News March 29, 2024
வங்கிகள் இன்று செயல்படாது
கிறிஸ்தவர்களின் புனித வெள்ளி விழாவையொட்டி, தமிழகம் உள்ளிட்ட பல்வேறு மாநிலங்களில் இன்று வங்கிகளுக்கு விடுமுறை விடப்பட்டுள்ளது. இதனால் அனைத்து வங்கிகளும் இன்று மூடப்பட்டிருக்கும். அதேநேரத்தில் இணையதள வங்கி சேவைகள் செயல்படும். ஏடிஎம் மைய சேவைகளும் எந்தத் தடையும் இன்றி செயல்படும். நிதியாண்டு 31ஆம் தேதி முடிவதால், நாளை (சனி), நாளை மறுநாள் (ஞாயிறு) வங்கிகளை திறக்க அறிவுறுத்தப்பட்டுள்ளது.
Similar News
News March 22, 2026
திமுக கூட்டணி உடைந்தது.. அடுத்தடுத்து பரபரப்பு
திமுக கூட்டணியில் இருந்து விலகுவதாக அறிவித்த வேல்முருகன், திமுக மீது அடுக்கடுக்கான குற்றச்சாட்டுகளை முன்வைத்து பரபரப்பை கிளப்பியுள்ளார். திமுக அமைச்சர்கள் செய்த முறைகேடுகளுக்கு தன்னிடம் ஆதாரம் இருப்பதாகக் கூறி அவர் குண்டை தூக்கி போட்டுள்ளார். மேலும், கூட்டணியில் இருந்து வெளியேறுவதால் பழைய வழக்கை தூசி தட்டி எடுத்து தனக்கு சம்மன் அனுப்பியுள்ளதாகவும் வேல்முருகன் குற்றஞ்சாட்டியுள்ளார்.
News March 22, 2026
சமைக்க மறுத்த கர்ப்பிணி மனைவியை கொன்ற கணவன்
<<19323558>>சாம்பார் வைக்காததால்<<>> மனைவியை கணவன் கொன்ற அதிர்ச்சி நீங்கும்முன், ம.பி.யில் கீரை சமைக்கவில்லை என கர்ப்பிணி மனைவியை கணவன் கொலை செய்தது அதிர்ச்சியை ஏற்படுத்தியுள்ளது. ’இப்ப தாங்க சமையல் முடிச்சேன், கீரையை அப்புறம் சமைக்கிறேன்’ என மனைவி சொல்ல, ஆத்திரமடைந்த கணவன், கர்ப்பிணி என்றும் பாராமல் அவரை 200 அடி தொலைவுக்கு இழுத்து சென்று வயலில் கிடந்த கோடரியை எடுத்து வெட்டி கொன்றுள்ளான். இவனை என்ன செய்வது?
News March 22, 2026
விஜய் தேர்தல் பிரசாரத்தை தொடங்குகிறார்
புதுச்சேரியில் வேட்புமனு தாக்கல் நாளையுடன் நிறைவடையும் சூழலில், இன்று தவெகவின் வேட்பாளர் பட்டியலை விஜய் அறிவிக்கவுள்ளார். ஏப்.9-ம் தேதி அங்கு தேர்தல் நடைபெறுவதால், தமிழகத்திற்கு முன்பாக புதுச்சேரியில் பிரசாரம் மேற்கொண்டு தீவிர வாக்கு சேகரிப்பில் அவர் ஈடுபடவுள்ளதாக தவெக வட்டாரங்கள் தெரிவிக்கின்றன. மேலும், புதுச்சேரிக்கான தேர்தல் அறிக்கையையும் தவெக தலைமை தயாரித்துவிட்டதாக கூறப்படுகிறது.