India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 21, 2025
கடன் வாங்கியதில் திமுக சாதனை: இபிஎஸ்
திமுக ஆட்சிக்கு வந்த 4 வருடங்களில் ₹4.53 லட்சம் கோடி பெற்றுள்ளது. ஆனால், அதிக கடன் வாங்கியதை மறைத்து சதவீத கணக்கு காட்டி தங்கம் தென்னரசு ஏமாற்றிக் கொண்டிருக்கிறார் என்று இபிஎஸ் குற்றம் சாட்டியுள்ளார். நிதியமைச்சர் பட்ஜெட் பதிலுரையில் வெறும் வார்த்தை ஜாலங்கள் மட்டுமே இருந்ததாக விமர்சித்த அவர், நிதி மேலாண்மை குழு அமைத்து கடன் வாங்கியது தான் திமுகவின் சாதனை என்று சாடினார்.
News March 21, 2025
சின்ன வெங்காயம் விலை கடும் வீழ்ச்சி
சின்ன வெங்காயம் விலை கடும் சரிவைக் கண்டுள்ளதால் விவசாயிகள் வேதனையில் ஆழ்ந்துள்ளனர். திண்டுக்கல் மொத்த சந்தைக்கு வழக்கமாக வரும் 4,000 மூட்டைகளுக்கு பதிலாக இன்று 7,000 மூட்டைகள் வந்ததே இதற்கு காரணமாம். இதனால் விலை குறைந்து 1 கிலோ ₹15- ₹30க்கு விற்பனையாகிறது. கடந்த வாரத்தில் சின்ன வெங்காயம் கிலோ ₹70 வரை விற்பனையானதாகவும், இந்த விலை குறைவு ஒரு மாதத்திற்கு நீடிக்கும் என்றும் வியாபாரிகள் கூறுகின்றனர்.
News March 21, 2025
FactCheck : கோயில் அறங்காவலராக இஸ்லாமியரா?
தஞ்சை பெருமாள் கோயில் அறங்காவலராக இஸ்லாமியரை அறநிலைத்துறை நியமித்ததாக எச்.ராஜா குற்றம் சாட்டியிருந்தார். இது சமூக வலைதளங்களில் பெரும் விவாதப்பொருளாக மாறியது. இந்நிலையில் பெருமாள் கோயில் அறங்காவலராக தேர்வான நர்க்கீஸ்கான் இஸ்லாமியர் இல்லை. மிகச் சிக்கலான பிரசவத்தில் பிறந்ததால், பிரசவம் பார்த்த மருத்துவர் நர்க்கீஸ்கான் பெயரை, அவருக்கு பெற்றோர் வைத்துள்ளனர் என்று TNFactCheck தெரிவித்துள்ளது.
News March 21, 2025
10 மாவட்டங்களில் நாளை கனமழைக்கு வாய்ப்பு!
தேனி, மதுரை, திண்டுக்கல், விருதுநகர், தூத்துக்குடி, நீலகிரி, கோவை, திருப்பூர், கிருஷ்ணகிரி மற்றும் தருமபுரி மாவட்டங்களில் நாளை (மார்ச் 22) கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. அதேவேளையில், 2 – 3 டிகிரி செல்சியஸ் வெப்பநிலை அதிகரிக்க வாய்ப்புள்ளதாகவும் எச்சரிக்கை விடுத்துள்ளது.
News March 21, 2025
25 நாட்களில் முழு நேர அரசியலில் விஜய்
தவெக தலைவர் விஜய் இன்னும் 25 நாட்களில் தீவிர அரசியலில் களமிறங்க உள்ளதாக தகவல்கள் தெரிவிக்கின்றன. அவர் நடித்து வரும் ‘ஜனநாயகன்’ படத்தின் படப்பிடிப்பு 25 நாட்களில் நிறைவடைய உள்ளதாகக் கூறப்படுகிறது. அதை முடித்த கையோடு பூத் கமிட்டி மாநாடு, சுற்றுப்பயணம், பொதுக் கூட்டங்களை நடத்த திட்டமிட்டுள்ளதாக தவெக நிர்வாகிகள் கூறுகின்றனர். 2026 சட்டசபை தேர்தலே தங்கள் இலக்கு என விஜய் கூறி வருவது குறிப்பிடத்தக்கது.
