News October 6, 2025
இன்று பாஜக மையக்குழு கூட்டம்
சென்னை கமலாலயத்தில் இன்று மதியம் பாஜக மையக்குழு கூட்டம் நடைபெறவுள்ளது. இதில், பாஜக மாநிலத் தலைவர் நயினார், தமிழக தேர்தல் பொறுப்பாளர் பைஜெயந்த் பாண்டா, இணை பொறுப்பாளர் முரளிதர் மோஹல் உள்ளிட்டோர் பங்கேற்கின்றனர். தகுதியான வேட்பாளர்களை அடையாளம் காணுவது, கூட்டணியில் புதிய கட்சிகளை இணைப்பது, தேர்தல் பணியை தீவிரப்படுத்துவது, கூட்டணி கட்சிகளுடன் இணக்கமாக செல்வது உள்ளிட்டவை குறித்து ஆலோசிக்கப்படவுள்ளன.
Similar News
News October 6, 2025
நீ பெரும் கலைஞன்..
கனடாவில் நடைபெற்ற அல்பெர்டா இந்திய திரைப்பட விழா 2025-ல், முதல்முறையாக ‘Golden Beaver Award’ என்ற விருது அறிமுகப்படுத்தப்பட்டுள்ளது. இந்திய சினிமாவில் ஒருவரின் சாதனைகளையும், பங்களிப்பையும் கெளரவிக்கும் விதமாக அறிமுகப்படுத்தப்பட்ட இந்த விருதை முதலில் பெற இவரை விட பெஸ்ட் சாய்ஸ் வேறொருவர் உண்டோ. பலத்த கரகோஷங்களுக்கு மத்தியில் நடிகர் கமல்ஹாசன் இந்த விருதை பெற்றுள்ளார்.
News October 6, 2025
Recipe: கோதி அல்வா செய்வது எப்படி?
முழு கோதுமையை கழுவி, 6 மணி நேரம் நீரில் ஊற வைக்கவும். பின் கிரைண்டரில் போட்டு அரைத்து, அதை பிழிந்து பாலெடுக்கவும். அதிலிருந்து கிடைக்கும் கெட்டியான பாலை எடுத்து, அடி கனமான பாத்திரத்தில் ஊற்றி காய்ச்சவும். கொதி வந்ததும், அதில் பனை வெல்லம் சேர்க்கவும். அத்துடன், சிறுக சிறுக நெய் சேர்த்து இடைவிடாது கிளறவும். பதம் வந்ததும் ஏலக்காய் தூள், முந்திரி போட்டு இறக்கி ஆறவைத்தால் கோதி அல்வா ரெடி. SHARE IT.
News October 6, 2025
கடற்கொள்ளையர்கள் அட்டகாசம்: 11 மீனவர்கள் காயம்
நாகை மீனவர்கள் மீது கடற்கொள்ளையர்கள் நடத்திய கொடூர தாக்குதலில் 11 பேர் காயமடைந்தனர். ஆழ்கடலில் மீன் பிடித்துக் கொண்டிருந்தபோது அங்கு வந்த கடற்கொள்ளையர்கள், மீனவர்களை அரிவாளால் சரமாரியாக தாக்கியுள்ளனர். மேலும் படகு என்ஜின், ஜிபிஎஸ் கருவி, வாக்கி டாக்கி, வலைகள், மீன்கள் மற்றும் தங்க செயின்களை பறித்துச் சென்றுள்ளனர். நடுக்கடலில் தத்தளித்த மீனவர்கள் தப்பி தடுமாறி கரைவந்து சேர்ந்துள்ளனர்.