India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 10, 2025
‘ரெட்ரோ’ எப்படி இருக்கிறது? – இயக்குநர் நச் பதில்!
கார்த்திக் சுப்பராஜ் இயக்கத்தில் சூர்யா நடிப்பில் உருவாகிவரும் ரெட்ரோ திரைப்படத்தை மே 1ம் தேதி வெளியிட படக்குழு திட்டமிட்டுள்ளது. படத்தில் இடம்பெற்றுள்ள கண்ணாடி பூவே பாடலின் லிரிக்கல் வீடியோ வெளியாகி வரவேற்பை பெற்றது. இந்நிலையில், ரெட்ரோ திரைப்படம் நன்றாக உருவாகி இருப்பதாகவும், படத்தை பார்த்துவிட்டு நடிகர் சூர்யா மகிழ்ச்சியாக இருப்பதாகவும் இயக்குநர் கார்த்திக் சுப்பராஜ் கூறியுள்ளார்.
News March 10, 2025
எதிர்ப்புக்கு பணிந்த தர்மேந்திர பிரதான்!
நாடாளுமன்றத்தில் இன்று நடந்த மும்மொழிக் கொள்கை குறித்த விவாதத்தில் பேசிய தர்மேந்திர பிரதான், திமுக எம்.பி.க்களை ‘நாகரீகமற்றவர்கள்’ என விமர்சித்திருந்தார். இதற்கு கடும் எதிர்ப்பு தெரிவித்த கனிமொழி, அமைச்சருக்கு எதிராக உரிமை மீறல் நோட்டீஸ் வழங்கப்படும் எனக் கூறினார். இதையடுத்து, சங்கடத்தை ஏற்படுத்தியிருந்தால், நாகரீகமற்றவர்கள் என்ற வார்த்தையை தான் திரும்பப் பெறுவதாக தர்மேந்திர பிரதான் கூறினார்.
News March 10, 2025
கன்னியாகுமரி – காஷ்மீருக்கு ரயில்.. ரயில்வே அசத்தல் திட்டம்
தமிழகத்தில் இருந்து காஷ்மீருக்கு நேரடி ரயில் கிடையாது. சாலை மார்க்கமோ, விமானம் மூலமாகவோதான் செல்ல முடியும். இந்த குறையை போக்க கன்னியாகுமரி (அ) ராமேஸ்வரத்தில் இருந்து காஷ்மீருக்கு 4,000 கி.மீ. தூரம், அம்ரித் பாரத் விரைவு ரயில் சேவையைத் தொடங்க ரயில்வே திட்டமிட்டுள்ளது. ஏப்ரலில் கட்ரா-பனிஹால் இடையே ரயில் விடப்படவுள்ளது. இது வெற்றிகரமானால், இத்திட்டம் சாத்தியமாகும் என தெற்கு ரயில்வே கருதுகிறது.
News March 10, 2025
ஏசி விலை ₹2,000 உயர்வு
வெயில் இப்போதே வெளுத்து வாங்குவதால், மக்கள் கடும் சிரமத்திற்கு ஆளாகியுள்ளனர். இதனால், ஏசியை வாங்க மக்கள் ஆர்வம் காட்டுகின்றனர். இந்நிலையில், ஏசி விலையை யூனிட் ஒன்றுக்கு ₹2,000 வரை உயர்த்தப்படுவதாக ஏசி தயாரிப்பு நிறுவனங்கள் கூறியுள்ளன. புளூஸ்டார் நிறுவனம் 3% அளவுக்கு விலையை உயர்த்தியுள்ளது. அதனைத்தொடர்ந்து, ஹயர் நிறுவனமும் தனது ஏசியின் விலை 4 – 5% வரை உயர்த்த உள்ளது.
News March 10, 2025
IPLஇல் தவறான விளம்பரம் வேண்டாமே
IPL கிரிக்கெட் தொடரின்போது மது, பான் மசாலா போன்ற சுகாதார கேடான பொருள்களை விளம்பரம் செய்ய வேண்டாம் என்று மத்திய அரசு அறிவுறுத்தியுள்ளது. IPL தலைவருக்கு மத்திய சுகாதாரத்துறை அனுப்பியுள்ள கடிதத்தில், மைதானங்களிலும், டிவிகளிலும் இத்தகைய விளம்பரங்களை தவிர்க்குமாறு வலியுறுத்தப்பட்டுள்ளது. ஆல்கஹால் & டொபாகோ போன்றவற்றால் ஏற்படும் சுகாதாரக் கேடுகள் குறித்தும் அந்தக் கடிதத்தில் குறிப்பிடப்பட்டுள்ளன.
