India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 4, 2025
தமிழிசைக்கு பதிலடி கொடுத்த CM ஸ்டாலின்
பிறந்தநாளுக்கு மும்மொழிகளில் வாழ்த்து தெரிவித்த தமிழிசைக்கு, தனக்கு தெலுங்கு தெரியாது எனக் கூறி CM ஸ்டாலின் பதிலடி கொடுத்துள்ளார். தெலங்கானா ஆளுநராக பணியாற்றிய அனுபவத்தில் தெலுங்கு மொழியை தமிழிசை அறிந்திருப்பதாக கூறிய அவர், இதிலிருந்தே 3ஆவதாக ஒரு மொழியை வலிந்து படிக்க வேண்டிய அவசியமில்லை, தேவைப்பட்டால் அதனை புரிந்துகொண்டு பயன்படுத்தலாம் என்பதை அவர் உறுதிப்படுத்தி உள்ளதாகவும் சுட்டிக்காட்டினார்.
News March 4, 2025
பிரபல கிரிக்கெட் வீரர் பத்மகர் ஷிவல்கர் காலமானார்
மும்பை அணியின் Ex கிரிக்கெட் வீரர் பத்மகர் ஷிவல்கர் (84) உடல்நலக்குறைவால் காலமானார். இடது கை சுழற்பந்து வீச்சாளரான இவர், 20 ஆண்டுகள் மும்பை அணிக்காக விளையாடியவர். குறிப்பாக 1972இல் தமிழ்நாட்டுக்கு எதிரான ரஞ்சி டிராபி இறுதிப் போட்டியில் 5 விக்கெட்டுகளை வீழ்த்தி மும்பை அணி பட்டம் வெல்ல உதவியவர். மும்பை கிரிக்கெட் ஒரு உண்மையான ஜாம்பவானை இழந்துவிட்டது என MCC தலைவர் அஜிங்க்யா இரங்கல் தெரிவித்துள்ளார்.
News March 4, 2025
கிட்னியில் கல் எப்படி உருவாகிறது தெரியுமா?
சிறுநீரில் உள்ள சில ரசாயனங்கள் வெளியே செல்வதற்குப் பதிலாக உடலில் தங்கி, அவை படிமங்களாக மாறி பின்னர் கற்களாக மாறுகின்றன. மேலும், அசைவம் அதிகமாக சாப்பிட்டு தண்ணீர் குடிக்காமல் இருப்பது போன்ற காரணத்தினாலும் கல் உண்டாகலாம். அத்துடன் தூக்கமின்மை, லேட்டாக சாப்பிடுவது, வைட்டமின் B6, C, D குறைபாடுகளுடன் உடல் பருமன் இருப்பவர்களுக்கும் கிட்னியில் கல் ஏற்படுகிறது. அதிகமாக தண்ணீர் குடியுங்கள்!
News March 4, 2025
இந்திய சில்லரை வணிக சந்தை மதிப்பு உயர்வு
கடந்த 2014ல் ₹35 லட்சம் கோடியாக இருந்த இந்திய சில்லரை வணிக சந்தை மதிப்பு, 2024 இறுதியில் ₹82 லட்சம் கோடியாக அதிகரித்துள்ளது. அந்த காலக்கட்டத்தில், ஆண்டுக்கு 8.90% சராசரி வளர்ச்சி பெற்றிருப்பதாகவும் சில்லரை வணிகர்கள் சங்கம் தெரிவித்துள்ளது. இது, வருங்காலங்களில் மேலும் வேகமாக உயரும் என்றும், 2034ம் ஆண்டுக்குள் இந்திய சில்லரை வணிக சந்தை மதிப்பு ₹1.90 லட்சம் கோடியை எட்டும் எனவும் கணித்துள்ளது.
News March 4, 2025
பஸ் மீது லாரி மோதியதில் 31 பேர் பலி
பொலிவியா நாட்டின் லா பாஸ் அருகே, பஸ் மீது லாரி மோதிய விபத்தில் 31 பேர் சம்பவ இடத்திலேயே உயிரிழந்தனர். லாரி மோதிய வேகத்தில், சுமார் 500 மீட்டர் பள்ளத்தில் பஸ் கவிழ்ந்தது. இதில், படுகாயமடைந்த 22 பேர் ஹாஸ்பிட்டலில் உள்ளனர். இந்த கோர விபத்திற்கு காரணமான லாரி ஓட்டுநர் கைது செய்யப்பட்டுள்ளார். நேற்று முன்தினம் பொலிவியாவின் சுக்ரேவில் இரு பஸ்கள் மோதிக்கொண்ட விபத்தில் 37 பேர் பலியானது குறிப்பிடத்தக்கது.
