத்தக்கது.
News October 13, 2025
RSS நிகழ்ச்சிகளுக்கு தடைவிதிக்க கோரிக்கை
கர்நாடகாவில் உள்ள அரசு பள்ளிகள், கோயில்களில் RSS நிகழ்ச்சிகளுக்கு தடைவிதிக்க CM சித்தராமையாவை வலியுறுத்தியுள்ளதாக அம்மாநில அமைச்சர் பிரியங்க் கார்கே தெரிவித்துள்ளார். இளம் வயதினரை RSS மூளைச்சலவை செய்கிறது. அந்த அமைப்பின் தத்துவங்கள் நல்லவையாக இருந்தால் பாஜக தலைவரின் குழந்தைகள் ஏன் பின்பற்றுவதில்லை. அரசியலமைப்பிற்கு எதிரான தத்துவத்தை இளம் வயதினரிடையே பரப்புவதாகவும் அவர் சாடியுள்ளார்.