India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 4, 2025
பிரபல பாடகியின் கணவர் காலமானார்
அமெரிக்காவின் மிகப் பிரபலமான நாட்டுப்புற பாடகி டாலி பார்ட்டன். தன் கணவர் கார்ல் டீன் காலமானதாக அறிவித்துள்ள டாலி, ‘நானும் கார்லும் ஒன்றாக வாழ்ந்த ஆண்டுகள் அற்புதமானவை. 60 ஆண்டுகள் நாங்கள் பகிர்ந்துகொண்ட அன்பை சொல்ல வார்த்தைகள் போதாது’ என்று உருக்கமாக குறிப்பிட்டுள்ளார். கார்லின் மறைவுக்கு உலகம் முழுவதும் திரை, கலையுலக பிரபலங்களும், ரசிகர்களும் இரங்கல் தெரிவித்து வருகின்றனர்.
News March 4, 2025
வெற்றியை நெருங்கும் இந்தியா
சாம்பியன்ஸ் டிராபி செமி பைனலில் இந்திய அணி வெற்றியை நெருங்கி வருகிறது. ஆஸி., நிர்ணயித்த 265 ரன்கள் இலக்கை விரட்டும் இந்திய அணி, 40 ஓவர்கள் முடிவில் 200/4 ரன்கள் எடுத்துள்ளது. கோலி 80 ரன்களுடனும், கே.எல்.ராகுல் 10 ரன்னுடனும் களத்தில் உள்ளனர். இந்த முறையும் சேஸிங் கிங் கோலி நாட்டுக்கு வெற்றியை தேடித் தருவார் என ரசிகர்கள் எதிர்பார்த்து காத்திருக்கின்றனர்.
News March 4, 2025
பிரபல பாடகி கல்பனா தற்கொலை முயற்சி!
பிரபல பாடகி கல்பனா தற்கொலைக்கு முயன்ற சம்பவம் சினிமா வட்டாரத்தில் பெரும் பரபரப்பை ஏற்படுத்தியுள்ளது. ஹைதராபாத்தில் வசித்து வந்த கல்பனா இன்று இரவு திடீரென தற்கொலைக்கு முயன்றார். தற்போது அவர் ஹாஸ்பிட்டலில் ஐசியுவில் அனுமதிக்கப்பட்டுள்ளார். அவர் எதற்காக தற்கொலைக்கு முயன்றார் என்பது தெரியவில்லை. ‘என் ராசாவின் மனசிலே’ படத்தில் வரும் ‘போடா போடா புண்ணாக்கு’ பாடலை சிறு வயதில் பாடியவர் இவர்தான்.
News March 4, 2025
ஆழ்துளை எரிவாயு கிணறு அமைக்க வேண்டாம்: CM
PM மோடிக்கு, CM ஸ்டாலின் கடிதம் எழுதியுள்ளார். அதில், தமிழ்நாட்டின் கடற்கரையோரத்தில், மன்னார் வளைகுடா பகுதியில் மத்திய அரசு மேற்கொண்டிருக்கும் கடல்சார் ஆழ்துளை எரிவாயுக் கிணறுகள் அமைக்கும் முயற்சியை கைவிட்டு, ஏல அறிவிப்பை மறுபரிசீலனை செய்ய வேண்டும் என வலியுறுத்தியுள்ளார். ஆழ்துளை எரிவாயு கிணறுகள் அமைத்தால் கடல்வாழ் உயிரினங்களுக்கு பெரும் சேதம் ஏற்படும் எனவும் அவர் அச்சம் தெரிவித்துள்ளார்.
News March 4, 2025
எந்த ஜாதியும் கோயில்களுக்கு உரிமை கொண்டாட முடியாது
எந்த ஜாதியும் கோயில்களுக்கு உரிமை கோர முடியாது என சென்னை ஐகோர்ட் கருத்து தெரிவித்துள்ளது. ஜாதி அடிப்படையில் கோயிலை நிர்வகிப்பது என்பது மத நடைமுறை அல்ல எனக் குறிப்பிட்ட கோர்ட், பெரும்பாலான பொதுக் கோயில்கள், சில ஜாதியினரின் கோயில்கள் என முத்திரை குத்தப்பட்டுள்ளதாகக் கூறியுள்ளது. மேலும், ஜாதி பாகுபாட்டில் நம்பிக்கை உள்ளவர்கள்தான் மதப் பிரிவு என்ற போர்வையில் வெறுப்பை உமிழ்வதாகவும் தெரிவித்துள்ளது.