News March 21, 2025
சீமானுக்கு எதிரான வழக்கு: விவரம் கேட்கும் ஐகோர்ட்
நடிகை விஜயலட்சுமி வழக்கில் கைது நடவடிக்கையில் இருந்து தப்பிய சீமானுக்கு மீண்டும் ஒரு சிக்கல் ஏற்பட்டுள்ளது. நீதித்துறையை அவமதிக்கும் வகையில் சீமான் பேசியதாக தொடரப்பட்ட வழக்கை எழும்பூர் நீதிமன்றம் தள்ளுபடி செய்தது. இதனை எதிர்த்து வழக்கறிஞர் சார்லஸ் அலெக்சாண்டர் தொடர்ந்த மேல்முறையீட்டு மனுவை விசாரித்த சென்னை ஐகோர்ட், எழும்பூர் நீதிமன்ற உத்தரவின் விவரத்தைத் தாக்கல் செய்ய ஆணையிட்டுள்ளது.
News March 21, 2025
அதிமுகவுக்கு வாழ்த்து சொன்ன ஸ்டாலின்
எம்ஜிஆர் மீது மிகுந்த மதிப்பு கொண்டவர்கள் திமுகவினர்; ஆனால், வேறு எங்கோ ஒருவர் சாணக்கிய தந்திரத்தோடு கணக்குப்போட்டு, அதிமுகவை அபகரிக்க முயற்சிப்பதாக பேரவையில் அமைச்சர் தங்கம் தென்னரசு விமர்சித்தார். உடனே எழுந்து பேசிய தங்கமணி, கூட்டணிக் கணக்கில் நாங்கள் ஏமாற மாட்டோம் என்று பதிலடி கொடுத்தார். இதற்கு பதிலளித்த CM ஸ்டாலின், ஏமாறாமல் இருந்தால் வாழ்த்துகள் என்று சிரித்துக் கொண்டே கூறினார்.
News March 21, 2025
#Exclusive.. முதல்வர் வெளிநாட்டு பயணச் செலவு விவரம்
மே 7, 2021இல் முதல்வராக ஸ்டாலின் பதவியேற்றதிலிருந்து, அவரது வெளிநாட்டுப் பயணங்களுக்காக தமிழக அரசு ₹7.12 கோடி செலவிட்டுள்ளது. இதில் பயணம், தங்குமிடம், விசா மற்றும் காப்பீட்டுக் கட்டணங்கள் அடங்கும் என்று RTI மூலம் தெரியவந்துள்ளது. ஆனால், அவரது துபாய் பயணச் செலவு குறித்து எந்த தகவலையும் அரசு வெளியிடவில்லை. இதை அரசியல் ரீதியாக விவாதப்பொருளாக மாற்ற எதிர்க்கட்சிகள் திட்டமிட்டுள்ளதாக கூறப்படுகிறது.
News March 21, 2025
இலவச லேப்டாப்புக்கு கேரண்டி கொடுத்த அமைச்சர்
₹10,000க்கு எவ்வாறு இலவச லேப்டாப் தரமானதாக இருக்கும் என சட்டசபையில் அதிமுக முன்னாள் அமைச்சர் தங்கமணி கேள்வி எழுப்பியிருந்தார். இதற்கு பதிலளித்த அமைச்சர் தங்கம் தென்னரசு, மாணவர்களுக்கு வழங்கப்படும் <<15756642>>லேப்டாப்பின்<<>> தரத்தை பற்றி கவலைப்பட வேண்டாம் எனவும், நிச்சயம் அவை தரமாக இருக்கும் என்றும் உறுதியளித்தார். அத்துடன், ஒரு லேப்டாப் ₹20,000 விலையில் கொள்முதல் செய்யப்பட உள்ளதாகவும் அவர் கூறியுள்ளார்.
News March 21, 2025
ஏப்.18இல் ரீ எண்ட்ரி கொடுக்கும் ‘சச்சின்’
விஜய் நடிப்பில் 2005இல் வெளியாகி ரசிகர்களிடம் நல்ல வரவேற்பை பெற்ற ‘சச்சின்’ திரைப்படம் ஏப்.18இல் ரீரிலீஸ் செய்யப்படும் என அறிவிக்கப்பட்டுள்ளது. விஜய் அரசியலில் எண்ட்ரி கொடுத்ததால், இனி படங்களில் நடிக்க மாட்டேன் என்று கூறிவிட்டார். தற்போது அவரது நடிப்பில் ‘ஜனநாயகன்’ விறுவிறுப்பாக உருவாகி வருகிறது. அதற்குமுன் இப்படம் வெளியாக இருப்பதால், விஜய் ரசிகர்கள் மத்தியில் பெரும் எதிர்பார்ப்பு எழுந்துள்ளது.
Featured News
Sorry, no posts matched your criteria.