News April 8, 2024
காங்கிரஸ் செய்யாததை செய்து காட்டிய பாஜக
காங்கிரஸ் 30 ஆண்டுகளில் செய்யாததை பாஜக 10 ஆண்டுகளில் செய்ததாக மத்திய அமைச்சர் ராஜ்நாத் சிங் கூறியுள்ளார். நாமக்கல்லில் பாஜக வேட்பாளர் ராமலிங்கத்தை ஆதரித்து பேசிய அவர், விரைவில் சூப்பர் பவராக இந்தியா மாறும். 11 ஆவது இடத்தில் இருந்த இந்திய பொருளாதாரம் 4 ஆவது இடத்திற்கு முன்னேறியுள்ளது எனக் கூறினார். மேலும், திமுகவும், காங்கிரசும் இதுவரை மக்களுக்காக எதுவும் செய்யவில்லை என்றார்.
Similar News
News August 12, 2025
இறை வழிபாட்டின் முழு பலனை பெற..
வீட்டில் தினமும் இஷ்ட தெய்வத்தை வணங்க முடியவில்லை என்றால், அதற்கு கர்ம வினைகளே காரணமாக இருக்கும். இந்த கர்ம வினையை மாற்றி, வீட்டில் பூஜை செய்ய, இந்த 3 விஷயங்களை செய்யுங்கள். வீட்டில் பூஜை செய்யும் போது, இறைவனின் படத்திற்கு கைகளால் பூக்களைத் தூவி, மனதை ஒருநிலைப்படுத்தி, வாய் முழுக்க சத்தமாக கடவுள் மந்திரங்களை சொல்லி பூஜியுங்கள். இது பூஜையின் முழு பலன்களை அடைய செய்யும் என்பது ஐதீகம்.
News August 12, 2025
ராகுல் காந்தி கைதுக்கு கமல் கண்டனம்
வெளிப்படைத்தன்மை கேட்டு போராடிய MP-க்களை கைது செய்தது ஜனநாயகத்தையே ஸ்தம்பிக்கச் செய்வதற்கு சமம் என MP கமல்ஹாசன் தெரிவித்துள்ளார். ராகுல் காந்தி கைதை கண்டித்து அவர் வெளியிட்ட அறிக்கையில், வாக்களிப்பின் உண்மைத்தன்மை கேள்விக்குறியாகும் போது, அது வெறும் அரசியல் சச்சரவு அல்ல, சுதந்திரம், கண்ணியம், நீதியின்பால் நம்பிக்கை கொண்ட ஒவ்வொரு இந்தியருக்கும் தார்மீக நெருக்கடி என குறிப்பிட்டுள்ளார்.
News August 12, 2025
இந்தியா கூட்டணியினருக்கு இரவு விருந்தளித்த கார்கே
இந்தியா கூட்டணியை சேர்ந்த முக்கிய தலைவர்களுக்கு காங்., தலைவர் மல்லிகார்ஜுன கார்கே இரவு விருந்தளித்தார். இதில், சரத் பவார், சோனியா காந்தி, ராகுல் காந்தி உள்ளிட்ட பல முக்கிய தலைவர்கள் கலந்து கொண்டனர். சமாஜ்வாதி கட்சியின் அகிலேஷ் யாதவ், திமுகவை சேர்ந்த கனிமொழி, டி.ஆர்.பாலு உள்ளிட்ட பல கூட்டணி கட்சி நிர்வாகிகளும், கூட்டணியில் இடம்பெறாத ஆம் ஆத்மி கட்சி பிரமுகர்களும் பங்கேற்றனர்.