News March 4, 2025
விஜய்யை விமர்சிக்க திமுகவில் திடீர் தடை: இதுவா காரணம்?
சட்டசபைத் தேர்தலுக்கான பணிகளை DMK தற்போதே தொடங்கிவிட்டது. அந்தவகையில், அண்மையில் நடந்த ஆலோசனைக் கூட்டத்தில், விஜய்யைப் பற்றி யாரும் விமர்சனம் செய்ய வேண்டாமென அமைச்சர்களுக்கு உத்தரவு பிறப்பிக்கப்பட்டுள்ளது. விசாரித்தபோது, அண்ணாமலைக்கு பதிலடி கொடுத்து அரசியலில் முக்கியத்துவம் பெற வைத்தது போன்ற நிலையை, விஜய்க்கும் ஏற்படுத்தி விடக்கூடாது என்பதால் இம்முடிவு எடுக்கப்பட்டதாக DMK வட்டாரங்கள் கூறுகின்றன.
News March 4, 2025
CT தொடர்களில் AUS அணியிடம் கெத்துக்காட்டும் இந்தியா
சாம்பியன்ஸ் டிராஃபி தொடர்களில் இதுவரை இந்தியா 4 முறை ஆஸ்திரேலிய அணியுடன் மோதிய நிலையில், 2 முறை வெற்றி பெற்றுள்ளது. ஒரு போட்டியில் ஆஸி., அணியும், ஒரு போட்டி மழையாலும் கைவிடப்பட்டுள்ளது. ஒட்டுமொத்தமாக 151 ஒருநாள் போட்டிகளில் இரு அணிகளும் மோதியுள்ள நிலையில், இந்தியா 57, ஆஸ்திரேலியா 84 போட்டிகளிலும் வென்றுள்ளன. இன்றைய அரையிறுதிப் போட்டியில் யார் வெல்வார்கள், கமெண்ட் பண்ணுங்க…
News March 4, 2025
தனுஷ் இயக்கத்தில் நடிக்கும் அஜித்..?
தனுஷ் அஜித்தை வைத்து படம் இயக்கப்போவதாக தகவல் வெளிவந்துள்ளது. இது எந்தளவிற்கு உண்மை என்பது தெரியவில்லை என்றாலும், கோலிவுட் வட்டாரங்களில் ஹாட் டாபிக் இதுதான். தனுஷ் இப்போது இட்லி கடை படத்தை இயக்கி வருகிறார். அதனைத் தொடர்ந்து, அவர் இயக்கும் படத்தில் அஜித் ஹீரோவாக நடிக்கிறார் எனவும், அப்படத்திற்கு அனிருத் இசையமைக்கிறார் என்றும் சொல்லப்படுகிறது. தனுஷ் – அஜித் காம்போ எப்படி இருக்கும்?
News March 4, 2025
காய்கறி விலை கடும் சரிவு
கடந்த 2 மாதங்களாக விலை உயர்வை சந்தித்து வந்த காய்கறிகள் விலை கணிசமாக குறைந்துள்ளது. கோயம்பேட்டில் 2 மாதங்களுக்கு முன்பு கிலோ ₹50க்கு விற்பனையான காய்கறிகள் விலை தற்போது ₹15 – ₹20 ஆகக் குறைந்துள்ளது. இன்று (மார்ச் 4) தக்காளி – ₹10, முருங்கை ₹40, முள்ளங்கி, கோஸ் தலா ₹8, பீட்ரூட், கத்திரிக்காய், அவரைக்காய் தலா ₹10க்கும் விற்பனையாகிறது. ஏப்ரல் வரை இதே நிலை தான் நீடிக்கும் என வியாபாரிகள் கூறுகின்றனர்.
News March 4, 2025
அதிமுக உதிரிக்கட்சி தான்: அமைச்சர் சேகர்பாபு
அதிமுகவை இபிஎஸ் ஏற்கெனவே அழித்துவிட்டதால், அவர்களை திமுக போட்டியாக நினைக்கவில்லை என அமைச்சர் சேகர்பாபு தெரிவித்துள்ளார். எதிர்க்கட்சியாக இருந்த அதிமுக, தற்போது உதிரிக்கட்சியாக மாறிவிட்டதாகவும், இபிஎஸ் தலைமையில் அதிமுக தோல்விகளை மட்டுமே சந்தித்து வருவதாகவும் விமர்சித்துள்ளார். வெற்றிகளை மட்டுமே பெற்று வரும் திமுக வரும் தேர்தலில் 200 இடங்களுக்கு மேல் வெல்லும் என்றும் நம்பிக்கை தெரிவித்துள்ளார்.
Featured News
Sorry, no posts matched your criteria.