News March 4, 2025
BREAKING: பிரபல நடிகை கைது
தமிழில் வாகா படத்தில் நடித்த பிரபல நடிகை ரன்யா ராவ் (32) அதிரடியாக கைது செய்யப்பட்டுள்ளார். துபாயில் இருந்து தங்கத்தை கடத்தி வந்தபோது, பெங்களூரு விமான நிலையத்தில் அவர் பிடிபட்டுள்ளார். அதிக நகைகளை அணிந்திருந்த அவரிடம் வருவாய் புலனாய்வுத்துறை அதிகாரிகள் துருவி துருவி விசாரணை நடத்தினர். இதனைத்தொடர்ந்து அவரின் உடமைகளை சோதனை செய்ததில் தங்கக் கட்டிகள் இருந்தது கண்டுபிடிக்கப்பட்டுள்ளது.
News March 4, 2025
நடிகையுடன் கலக்கும் குட்டி டிராகன்
VJ Siddhu Vlogs மூலம் சமூக வலைதளங்களில் பிரபலமான ஹர்ஷத் கான், டிராகன் படம் மூலம் திரைத்துறையில் அடியெடுத்து வைத்தார்.
டிராகன் படத்தில் குட்டி டிராகன் கதாபாத்திரத்தில் வந்த ஹர்ஷத் கான் பலரின் கவனத்தை ஈர்த்தார். தற்போது டிராகன் பட நடிகர் கயாடு லோஹருடன் அவர் இருக்கு ஸ்டைலிஷான புகைப்படங்களை இன்ஸ்டாவில் அவர் பகிர்ந்துள்ளார்.
News March 4, 2025
எனக்கு எண்டே கிடையாது.. சாதனை படைத்த கோலி
இளைஞர்களின் கனவு நாயகனாக வளம் வரும் கோலி இன்று புதிய சாதனையை படைத்துள்ளார். 1st Semi-Final-லில் ஆஸி.,வுக்கு எதிரான போட்டியில் 50* ரன்கள் விளாசியதன் மூலம், சாம்பியன்ஸ் டிராபியில் அதிக ரன் குவித்த இந்தியர் என்ற சாதனையை படைத்துள்ளார். 10 போட்டிகளில் 701 ரன்கள் குவித்து தவான் முதலிடத்தில் இருந்த நிலையில், அவரின் சாதனையை கோலி முறியடித்து, நான் தான் எப்போதும் நம்பர் 1 என்று நிரூபித்துள்ளார்.
News March 4, 2025
பெண்களே.. எங்கே டூர் கூட்டிட்டு போறாங்கனு தெரியுமா?
சர்வதேச மகளிர் தினமான மார்ச் 8ஆம் தேதி பெண்களுக்கான <<15651976>>ஸ்பெஷல் சுற்றுலாவை<<>> தமிழக அரசு ஏற்பாடு செய்துள்ளது. வரலாற்று சிறப்புமிக்க மாமல்லபுரத்துக்கும், அதன் அருகே உள்ள சுற்றுலா தலமான முதலியார்குப்பத்துக்கும் பெண்கள் அழைத்து செல்லப்படவுள்ளனர். எழில்கொஞ்சும் அழகிய தீவான முதலியார்குப்பம், வெளிநாட்டு பறவைகளின் சரணாலயமாகவும் விளங்குகிறது. அதுதவிர, படகு சவாரியும், நீர் விளையாட்டுகளும் ரொம்ப ஃபேமஸ்.
News March 4, 2025
காதலரை பிரிகிறாரா நடிகை தமன்னா?
நடிகை தமன்னா – பாலிவுட் நடிகர் விஜய் வர்மா இடையே 2 ஆண்டுகளுக்கு முன்பு காதல் மலர்ந்தது. இருவரும் திருமணம் செய்து நட்சத்திர தம்பதியாக வலம் வருவார்கள் என கிசுகிசுக்கப்பட்டது. ஆனால், காதலருடன் சமூக வலைதளங்களில் பதிவிட்ட படங்களை தமன்னா நீக்கியுள்ளார். இதேபோல், விஜய் வர்மாவும் தமன்னா உடனான படங்களை நீக்கியுள்ளார். இதனால், இருவரும் பிரிந்து விட்டார்களா என ரசிகர்கள் கேள்வி எழுப்பி வருகின்றனர்.
Featured News
Sorry, no posts matched your criteria.