India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 10, 2025
தண்ணீர் தொட்டியை சுத்தம் செய்தபோது 5 பேர் பலி!
மும்பையின் நக்படா பகுதியில் தண்ணீர் தொட்டி சுத்தம் செய்யும் பணியின் போது விஷவாயு தாக்கி 5 தொழிலாளர்கள் உயிரிழந்தனர். ஹசிபல் ஷேக், ராஜா ஷேக், ஜியாவுல்லா ஷேக், ஹிமாந்த் ஷேக் ஆகியோர் நேற்று உயிரிழந்த நிலையில், ஹாஸ்பிடலில் சிகிச்சைப் பலனின்றி பர்ஹான் ஷேக் இன்று மரணமடைந்தார். புதிதாக கட்டப்பட்டு வரும் கட்டடத்தில் விஷவாயு தாக்கியது எப்படி என போலீசார் விசாரணை நடத்தி வருகின்றனர்.
News March 10, 2025
நீங்க டெய்லி தலைக்கு குளிக்கும் பழக்கம் இருப்பவரா?
தலைமுடி ஆரோக்கியமாக இருக்க வாரத்திற்கு 4 முறையாவது தலைக்கு குளிக்க வேண்டும் என நிபுணர்கள் கூறுகிறார்கள். தூசி, அழுக்கு, மாசு நிறைந்த பகுதிகளில் வசிப்பவர்கள், தினமும் தலைக்கு குளிக்க அறிவுறுத்தப்படுகிறார்கள். அழுக்கு அதிகமாகப் படிவது, முடியின் ஆரோக்கியத்திற்கு கேடு. சம்மர் சீசனில், உடலை குளிர்ச்சியாக வைப்பதற்கும், தலைமுடி ஆரோக்கியத்திற்கும் வாரத்திற்கு நான்கு முறை குளித்து விடுங்கள். SHARE IT.
News March 10, 2025
திமுக மூத்த தலைவர் மறைவு: முதல்வர் ஸ்டாலின் இரங்கல்
திமுக மூத்த தலைவர் பி.எஸ்.ராஜராஜன் மறைவுக்கு முதல்வர் ஸ்டாலின் இரங்கல் தெரிவித்துள்ளார். சிதம்பரம் நகர திமுக அவைத் தலைவராகப் பதவி வகித்த ராஜராஜன், முன்னாள் நகர்மன்ற உறுப்பினராகவும் பதவி வகித்துள்ளார். ராஜராஜனை இழந்து வாடும் அவரது குடும்பத்தினர் மற்றும் கழக உடன்பிறப்புகளுக்கு தனது ஆழ்ந்த இரங்கலைத் தெரிவித்துக் கொள்வதாக முதல்வர் ஸ்டாலின் பதிவிட்டுள்ளார்.
News March 10, 2025
13 நாடுகளில் தேதி குறிச்சாச்சி.. இளையராஜா செம ஹேப்பி!
சிம்பொனி நிகழ்ச்சியை முடித்து சென்னை திரும்பிய இளையராஜா, நிகழ்ச்சியின் போது ஒவ்வொரு மொமண்ட்டிற்கும் கைதட்டி ரசிகர்கள் கொண்டாடினர் என தனது மகிழ்ச்சியை வெளிப்படுத்தினார். அனைவரும் மனமார வாழ்த்தியதால் தான், நிகழ்ச்சி பெரிய வெற்றி பெற்றது எனவும், அரசின் சார்பாக வரவேற்றது மகிழ்ச்சி என்றும் கூறினார். இந்நிகழ்ச்சியை 13 நாடுகளில் நடத்த தேதி குறிச்சாச்சு எனக் கூறி அனைவருக்கும் தனது நன்றியை தெரிவித்தார்.
News March 10, 2025
தாயை பின் தொடரும் ஸ்ரீதேவியின் மகள்
ஸ்ரீதேவி கடைசியாக நடித்த ‘மாம்’ படத்தின் 2ஆம் பாகத்தில் அவரின் மகள் குஷி கபூர் நடிக்க உள்ளார். நிகழ்ச்சி ஒன்றில் பேசிய அவரது தந்தை போனி கபூர் ‘மாம் 2’ படத்தை தானே தயாரிக்க உள்ளதாகவும் தெரிவித்தார். தனது மகள்கள் இருவரும் ஸ்ரீதேவியின் வழியில் செல்வதையே விரும்புவதாகவும் அவர் கூறியுள்ளார். மாம் படத்திற்காக ஸ்ரீதேவி தேசிய விருது பெற்றது குறிப்பிடத்தக்கது.
