News September 26, 2025
GST உயர்ந்தும் விலை அதிகரிக்காத பைக்
சமீபத்திய GST சீர்திருத்தங்களின் அடிப்படையில், 350 cc-க்கு அதிகமான பைக்குகளுக்கான GST 28%-லிருந்து 40% ஆக அதிகரித்தது. இருப்பினும், பிரபல Harley Davidson நிறுவனம், விலையை ஏற்றாமல் இருக்கும் நிலையிலேயே தொடர்வதாக அறிவித்துள்ளது. இதனால் Harley Davidson x440 பைக்குகள் ₹2.40 லட்சம் – ₹2.80 லட்சம் விலையிலேயே விற்பனையாகின்றன. உயர் ரக Street Glide வகை பைக் ₹42.50 லட்சத்துக்கு விற்பனையாகிறது.
Similar News
News September 26, 2025
விசிகவை தொடர்ந்து காங்கிரஸும் கடும் எதிர்ப்பு!
வள்ளிகும்மி கலைஞர் KKC பாலுவிற்கு அறிவிக்கப்பட்ட கலைமாமணி விருதை திரும்ப பெற வேண்டும் என விசிகவை தொடர்ந்து காங்., வலியுறுத்தியுள்ளது. வள்ளிகும்மியில் பிற சாதி ஆண்களை திருமணம் செய்யமாட்டோம் என இளம்பெண்களை பாலு உறுதிமொழி எடுக்க வைத்ததாக, சசிகாந்த் செந்தில் வீடியோ வெளியிட்டு பதிவிட்டுள்ளார். மேலும், சாதி பாகுபாடுகளை நிறுவனமயப்படுத்தும் வள்ளிகும்மியை அரசு ஆதரிக்க கூடாது என்றும் வலியுறுத்தியுள்ளார்.
News September 26, 2025
மனிதத்தன்மையை வன்முறை அழித்துவிடும்: நிவேதா பெத்துராஜ்
செய்தி ஊடகங்களின் கொலை, போர், கொடுமை காட்சிகள்தான் எளிதில் பகிரப்படுவதாக நடிகை நிவேதா பெத்துராஜ் வேதனை தெரிவித்துள்ளார். இதுகுறித்த அவரின் பதிவில், நாம்தேடாவிட்டாலும் அதை நுகர்கிறோம் என குறிப்பிட்டவர், இந்த அளவு வன்முறை நம்முள் உள்ள மனிதத்தன்மையை அழித்து விடும் எனவும் சுட்டிக்காட்டினார். மேலும், தகவலை அறிய வேறு வழி தேவை என்றும் பதிவிட்டுள்ளார். சோஷியல் மீடியாவில் நெகட்டிவிட்டி தான் ஜாஸ்தியா?
News September 26, 2025
விஜய் வாகனத்தை ஃபாலோ செய்யாதீங்க
தவெக தலைவர் விஜய் நாளை, கரூர், நாமக்கல் மாவட்டங்களில் பரப்புரை செய்கிறார். இந்நிலையில், விஜய்யின் வாகனத்தை யாரும் பின்தொடர வேண்டாம். மக்கள் சந்திப்பு நடைபெறும் பகுதிகளில் உள்ள கட்டடம், மின் விளக்கு கம்பம் உள்ளிட்டவற்றின் அருகில் செல்ல வேண்டாம். கர்ப்பிணிகள், முதியவர்கள், உடல்நலம் குன்றியோர், சிறார்கள், பரப்புரைக்கு நேரில் வருவதை தவிர்க்க வேண்டும் என தவெக தலைமை அறிவுறுத்தியுள்ளது.