News June 12, 2024
உட்கட்சி மோதல் தொடர்பாக அறிக்கை கேட்கும் பாஜக
தமிழக பாஜகவில் ஏற்பட்டிருக்கும் உட்கட்சி மோதல் தொடர்பாக மேலிடம் அறிக்கை கேட்டிருப்பதாகத் தகவல் வெளியாகியிருக்கிறது. அதிமுகவுடன் கூட்டணியமைத்திருந்தால் ஜெயித்திருக்கலாம் என்று தமிழிசை பேசியிருந்தார். இதற்கு அண்ணாமலை ஆதரவாளர்கள் எதிர்ப்புக் குரல் எழுப்பினர். இந்நிலையில், நிலைக்குழு உறுப்பினர்களான வானதி சீனிவாசன், பொன். ராதாகிருஷ்ணன் ஆகியோரிடம் பியூஷ் கோயல் அறிக்கை கேட்டிருக்கிறாராம்.
Similar News
News November 12, 2025
டெல்லியில் முழுமையான குண்டு வெடிக்கவில்லை
டெல்லி கார் குண்டு வெடிப்பு தற்கொலைப்படை தாக்குதல் அல்ல என உளவுத்துறை வட்டாரங்கள் தெரிவிக்கின்றன. ஃபரிதாபாத்தில் 2,900 கிலோ வெடிபொருள் சிக்கியதால், தன்னிடம் உள்ள வெடிபொருளும் சிக்கிவிடுமோ என்ற அச்சத்தில், குண்டு ஆரம்ப நிலையில் இருந்த போதே, உமர் அதை வெடிக்க வைத்துள்ளார். முழுமை பெற்ற குண்டு வெடித்திருந்தால் நிச்சயம் பேரழிவு ஏற்பட்டிருக்கும் என உளவுத்துறை அதிகாரிகள் தெரிவிக்கின்றனர்.
News November 12, 2025
தினம் ஒரு திருக்குறள்
▶குறள் பால்: பொருட்பால் ▶இயல்: அரசியல் ▶அதிகாரம்: தெரிந்துவினையாடல் ▶குறள் எண்: 517 ▶குறள்: இதனை இதனால் இவன்முடிக்கும் என்றாய்ந்து அதனை அவன்கண் விடல். ▶பொருள்: ஒரு காரியத்தை ஒருவர் எப்படி செய்து முடிப்பார் என்பதை ஆராய்ந்து பார்த்து, அதற்குப் பிறகு அந்தக் காரியத்தை அவரிடம் ஒப்படைக்க வேண்டும்.
News November 12, 2025
ஏழுமலையான் பக்தர்களுக்கு மெகா அன்னதானம்: அம்பானி
திருப்பதியில் தினமும் சராசரியாக ஒரு லட்சம் பக்தர்களுக்கு அன்னதானம் வழங்கப்படுகிறது. இந்நிலையில், தினசரி 2 லட்சத்திற்கும் மேற்பட்டோருக்கு அன்னதானம் வழங்கும் வகையில், அதிநவீன சமையல் கூடத்தை அமைத்து தர உள்ளதாக முகேஷ் அம்பானி அறிவித்துள்ளார். அனைத்து பக்தர்களுக்கும் சுகாதாரமான, ஊட்டச்சத்து மிகுந்த பிரசாதத்தை வழங்க தேவஸ்தானம் மற்றும் ஆந்திர அரசுடன் இணைந்து பணியாற்ற உள்ளதாகவும் தெரிவித்துள்ளார்.