News March 10, 2025
சர்வதேச விக் தினம் இன்று – வரலாறு தெரியுமா?
இதற்கெல்லாம் தனியாக தினம் இருக்கிறதா என வேடிக்கையாக இருக்கிறதல்லவா?. ஆனால், International Wig Day கடைபிடிக்கப்படுவது வேடிக்கைக்காக அல்ல. புற்றுநோய்க்காக கீமோதெரபி செய்தவர்கள் மற்றும் பிற நோய்களால் தலைமுடியை இழந்தவர்களை ஊக்கப்படுத்தும் நோக்கில் விழிப்புணர்வுக்காக இந்த தினம் உருவானது. முதன்முதலில் டென்மார்க் நாட்டில் தான் விக் தினம் கடைபிடிக்கப்பட்டதாக கூறப்படுகிறது.
News March 10, 2025
CT நிறைவு நிகழ்ச்சியில் PCB பங்கேற்காதது ஏன்?
CT தொடரின் நிறைவு நிகழ்ச்சியில், அத்தொடரை நடத்திய பாக். கிரிக்கெட் வாரியம் (PCB) சார்பில் யாரும் பங்கேற்காதது சர்ச்சையானது. PCB தலைவரால் வர இயலவில்லை என ICC செய்தி தொடர்பாளர் தெரிவித்து இருந்தார். ஆனால், ICC தரப்பில் இருந்து அழைப்பு விடுக்கப்படாததால்தான், PCB தரப்பில் யாரும் கலந்துகொள்ளவில்லை என தகவல் வெளியாகியுள்ளது. இந்த விவகாரம் குறித்து ICCயிடம் PCB முறையிட உள்ளதாகவும் கூறப்படுகிறது.
News March 10, 2025
மணிக்கு 12,144 கி.மீ. வேகம்.. இந்திய பிரம்மாஸ்திரம் தயார்
மணிக்கு 12,144 கி.மீ. வேகத்தில் பாயும் ஏவுகணையை இந்தியா உருவாக்கியுள்ளது. LRAShM என்ற அந்த ஏவுகணை, 1,500 கி.மீ. தூரம் வரை பாயும். இது கப்பல் தகர்ப்பு ஏவுகணை. ஒலியின் வேகத்தை விட 10 மடங்கு வேகமுடையது. 3.37 கி.மீ. தூரத்தை 1 விநாடியில் கடக்கும். இந்த வேகத்தில் பயணித்தால் டெல்லி- வாஷிங்டனுக்கு ஒரு மணி நேரமும், மும்பையில் இருந்து கராச்சிக்கு 5 நிமிடமுமே ஆகும். USA, சீனாவிடமே இத்தகைய ஏவுகணை உள்ளது.
News March 10, 2025
அந்த சூப்பர் CM இவர் தான் : அண்ணாமலை
பதட்டத்தில் பிதற்றும் முதல்வரே, திமுகவினர் நேர்மையற்ற, நாகரீகமற்றவர்கள் என மத்திய அமைச்சர் சொன்னதில் என்ன குறை கண்டீர்கள் என அண்ணாமலை கேள்வி எழுப்பியுள்ளார். மக்களின் எண்ணங்களுக்கு மதிப்பளித்து செயல்படுகிறோம் என்கிறீர்களே, யார் அந்த மக்கள்?. உங்கள் வாரிசு, தனியார் பள்ளிகள் நடத்தும் உங்கள் கட்சி உறுப்பினர்களா? என கேள்வி எழுப்பிய அவர், அந்த சூப்பர் CM ஸ்டாலின் தான் என்று விமர்சித்துள்ளார்.
News March 10, 2025
கார்த்தி படத்தின் புதிய அப்டேட்
கார்த்தி நடிக்கும் ‘சர்தார் 2’ படத்தின் டப்பிங் பணிகள் தொடங்கியுள்ளன. பூஜையுடன் தொடங்கிய டப்பிங் பணிகள் தொடர்பான புகைப்படங்களைத் தயாரிப்பு நிறுவனமான பிரின்ஸ் பிக்சர்ஸ் பகிர்ந்துள்ளது. பி.எஸ்.மித்ரன் இயக்கும் இப்படத்தில் எஸ்.ஜே.சூர்யா, மாளவிகா மோகனன் உள்ளிட்ட பலர் நடிக்கின்றனர். இப்படத்திற்கு யுவன் சங்கர் ராஜா இசையமைத்து வருகிறார்.
Featured News
Sorry, no posts matched your criteria.