News February 25, 2025
இந்தியை திணிக்க பாஜக முயலவில்லை: டிடிவி தினகரன்
பொய்யான வாக்குறுதிகளை கூறி அதனை நிறைவேற்ற முடியாமல் மத்திய அரசு மீது முதல்வர் ஸ்டாலின் பழி போட்டு வருவதாக டி.டி.வி. தினகரன் குறை கூறியுள்ளார். ராமநாதபுரத்தில் பேசிய அவர், புதிய கல்விக் கொள்கையில் இந்தி திணிப்பு என்று கூறுவது தவறான வாதம் என்றார். தி.மு.க.வுக்கு எதிராக தமிழக மக்கள் உள்ளதாகவும், அவர்களை மடைமாற்றவே மீண்டும் மொழிப்போர் என திமுக பொய் பிரசாரம் செய்வதாகவும் அவர் சாடியுள்ளார்.
Similar News
News February 25, 2025
ரேஷன் கடைகளில் ஒரே நேரத்தில் பொருள்: அமைச்சர்
ரேஷன் கடைகளில் ஒரே நேரத்தில் அனைத்து பொருள்களையும் வழங்க உணவு மற்றும் உணவுப்பொருள் வழங்கல்துறை அமைச்சர் சக்கரபாணி உத்தரவிட்டுள்ளார். உணவுத்துறை உயர் அலுவலர்களின் ஆய்வுக் கூட்டத்தில் பேசிய அவர், அனைத்து பொருள்களும் தரத்துடன் இருப்பதையும், எடை சரியாக இருப்பதையும் உறுதி செய்யவும் ஆணையிட்டார். அரிசி கடத்தலை தடுக்க மாநில எல்லைகளில் கண்காணிப்பை தீவிரப்படுத்த அறிவுறுத்தினார்.
News February 25, 2025
உலகளவில் ஊழியர்களை நீக்கும் ஸ்டார்பக்ஸ்
ஸ்டார்பக்ஸ் நிறுவனம் உலகம் முழுவதும் 1,100 கார்ப்பரேட் ஊழியர்களை நீக்க உள்ளதாக அறிவித்துள்ளது. யாரெல்லாம் நீக்கப்படுகிறார்கள் என்பது குறித்து இன்று மதியம் ஊழியர்களுக்கு தெரிவிக்கப்படும் எனவும் தெரிவித்துள்ளது. மேலும், ஏற்கனவே காலியாக உள்ள பணியிடங்களையும் நிரப்ப மாட்டோம் எனவும் அந்நிறுவனம் கூறியுள்ளது. நிறுவனத்தின் காபி பார்களில் பணிபுரியும் பாரிஸ்டாக்கள் பணிநீக்கத்தில் சேர்க்கப்படவில்லை.
News February 25, 2025
சச்சின் சாதனையை கோலி முறியடிப்பாரா? Chances என்ன?
அதிக ODI சதங்களின் பட்டியலில், கோலி நிச்சயமாக சச்சினை முந்துவார். ஆனால், ஒட்டுமொத்தமாக சச்சினின் 100 சதங்களின் ரெக்கார்டை கோலி முந்துவாரா என்பதே கேள்வி. கோலி 82 சதங்களை அடித்துள்ளார். 2027 ODI உலக கோப்பை விளையாட வாய்ப்புகள் உள்ளன. 2 ஆண்டுகள் இருப்பதால், கோலி இச்சாதனையை முறியடிப்பார் என்றே ரசிகர்கள் நம்புகிறார்கள். ஆனால், அவர் தனது கேரியரின் உச்சத்தில் இருக்க வேண்டும்! சாதிப்பாரா கோலி?