News March 10, 2025
இலங்கை கிரிக்கெட்டருக்கு இந்தியாவில் இலவச இடம்?
இலங்கை அணியின் முன்னாள் கிரிக்கெட் வீரர் முத்தையா முரளிதரன், செவ்லான் என்ற குளிர்பான நிறுவனத்தை நடத்தி வருகிறார். இந்நிறுவனத்திற்கு காஷ்மீரின் கதுவா மாவட்டத்தில் ₹1,600 கோடியில் அலுமினியம் கேன் தயாரிக்கும் தொழிற்சாலை அமைக்க, 25.75 ஏக்கர் நிலம் இலவசமாக ஒதுக்கப்பட்டு உள்ளதாகக் கூறப்படுகிறது. காஷ்மீர் சட்டசபையில் தற்போது இவ்விவகாரம் பெரும் விவாதப் பொருளாக மாறியுள்ளது.
News March 10, 2025
‘நீட்’ விண்ணப்பத்தில் திருத்தம் செய்ய நாளை கடைசி நாள்
UG ‘நீட்’ தேர்வு விண்ணப்பங்களில் திருத்தம் செய்ய நாளையுடன் (மார்ச் 11) அவகாசம் நிறைவடைகிறது. கடந்த 07.02.2025 முதல் 07.03.2025 வரை ஆன்லைனில் விண்ணப்பங்கள் பெறப்பட்டன. இதில், நாடு முழுவதும் சுமார் 20 லட்சம் மாணவ, மாணவிகள் விண்ணப்பித்துள்ளதாக தகவல் வெளியாகியுள்ளது. வரும் மே 4ஆம் தேதி தேர்வு நடைபெறவுள்ள நிலையில், ஏதேனும் சந்தேகங்கள் இருப்பின் 011 40759000 என்ற எண்ணைத் தொடர்பு கொள்ளவும்.
News March 10, 2025
இசை ‘ராஜா’வை வரவேற்க ரெடியாகும் தமிழ்நாடு!
லண்டனில் தனது முதல் சிம்பொனியான ‘VALIANT’யை அரங்கேற்றம் செய்து, இந்தியாவுக்கு பெருமை தேடித் தந்த இசைஞானி இளையராஜா இன்று சென்னை திரும்புகிறார். அவரை சிறப்பான முறையில் வரவேற்க தமிழ்நாடு அரசின் சார்பில் ஏற்பாடு செய்யப்பட்டுள்ளது. இசைஞானி மீனம்பாக்கம் வந்திறங்கியதும், அதிகாரிகள் புடைசூழ அமைச்சர் தங்கம் தென்னரசு வரவேற்கவுள்ளார். தவிர, ரசிகர்களும் அவருக்காக ஏர்போர்ட்டில் காத்திருப்பார்கள்.
News March 10, 2025
ரன்வேயில் உரசிய விமானம்.. சென்னை ஏர்போர்ட்டில் ஷாக்
சென்னை வந்திறங்கிய விமானத்தில் இருந்த பயணிகளுக்கு உயிர் பயம் ஏற்பட்ட சம்பவம் நிகழ்ந்திருக்கிறது. மும்பையில் இருந்து 192 பேருடன் வந்த விமானம், லேண்ட் ஆனபோது ஓடுபாதையில் அதன் வால் உரசியிருக்கிறது. தீப்பொறி எழும்ப, பைலட் சட்டென சுதாரித்து விமானத்தை கட்டுப்பாட்டிற்குள் கொண்டு வந்ததால் அசம்பாவிதம் தவிர்க்கப்பட்டது. விமான பாதுகாப்பு ஆணையம் விசாரிக்கிறது. பயணிகளிடமும் Sorry கேட்டுள்ளனர்.
News March 10, 2025
பருப்புகளுக்கு 10% இறக்குமதி வரி விதிப்பு
பருப்பு இறக்குமதிக்கு 10% வரி விதிக்கப்படும் என மத்திய அரசு அறிவித்துள்ளது. உள்நாட்டு விநியோகத்தை அதிகரிக்க, மசூர் உள்ளிட்ட பருப்பு வகைகளுக்கு இறக்குமதி வரி விதிக்கப்படுவதாகவும், துவரை உள்ளிட்ட பிற பருப்புகளுக்கு இறக்குமதியை மே 31 வரை நீட்டிப்பதாகவும் கூறியுள்ளது. இதுவரை பருப்பு இறக்குமதிக்கு வரி விலக்கு அளிக்கப்பட்டிருந்த நிலையில், இந்த 10% வரி விதிப்பால் விலை உயர வாய்ப்புள்ளதாக கூறப்பட்டுள்ளது.
Featured News
Sorry, no posts matched your criteria.