India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 17, 2025
உரிமைகளை தடுப்பது நியாயமா? – பொங்கிய சரத்!
டாஸ்மாக்கில் ரூ.1,000 கோடி முறைகேடு நடைபெற்றிருப்பதாக அமலாக்கத்துறை தெரிவித்த விவகாரத்தில் சிபிஐ விசாரணை கோரி பாஜகவினர் ஆர்ப்பாட்டத்தில் ஈடுபட்டனர். இதில், அண்ணாமலை, தமிழிசை, H.ராஜா உள்ளிட்டோர் கைது செய்யப்பட்டனர். இதற்கு, பாஜகவின் சரத் குமார் கண்டனம் தெரிவித்துள்ளார். நியாயமான போராட்ட உரிமைகளை தடுப்பது நியாயமா? என X தளத்தில் கேள்வி எழுப்பி CM ஸ்டாலினை டேக் செய்துள்ளார்.
News March 17, 2025
ஓபிஎஸ் கேள்வி.. குலுங்கி குலுங்கி சிரித்த இபிஎஸ்
சட்டப்பேரவையில் இன்று அமைச்சர் சேகர்பாபுவிடம், ராஜேந்திரன் எம்எல்ஏ (திருவள்ளூர்), திருவாலங்காடு கோயிலில் மாந்திரீக பூஜை செய்ய வசதி செய்து தரப்படுமா? என கேள்வி எழுப்பினார். அப்போது குறுக்கிட்ட ஓபிஎஸ், அமைச்சர் இதற்கு விளக்கம் தருவாரா என நகைச்சுவையாக கேட்டார். இதைக்கேட்ட இபிஎஸ் குலுங்கி குலுங்கி சிரித்தார். இதையடுத்து எம்எல்ஏ ராஜேந்திரன், பரிகாரபூஜையையே மாந்திரீக பூஜை எனக் கூறியதாகக் கூறினார்.
News March 17, 2025
குமரி அனந்தன் ICUவில் அட்மிட்
காங்., மூத்த தலைவரும், தமிழிசை சவுந்தரராஜனின் தந்தையுமான குமரி அனந்தன்(91) சென்னை அப்போலோ ICUவில் அனுமதிக்கப்பட்டுள்ளார். மூச்சுத்திணறல் காரணமாக ஏற்கெனவே வேலூர் மருத்துவமனையில் அனுமதிக்கப்பட்டு இருந்த நிலையில், அவரது உடல்நிலை மோசமடைந்ததால், சென்னை வானகரம் அப்போலோ ஹாஸ்பிடலுக்கு அழைத்து வரப்பட்டு ICU வார்டில் அனுமதிக்கப்பட்டுள்ளார். அவரில் உடல்நிலை கவலைக்கிடமாக இருப்பதாக கூறப்படுகிறது.
News March 17, 2025
CSK Vs MI: மார்ச் 19 முதல் டிக்கெட் விற்பனை
CSK Vs MI போட்டிக்கான டிக்கெட் விற்பனை மார்ச் 19ஆம் தேதி ஆன்லைனில் நடைபெறுகிறது. ₹1,700 – ₹7,500 வரை டிக்கெட் விலை நிர்ணயிக்கப்பட்டுள்ள நிலையில், அதனை காலை 10:15மணி முதல் chennaisuperkings.com இணையதளத்தில் வாங்கலாம். C/D/E Lower – ₹1,700, I/J/K Upper -2,500 I/J/K LOWER – ₹4,000, C/D/E Upper – ₹3,500, kMK Terrace – ₹7,500 என விலை நிர்ணயிக்கப்பட்டுள்ளது. ஒரு நபருக்கு 2 டிக்கெட் மட்டும்தான்.
News March 17, 2025
அரிய வகை புற்றுநோய்: பிரபல நடிகை மரணம்
கான் விருது உள்ளிட்ட பல்வேறு சர்வதேச விருதுகளை வென்ற நடிகை எமிலி டெய்க்யூன்(43), உடல்நலக் குறைவால் உயிரிழந்தார். அட்ரினோ கார்ட்டிகல் கார்சினோமா என்ற அரிதான புற்றுநோயால் அவர் பாதிக்கப்பட்டிருந்தார். ‘ரோசெட்டா’ படத்துக்கு கான் விருது வென்றதன் மூலம் புகழ்பெற்ற எமிலி, Our Children, The girl on the train உள்ளிட்ட படங்கள் மூலம் பிரெஞ்சு திரையுலகின் முக்கிய நடிகையாக திகழ்ந்தார் என்பது குறிப்பிடத்தக்கது.
News March 17, 2025
அதிமுக பிளவுக்கு இதுதான் காரணம்: மருது அழகுராஜ்
அதிமுகவுக்கு சர்வாதிகார ஜனநாயகம் தான் சரியாக வரும் என நமது அம்மா நாளிதழின் முன்னாள் ஆசிரியர் மருது அழகுராஜ் கருத்து தெரிவித்துள்ளார். இபிஎஸ் – செங்கோட்டையன் இடையே விரிசல் ஏற்பட்டிருப்பதால், அதிமுகவில் சலசலப்பு ஏற்பட்டுள்ளது. இந்தச் சூழலில் எம்ஜிஆர், ஜெயலலிதா போன்ற சர்வாதிகார தலைமை இல்லாததுதான், இப்படியான பிளவுகளுக்கு காரணம் என மருது அழகுராஜ் கூறியுள்ளார்.
News March 17, 2025
CSK போட்டி.. ரசிகர்களுக்கு கட்டுப்பாடு
CSK – MI அணிகளுக்கிடையே மார்ச் 23ஆம் தேதி நடைபெறும் போட்டிக்கான ஆன்லைன் டிக்கெட் 19ஆம் தேதி விற்பனை செய்யப்படுகிறது. டிக்கெட் விலை ₹1,700 முதல் ₹7,500 வரை. ஒரு நபருக்கு 2 டிக்கெட்டுகள் மட்டுமே வழங்கப்படும்; பிளாஸ்டிக் பொருட்களை எடுத்து வரக்கூடாது. கார், இருசக்கர வாகனங்களை நிறுத்துவோர் போட்டி தொடங்குவதற்கு 2 மணி நேரத்துக்கு முன்னரே வர வேண்டும் என ரசிகர்களுக்கு கட்டுப்பாடும் விதிக்கப்பட்டுள்ளன.
News March 17, 2025
தமிழகத்தை செழிப்பாக்கும் ஆறுகள்! (1/2)
சம்மர் லீவுக்கு ஊட்டி, கொடைக்கானல் போகப் போறீங்களா. உங்க லிஸ்டுல 4 அழகான ஆறுகளையும் சேர்த்துக்கோங்க. முதல்ல பார்க்க, தமிழ்நாட்டோட ஜீவாதாரமான காவிரி ஆறு. மேற்குத் தொடர்ச்சி மலையில ஆரம்பிச்சு ஒகேனக்கல்ல சீறிப் பாய்ந்து வர்ற அழகே தனி. இரண்டாவதா, வைகை. மதுரைக்கு சித்திரைத் திருவிழா மட்டுமில்ல, வைகை ஆறோட வனப்பும் அழகு தான். மீனாட்சி அம்மனோட அருளால ஓடுற ஆறுனு இதுக்கு புராண பெருமையும் இருக்கு.
News March 17, 2025
தமிழகத்தை செழிப்பாக்கும் ஆறுகள்! (2/2)
நெல்லை, தூத்துக்குடி பகுதிகளை செழிப்பாக்கும் தாமிரபரணிக்கு தனி வரலாற்றுக் கதையே இருக்கு. இலக்கிய காலத்துல பொருநை என அழைக்கப்பட்ட தாமிரபரணி, பாபநாசம் மேற்குத்தொடர்ச்சி மலையில இருந்து தூத்துக்குடியோட சங்குமுகம் வரைக்கும் பாயுது. நீலகிரியில் இருந்து கோவை, ஈரோடு மாவட்டங்கள் வழியா பாய்ந்து வரும் ஆறு பவானி. வனப்பகுதி வழியா ஓடும் பவானியோட அழகே தனி. கடைசியாக காவிரியுடன் சங்கமித்துவிடும்.
News March 17, 2025
த்ரில்லர் படம் இயக்குவதே கனவு.. பிரபல நடிகையின் ஆசை
சிம்புவின் அச்சம் என்பது மடமையடா படத்தின் மூலம் தமிழில் பிரபலமானவர் மஞ்சிமா மோகன். தற்போது OTT-யில் வெளியாகியுள்ள சுழல் வெப் தொடரின் 2ஆம் பாகத்தில் இவர் நடித்துள்ளார். இதனிடையே பேட்டி ஒன்றில் தனக்கு த்ரில்லர் படம் இயக்க ஆசை எனத் தெரிவித்துள்ளார். தன்னால் திரைக்கதை எழுத முடியாவிட்டாலும், எழுத்தாளர் எழுதும் கதையைத் திரையில் கொண்டு வர முடியும் எனக் கூறியுள்ளார்.
Featured News
Sorry, no posts matched your criteria.